حين تحكي أسمهان

مشهد

صباح الخير..وكل عام وانتم بخير بولادة خاتم الانبياء والمرسلين محمد صل الله عليه وعلى اله..لاتنسو الصلاة الف مره بمناسبة الولاده الكريمه وللقضاءحاجاتكم

طبعا هل مره الروايه تختلف عن ماكتبته سابقآ حتى لم يخطر  في بالي ان في يوم ما سأكتب وادخل هكذا متاهات ودهاليز..عزيز القاريء ستقراء مشهد ربما تجده غير مشوق ربما تجده رتيب مكرر
لكن داخل روايتي سترى مالم تقراء مثله ابد ستجد شيء يفوق حدود ألمكان والزمان لان ماستقرائه في روايتي هو ماستحكيه أسمهان قصه بين الواقع والخيال اي القصه الحقيقيه اضافه لخيال الكاتب الذي يتماشى ما حال الاحداث

#رواية_حين_تتكلم_أسمهان...
...........مشهد..
الشارع أدحك بي أظلم  أناره قليله من الاعمده من الخوف أركض بدون واعيتي
رجليه اهجس دخل بيهم كم حجر ناعم عبالك  يدچ بكلبي بس ظليت أركض خايفه ماريد اروح وياهم ولا اکدر ارجع للبیت خايفة لاتلزمني الشرطة
الرعب الحاوطني بسبب ظرفي وبسبب الظلام الحالك خلاني ابجي بحركة گلب
كلما اركض الظلام يزيد اكثر لان ابتعدت من الشارع
بصعوبه طلعت من هذا الطريق اللي ناسو  كلمن يمشي  بحالو محد الو علاقه باحد حتى ما مستغربين وضعي ولا ركضي وانا حافيه بهذا ألليل
وصلت جريب شارع بيه نزله ومن اليمنى واليسرى بيوت راقية وفخمة وگفت حايرة وين اروح و اشلون امشي بهالشارع وشنهو صفتي احدر بهيج منطقه
كعدت على ارگبي ودموعي يكتن وغرگن ملابسي رجليه توجعني من الحجر الناعم اليجرح واهجسهم نار بیهم

لازم  أنحرك ماابقى ركضت  بلا ما اتوقف بحيث صرت الهث سريع والوجع زاد برجلي دست على شي حسيتو اخترق رجلي شاغت روحي للسما  من الوجع ماكدرت اظل واكفة كعدت بالكاع قدمت رجلي ركزت بيها لكيتهه كلهه دم تحسستها شي داخل بيها يمكن كزيز ردت اسحبهه ماكدرت ضغطت على نفسي غمضت عيوني جريتهه باطراف اصابعي
شاغت روحي خفت احد يطلع ويدحگني بهالوضعية كمت ورديت وكعت وكمت مره ثانيه بعدني ماماشية خطوتين  سمعت صوت چلاب شرسه تنبح وقریبه الرعب الاني بي جدد گل عثرة مريت بيها
ثواني وصارت گبالي‌أناره قويه بوجهي رفعت ايدي من الضوه القوي
فتحت عيوني وسديتهم رمشت وفتحت عيني..
واشوف نفس السياره الوكفتلي قبل ربع ساعه و نزلت منها أم الأحمر
ونزل سايق السياره رأسا عيطت

-عوووفوني منهو انتوو وشتريدون مني

_ شبيچ بنتي حبيبتي يعني شرايدين منچ

_ مااحدر ويااكم عوفوني مااحدر

نزلن أثنين بنات نفسهن وحده بقت ساكته
والثانيه كالت

-اووووليه على ألبي تعاااي هوون يكربوجه ولك والله والله أنتي متل اختي واكتر كمان لكااان الناس لبعضها ياألبي

من بعيد سمعت صوت سيارة الشرطه وهذن جدامي عين ورى وعين عليهن المن اروح ویا منو بیهم
#نازك_الحمراني
بوزر الانستغرام nazik_al_homrna

رابط البيج وفيديو القصه
https://m.facebook.com/story.php?story_fbid=pfbid034gkg6JHcQvgXAPxWfepsGcSQMVPcRTDKCYEZqgKYGq9S9FW2y2jntUpndmThCdk1l&id=100072376441516