إمرأة بلا وطن

البارت الثاني

صباح الورد والياسمين

استغفرالله واتوب اليه
لاحول ولاقوة الا بالله
**********&&&&&&&*****

هواي مصدوم وكمت منهن قوي...
من حبيب ومن صديق ومن خوي....
هن ثگلن بس عرفت انوب اطير......
النار وحدة والشور شور اهل الچوي...
صدمة العنده وفه تعوفك چسير....
وصدمة المايستحي تردك قوي ...

*********&&&&&&&&"****

اليوم زفته .....لبست احلى شي عندي ومكياج ثكيل ....ميسم سوتلي ياه تصير اخت رنا من الاب ....ماتحب رنا وامها ....بس علاقتنا كولش قوية تعرف كل شي عني .....واني هم ادري بام رنا جم مره ضاربتها واذتها وجم مره جبرتها تصير خدامة لجهالها ...من نلتقي نصبر بعض...اليوم جبرتني البس احلى شي ومكياج طوخ سوتلي ...
ميسم _اليوم راح تحركين كلب الكل واولهم الحيه رنيوه...

ابتسمت على حجيها ...
شيفيد واني انذليتلها بسبب واحد نذل مثل سامر...
اتذكرت من اخذني بالكوه ....وهاني وهو يكول لابوها زوجتي ممكفيتني ...اهم شي عدها البيت نضيف وخلاص ...والله حقك من عمت عين الدنيا الخلتني اتزوجك واخدمكم ...لو عندي اخ بي خير ماجان وصلت لهنا ..
فزيت على ايد ميسم

ميسم _كل شي يهون يااختي بالعذاب..

سمعنا صوت الناس ...طلعنا . .من شافتني عمتي فتحت عيونها عالاخر ...
لان هاي اول مرة اخلي هيج مكياج لان اصلا ممسوية عرس ......فابد ماشايفيني هيج ...خو بنات عمي ماتن ....اجت عمتي سرى ...حضنتني بقوة ...

سرى _فدوة لبنت اخويه القمر ...ديري بالج تنزلين دموعج اطيح حظج ...

رفعتي راسي الها وجاولت ببرود
زمرد_لو عندي عمام وعمات ينشد بيهم الظهر ماجان وصلت لهنا...
عفتها ورحنا للمطبخ...بدينا نوزع ماي وصلت يم ام رنا ..وهي صافنة بوجهي ...طبعا غير بنتها مقارنة بيه جنها ضفدع ...ابتسمت بوجهها ...فاتو العرسان ...واني واكفه ...واريد اكرهه اكثر من مااني كارهته بلكي اخلص منه وبعد مايجيني ....

كعدو بالكوشه ...واني اشوف عيونه دور ...اكيد عني ...اني ادري يحبني ...بس احسه مو حب اسمي تملك هوس انانيه ...بس حب اشك....تعمدت اخلي يشوفني ...حتى الناس تاكله شلون اخذ وحده مثل رنا وزوجته اصغر واحلى...وفعلا هذا الصار من الناس عرفت اني زوجته الاولى ضل يحجون ياا اعمى ...وشي تكول اكيد انجبر على هاي قصدهم رنا ...بس هو انصدم من شافني وشاف اللبس والمكياج...ضل يبلع ريكه ...وعينه تلمع ...ماادري شنو يكول بداخله...
تقربت منهم وعيني على رنا ...الي خزرتني ...

زمرد _شنو هالجمال ....سامر زوجتك حلوة موو سئلته وانداريت على سامر..حجه وهو تايه وصافن بوجهي...
سامر _مو بجمالج ...ولاوحدة بالكون توصل لربع بجمالج ...

رنا _سامر شبيك شنو هالحجي...

اندار عليها ...

سامر _قابل مجذب انتي باوعي عليها انتي صفر يمها عمي ياصفر كولي سالب
ابتسمت بداخلي بس رديته .