نار الجليد 🥵🥶 ( مكتمله ) ❤

الفصل ال ٢٠

الفصل ال ٢٠
&&&&&&&&&&&&&&&&&&&&&&&&
في المستودع القديم
٪٪٪٪٪٪٪٪٪٪٪٪٪٪٪٪٪٪٪٪
كانا صامتين كل منهم منتظر كلام الاخر ... ليقطع نور الصمت بهدوء ما قبل العاصفه
نور بهدوء غامض : حبيتها ؟!
فهد بصمت : .......
نور بغضب و صوت عالي : سألتك سؤال ترد عليا حبيتها ولا لا ؟!
فهد بهدوء : اعجبت بيها .. حبيت شخصيتها و برائتها حتي انا مش عارف انا حاببها ازاي معرفش !
قام نور ليلكمه بقوة فتركه فهد ليخرج غضبه ..
نور بغضب : انت حيوااااان .. علشان تبص لخطيبه صاحبك و بنت عمو تبقي حيوان فاااهم
فهد بنهج : انت عارف اني بكره الكدب .. سألت ليه من الاول
نور بصراخ : علشان حسيت بيك و بتتكلم .. يعني انا معرفش صاحبي و بصاتوا و كلاموا ؟!
فهد بصراخ : تعرفني منين ؟ قولي هه كنت معايا برة مصر ؟ .. ولا كنت صاحبتني زي البني ادمين ؟ نور انت مصاحبني في السر كأنك شاقت بت جايبها من علي الكرنيش .. خايف اهلك يعرفوا حاجه عني كأنك متجوز عرفي يا حمار
نور بتعب : انت الوحيد الي عارف كل حاجه عني ... عارف انا بعمل كل ده ليه .. حتي صحبيتنا انت عارف انا مخليها في السر ليه ...
قام نور ليكمل بقوة : بس صدقني لو حاولت بس تقرب لعشق انا مش هنهي صداقتنا .. انا هنهيك انت شخصيا يا فهد ...

ذهب نور ليجلس فهد ليرتاح قليلا

&&&&&&&&&&&&&&&&&&&&&&
في اليوم التالي
في شركه الفهد ( الي عشق بتشتغل فيها )
&&&&&&&&&&&&&&&&&&
كانت تعمل بمكتبها الي مجئ وقت الاستراحه ذهبت للكافيتريا
عشق : من فضلك سندوتش بانيه و كبايه شاي
: حاضر خمس دقائق بس
عشق بأبتسامه : تمام ولا يه....
و فجأءة قطع حديثها بشخص يشدها من يدها و يخرج بها من الشركه لتصرخ الفتيات
: يااااي دا قمر اوي
: مش ده ادم الديكتاتور عايز ايه من عشق ؟!
: شكل الاشاعات صح و عشق هي الي بتخبي ههه
: هينااك يا ست عشق ههه
كانت عشق خجله جدا و تحاول الافلات من نور و لكن ابدا .. لن يتناول لها هذه المرة ... اركبها سيارته و اغلق عليها و دخل بعدها .. حاولت الخروج ليثبتها بغضب .. كل هذا و هو لم ينطق كلمه و بعد مده كبيرة من القيادة اخذها لمكان خالي تماما من الناس
عشق بهدوء : ممكن افهم فيه ايه ؟!
نور : هتعرفي دلوقتي

كان المكان غريب كأنه عبارة عن صحراء و بحر و صخور ... و لا يوجد بيوت ابدا و لا اشخاص

عشق بخوف : ايه المكان ده يا نور ؟
نور بهدوء غامض : عرفتي الحقيقه ؟
عشق بتركيز : حقيقه ايه ؟
نور بنظرة ذات معني : وجودك في بيت الممرضه فريدة .. معرفكيش الحقيقه يا عشق ؟
عشق بحزن : لا عرفتها .. مكنتش احب انك تعرفها انت كمان .. انا قولتلها متقولكش ..
ابتسم نور بألم : محدش قالي حاجه
عشق : يعني ايه ؟
نور بسرعه : مش مهم ... الاهم دلوقتي انا عايز اتجوزك
عشق بتوتر : مش دلوقتي يا نور
اقترب نور منها و هي واقفه بثبات
نور بتحذير : يعني ايه مش دلوقتي ... عينك علي حد تاني ؟
عشق بغضب : حد تاني زي مين ؟
نور مازال يقترب : فهد مثلا !
عشق بصراخ : انت اتجننت يا نور دا صحبك ...
امسك نور بكلا كتفيها و هزها بعنف : يعني ايه صاحبي يعني صاحبي ده مش راجل .. ولا انتي شايفاني مركب ايريل فهميني ؟!
عشق بألم : لا صاحبك ده يعني اخويا .. يعني اول ما عرفت انو صاحبك و انا اعتبرتوا اخويا ... و انا بقولك الكلام ده مع انك ملكش حكم عليا انت فاهم ... انا لو عايزة انهي العلاقه دي و اخرجك من حياتي هعملها علي فكرة انا محدش يتكلم معايا بالطريقه دي
نور بصدمه : تنهي العلاقه ؟ و تخرجيني من حياتك .. انا استنيتك خمسه و عشرين سنه .. و انتي عادي بتقوليها اخرجك من حياتي ؟!
عشق بتعجب : استنيت ايه يا نور ... نور العيله كلها فاكراني ميته
نور بصراخ : إلا انا ... انا الوحيد الي عارف انك عايشه ...( اكمل بدموع ) شوفتوا بعيني يومها و هو واخدك و موديكي للمرضه ... شوفتوا و هو بياخد الطفله الميته و بيرجعها الحضانه ... مقدرتش اتكلم يومها كنت طفل .. كل الي عملتوا كنت بعيط بقهر .. كنت بعيط من البشاعه الي شوفتها بعيني و علي اول طفله حبيتها .. عاملتوا حلو طول السنين دي علي اساس انوا عارف مكانك .. كنت فاكر لما اعاملوا زي ابويا هيرجعلي حبيبتي الي هي اصلا بنتوا ! .. كنت عايش علي امل انك ترجعي .. كنت بدور في وشوش الناس علي شبيهه كرمن ملقيتش .. و لما لقيتك مكنتش مصدق لحد ما شوفت الوحمه الي في جمبك ... شوفتها بالصدفه في الرحله .. ساعتها بقت كل خطواتي بحساب ... حتي بوسه البسين كنت قاصدها .. قبل ما تيجي كنت دايما شايف كرمن انتي ... كان نفسي يجي اليوم الي اشوفك انتي مش كرمن .. لدرجه ان الكل فاكرني بحب كرمن .. او بحبك انتي علشان شبهه كرمن ... مكنتش قادر اقولهم اني بحضن كرمن علشان احسك .. بس عمري ما حسيت بيكي فيها .. كانت دايما في نظري اختي و بالذات بعد ما عرفت ان انور بيحبها .... انتي انانيه اوي يا عشق .. انا استنيتك ٢٥ سنه و انتي عايزة تهربي مني علشان ابوكي ... لا اقتليني اسهل