السلام عليكم ورحمه الله وبركاته..
أحياناً بتجيلك دَفعة أمل مرة واحدة كدا ..
منين؟؟
إمتى؟!
كييف؟!
مش عارف !
بس بتحس أنك مش محتاج غير جرعة الأمل دي ..
شيء غريب!ولكن الأغرب أن جرعه الأمل دي تاجي في وقت ما انت بتعيط ومش لاقي حد جنبك ،،
بتحس أن ربنا فعلا جنبك ،وبيقول لك إثبت أنا هنا ..قوم انا في ظهرك وإرمي همومك عليا .
متخفش ،انا معاك وهحميك متستسلمش دا انت عبد القوي ..
قوم كمل لسه الطريق طويلة..
وقتها فعلا بتكون محتاج للجرعة دي ..
يتمسح دموعك وتبتسم بسمه رضا وتقول يا رب ..
تعالى بقى أقولك السبب اللي خلاك تقوم مره واحدة كدا متشجع وعندك أمل بعدما كنت بتتألم وتبكي..
أقولك اي السبب...هو الدعاء اللي دعيته في مرة من المرات بأنك تفرح أو تتشجع ويكون عندك امل وشغف .. دعاء دعيته وانت بتبكي في سجودك
دعاء دعيته وانت زعلان واول حد افتكرته كان ربك ..
الدعاء دا مستجبش في نفس الدقيقة.. لأن ربنا شايل لك الدعاء دا للوقت اللي انت محتاجه فيه فعلا ..
ربنا اكتر واحد بيحس بينا
قول بس يا رب يا جبار إجبر قلبي ، جبرا يليق باسمك ..ربنا مبينساش عبده ..ربنا مابيخذلش حد ..لانه رحيم رحمٓن..قول أنت بس يا رب وسيبه هو يفك الكرب ..
يــــــــا رب
أيها الموجوع صبراً إن بعد الصبر بُشرى
يا عزيزي القلب مهلاً إن بعد العسر يسراً
