ثمَّ أنَّ هناك أيامٌ عِجافٌ ستمرُّ بك وتُرهقك وتظن أنها النهاية ، ويأتي بعدها أيامٌ تُغاثُ فيها وترتوي من غيث الرحيم الكريم فاصبر ، وأحسن الظنَّ بالله .. ♥️🌿يسعد قلوبڪم ♥️🌿
في الحروب نفقد أعزاز ازواج ، إباء ، إبناء نعيش الحرمان والخوف تتقتل الشباب فـ تترمل النساء وتنصرع الأمهات بفقدان اولادهم نغترب عن الاوطان نهجر الاحبه والبلاد نعيش صراعات داميه بين الأيام وطياتها بين العقول والقلوب بين الفراق ولم الشمل ولا زالت الحروب خراب ودمار خراب أبنيه دمار منازل ولا زالت الشعوب تعاني ولا زالت البيوت تفقد ولا زالت الناس تخسر أحباب
خاطࢪه بقلمي عَيّوُنٌ آلَمِــهِآ
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عشق * كل مااذكره تأزمت حالتنه وصار جوع وخوف وحرب وكل الناس صارت تهاجر وتسافر الا ابي ماقبل يطلع ويسافر خارج البلد هم بسبب الضروف و وضعنا المادي وهم مايگدر يترك بلده ضل من بعيد يروح ايشوف أهله خاف صاير عليهم شي رغم الي سوو بي وبسبب الحرب گعد من الشغل وضل لا يشتغل ولا عنده افلوس يعيش ويعشنه بيهم اهله سافروا وحتى ما انطونه خبر وگالوا النه احنه مسافرين لو حتى ياخذونه وياهم بقينه بين معاناة الحرب والجوع والخوف وبسبب الدمار والخراب والانفجارات والقصف والاصوات القريبه علينه ضلينه مانگدر أنام ابي يحضنه وينومنه يمه صرنه نخاف حتى من صوت الرعد يذكرنا بلحرب
خابرة صديقه گال اله اكو قريه يم الحدود تعالو بيه امان ماكو يمها شي ابي گاله افكر الله كريم الى ان اجه يوم وسمع ابي انو الدواعش راح ياخذون البيت الي احنا گاعدين بي راح يدور النه بيت وراح على صديقه حتى يشوف ويتفق على المكان القريه شوي خارج الحدود يعني بعيده يشوف انه بيت اي شي حتى لو گاع المهم امان لان داعش يريد البيت يريد ياخذه لأن قريب على السيدة زينب عليهاالسلام
من راحو ابي وامي گالو هيچ النه حتى بقينه بالبيت ويمنه مرأة كبيره عجوز صديقة مامه وبابه وگالوا النه هسه نرجع اني عمري 14 سنه وأخي ريان هم ١٤ سنه
هو حتى اكل قلل بسبب قصف الحرب يرحون الحدود يجيبون مناك
لو احنا مهاجرین ماجان هیچ صار بينه ابي ماقبل الهجرة يقول اموت بلادي ولا اصير غريب عند الدول وثانيا الي شردو من سوريا سكنو خيم ونصهم ماتوا بسبب البرد ونص ثاني ماتوو عبر البحر اكتلتهم القروش طولوا اهلنه واحنا منتظرينهم هسه يجون بعد اشوي يجون ماكو الى ان وبالطريق صار الحادث ناس تقول قصف داعش وناس تقول لا حادث سيارة وصلنه خبر وفاة ابي وامي بحادث سير الخبر صدمنه يعني خيمه البيت وكعت وحنيه الام اختفت وكنا اطفال ومحد ويانه احنه الي شيعنه اهلنا تمنيت احد من عمامنه معنا صعبه كثير صعب الموقف مستحيل انسى لازلت اذكر الكفن وريحة عطرهم وكت الي قبلت جبينهم والقيت سلامي للمرة الأخيرة. دفنا أبي وأمي صار الليل مستحيل نرجع البيت والبيت فارغ عشنه انام وناكل يم قبور اهلنه ابو البيت الإيجار طردنا لان ماعدنه فلوس ندفع . رحنه العمامنه طردونه وگالوا النه انتو منو احنه ابوكم ماردنا نعيشكم انتو . صارت ضلمه بعيونه لحد ما تصل خالو وقال لنه اني اتكفل بيكم اعيشكم عندي اني دخلت بحاله صدمه ماعوف قبر اهلي كنت متعلقه بأبي كثير ماأنام اله احضنه وأنام هسه إحضن القبر وأنام اجه خالو النه اخذنه معاه للعراق سمعت خالي يقول لأطفاله لحد يحضني كدام عشق وريان ومحمد لان ماأريدهم يحسون باليتم ، دخلت بحاله صدمه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عن حال ولسان ريان *
من ماتو اهلي بطريق الشام لكينه سيارة محترگه وهمه طافرين من قوة الحرگ مو بداخل سيارة
ناس تقول داعش قصف وناس تقول حادث بيوم التشييع كان ويانه شيخ واحنه فقط ماكو واحد ويانه من اهلنه وكنا منهارين ولا واحد من عمامنه ويانه الصراحه اني ماگدرت اغسل اهلي عشق غستلهم حسیت بوقته عشق راح تموت ومن رجع الشيخ ودفناهم أصر الشيخ نرجع للبيت ماقبلنه مستحيل نرجع البيت وأهلنه ماکو بقينه بالمقبرة نمنه ولو ماكو نوم ٣ ايام احنه بلمقبره رحنا للبيت اجانه ابو الايجار اووف منه كل شهر يهدد بینه ابو البيت طردنا رحنا الــ عمامنه طردونه آخر شي رحنه عشنه بالمقبرة عشنا معاناة برد ومطر عشق من شدة البرد تمرضت وانخاف عليها ولازم نوديها للمستشفى ولازم تحاليل اني صرت اشتغل بمحل حتى اخذها للمستشفى اشتغلت ولميت كم فلس و وديت عشق للمستشفى طلعت عشق مريضه بمرض سرطان بـ الرأس وهنا صدمه الكبرى ضليت محتار شسوي أحتار بـ أختي المريضه لو بـ أخي أصغير من ماتوا اهلي سائت حالتنه من بعد وفاة اهلي صرت اني وعشق ومحمد ندبر حالنه
لحد ماالله فرجهه علينه بخالو خالو جان عايش بـ لبنان وراجع للعراق من عرف بينه هیچ أجانه
هسه راح اسألون ليش ماكو احد من خوالكم اجوكم قبل لايصير هذا كله 😔💔
بزواج أمي وأبي هم أهل أمي علاقتهم صارت مو زينه ويه أمي لان زوجت بــ سوريا جدي جان مزوج ٢ وحده ميته عدهه بس خالي هذا الي عايشين وياه يعني بوقتها من ماتوا اهلي خالي مايعرف ولأن مسافر وعايش بـ لبنان مايدري والثانيه زوجة جدي عایشه بس ماعدهه عرف بينه هسه من رجعنه عند خالي تعرفو علينه عدها ولد وبنت بس خالي الي هسه عايشين وياه من سمع بأخته أزوجت بسوريا ومن رجع للعراق أجانه لـ سوريا يدور على امي بيت اهل زوجها ومن سمع بحالنه هيج ومن شافنه هیچ حن علينه وأخذنه للعراق ويا عنده وكان النه خال وأب بنفس الوقت ماخلانه تحتاج شي تكفل بكلشي يخصنه يهتم بينه حتى أطفاله يگول الهم لاتحضنوني كدامهم اخاف يذكرون اهلهم خالي عنده أبن كبير وطفل صغير وأثنين بنات من رجعنه للعراق عشق تأزمت حالتها كلش ولازم تضرب كيماوي وعمليه سفرنه خالو لـ ترکیا هم دراسه وهم نعالج عشق بس اني وياها رحنه وكنت الها الأب والأخ بنفس وقت بس من اشوفه تاخذ أبر كيماوي وتصرخ ينهد حيلي الحايط ينهدم من صراخهه والحمدالله سوت العمليه وأخذنه تحاليل طابت عشق من مرض سرطان بس کلش تأذت فوگ ماهي مريضه واحس بيها موجوعه بس ماتگولي أخاف أضوج
هل عشق وریان و محمد سوف يعيشون بسلام من بعد وفاة اهلهم أم ماذا سوف يجرئ لهم ...؟ الى هنا تنتهي رحلة ألألم و الفراق والى الملتقى في بارت آخر من قصة ســــــﺟـــﯾنة ألـــــﻤــــآضي لصاحبتها @AShq1999
