نار الجليد 🥵🥶 ( مكتمله ) ❤

الفصل ال ١٨

الفصل ال ١٨
&&&&&&&&&&&&&&&&&&&&&&&&
فهد : عشق انتي ليه بتنكري كونك من عيله الديكتاتور
عشق : لاني فعلا مش من العي....
فهد بغضب : انا بكره الكدب فاهمه ... انا مش برياله علشان تقوليلي الكلام ده ...
يوسف : فهد بيه لو سمحت اهدي
فهد انا بكره الكدب يا يوسف ... الكدب بيودي في داهيه
عشق بقوة : بكدب لان دي حاجه متخصكش و متخصش اي حد ... سواء الكلام ده حقيقي او لا فده حاجه متخصش حد غيري
فهد بهدوء : كان ممكن تقولي كده بدل ما تكدبي
عشق بعصبيه : محدش هيسبني في حالي ... انت فاكر لو انا قولتلهم برة ايه الي هيحصل ... كميه السف و التريقه و التنمر الي هتحصل عليا هتكون غير طبيعيه
يوسف : عشق صوتك عالي
عشق بعصبيه اكبر : عايز ترفدني ارفدني في الف شركه تتمناني ... و بعدين انتوا الي بتدخلوا في اموري الشخصيه مش انا ... انا جايه بس علشان اشتغل ... لو مفيش حاجه تانيه تقولوها انا عايزة استأذن بدري انهاردة عندي معاد مهم

انتظرت عشق دقيقتين ظل يوسف و فهد ينظروا لبعضهم فخرجت عشق من المكتب و من الشركه بأكملها و اوقفت تاكسي و ذهبت لمكان ...
&&&&&&&&&&&&&&&&&&&&&&&
في مكان سري اجتمع فيه اكبر عدوين لبعض و لكنهم في الحقيقه اعز الاصدقاء
نور : وحشتني يا بغل
فهد بضحك : لسه لسانك متبري منك
نور بضحك : لا ده معاك انت بس هههههه ... ها قولي ايه الاخبار
فهد بخبث : اخباري انا و الحلوة ؟! بصراحه دي مش حلوة دي صاروخ
نور بغيرة و غضب : هتلم نفسك ولا اقوم المهالك ؟!
فهد بدهشه : انت بتكلم جد .. نور الديكتاتور بيحب ؟! مش معقول
نور ببرود : ليه و هو انا حجر اوي كده ؟
فهد : عايز الحقيقه .. اه يا نور انت حجر و بصراحه اكبر عمك خلاك اكبر حجر
نور بتنهد : عمي ادم محدش فهموا قدي ... انا نفسي فهمتوا دلوقتي بس ... عمي بيحب مراتوا اوي .. من كتر حبوا ليها مكنش طايق بنتوا علشان حس ان مراتوا بتهتم ببنتوا اكتر ... عمي كان دايما ينبهني من الحب كان دايما يقولي الحب غيرة و تعب .. هو اه حلو .. بس الغيرة وحشه اوي يا فهد
فهد بفهم : فاهمك يا صاحبي .. بس تعرف انا معرفش احساس الغيرة ده ابدا .. مع اني حبيت قبل كده
نور بأبتسامه : يبقي محبتش بجد ... المهم عشق عامله ايه ... جايبها عندك علشان تخلي بالك منها !
فهد بثقه : احم عيب عليك دي ايد امينه
نور : و انت قد الامانه يا صاحبي
فهد : هو بس فيه حاجه صغيرة ...
نور بحذر : في ايه ؟!
فهد : انا اتخانقت معاها الصبح و مشيت من الشركه علشان كان عندها معاد مهم
نور بصدمه : ياض دا انا لسه بقولك انت قد الامانه يخربيتك عملت ايه و مشيت فين ؟!
فهد : اهدي بس .. انا مبحبش الكدب و لما قولتلها انها من عيلتك فضلت تكدب فزعقت فيها بس فا مشيت و قالت ان عندها معاد مهم
نور بغضب : و مقولتليش ليه .. و طبعا انت مبعتش حد وراها صح !
فهد بهدوء : عيب عليك بعت حد طبعا و هو هيقولي هي فين علشان اقولك
نور مسك فيه : و انت تتخانق معاها ليه ليه ...
فهد : علشان بكره الكدب يا اخي كنت عايز اعرفها اني معاها مش عليها
نور بغضب و تهور : كدب ايه الي بتكرهوا يا فهد انت اكتر واحد كدبت في حياتك ....
فهد بحزن : كده يا صاحبي بتعايرني علي غلطاتي زمان
نور بحزن : غلطاتك دي الي خليتك تمشي و تسيبنا .. غلطاتك دي الي خليتك تهرب من بيت اهلك و تسافر و مشوفكش لحد دلوقتي ... انت عارف انت كنت واحشني ازاي ... و طبعا مينفعش اقول لعيلتي حاجه علشان عليتنا اعداء لبعض ...
فهد بتنهد : مكنش في ايدي حاجه اعملها غير كده .. كنت شاب متهور حبيت الغنا ... خدت فلوس من ابويا و عملت بيها البومات و لما فشلت في الموضوع و سقط في ثانويه عامه اعتزلت .. و عيدتها تاني و لما جبت مجموع كبير كنت عايز اكمل دراسه بره علشان انسي فشلي هنا ... و هما مرضوش
نور : علشان كان هاممهم انك تكون جمبهم و بس
فهد : و انا مش قطه علشان يحطوني في قفص .. انا مش زيك يا نور
نور : اخرس ياض .. انا عمري ما اتحطيت في قفص انا بس بحب عمي و كنت حابب ارضيه
فهد : علشان كده رفضت كل البنات الي اعترفوا بحبهم ليك ... اوعي تنكر ان في منهم كتير محترمين
نور : علشان مفيش واحده هزت شعرة مني زي عشق
فهد بصراحه : نور ... انت بتحب عشق علشان شبه كرمن ؟!
نور : لا طبعا .. انا لو هحب عشق علشان كده كنت حبيتها زي اختي .. و هقولها لاخر مره انا و كرمن اخواااات و بس .. انا حبيت عشق لروحها و شخصيتها ... حسيتها قويه و في نفس الوقت قطه لطيفه ...
رن هاتف فهد برساله فقرأها
فهد بسرعه : بص ده العنوان الي فيه عشق
اخذ نور بسرعه الهاتف ليقول بقلق
نور بقلق : ايه المكان ده ؟ ده شكلوا في حته شلق .. ايه الي يوديها هناك ؟!
&&&&&&&&&&&&&&&&&&&&&&&
في مكان اخر في بيت ما
عشق طرقت علي الباب لتفتح لها امرأء خمسينيه
المراء : نعم يا بنتي توأمري بحاجه ؟
عشق : حضرتك مدام فريده محمود ؟
فريده : ايوة يا بنتي انا بس انتي مين
عشق بخجل : ممكن اتكلم مع حضرتك شويه
فريده : اه طبعا يا بنتي اتفضلي
دخلت عشق المنزل و لم تري اي احد
عشق : هو محدش عايش معاكي ؟!
فريده : لا يا بنتي جوزي مات و ولادي متجوزين انا عايشه لوحدي
جلست عشق لتقول المرأءة
فريدة : استني هعملك شاي .. تشربي شاي ولا قهوه الي انتي عايزاه
عشق : انا مش عايزة حاجه انا عايزه اتكلم معاكي ضروري
فريدة بقلق : مالك يا بنتي احكيلي في ايه
عشق بسرد : من ٢٥ سنه كنتي بتشتغلي ممرضه صح ؟!
فريدة : اه
عشق : في اليوم ده جت حالتين ولاده ... واحده اسمها ناهد .. و التانيه اسمها بسمه ... بسمه ولدت بنتين و ناهد ؟
فريدة بتذكر : ياااه اليوم ده ميتنسيش ( و اكملت بدموع ) اهو اليوم ده انا بتعاقب من ربنا لحد دلوقتي .. بس انتي مين بردو
عشق برجاء : قوليلي بس الاول و انا هقولك على كل حاجه ... ناهد جابت بنت ولا ولد ؟ و الطفل حصله  ايه ؟!
فريدة بحزن : كانت بنت .. و نزلت ميته بسبب ان الام اتعرضت لحاله تسمم الام عاشت بمعجزة بس الطفله ماتت
عشق بتركيز : طيب و ... و بسمه ؟! الام التانيه
فريدة بخوف : لا قوليلي انتي مين الاول علشان ارتاح ؟!
عشق بدموع : انا .. انا مش عارفه انا مين ولا بنت مين ولا جايه منين .. ارجوكي قوليلي الي حصل في اليوم ده ؟!
فريدة بشفقه اكملت سرد : الي حصل و الي جرا لا ينشاف ولا ينقرا يا بنتي

فلااااااش بااااك 💔

امام غرفه ناهد
الطبيب : سامحني يا استاذ هادي ... المدام اتعرضت لتسمم ... قدرنا ننقذ الام بس الطفله ... البقاء لله
هادي بدموع : الحمدلله الذي لا يحمد علي مكره سواه ... الحمد لله علي كل حال
الطبيب : شد حيلك يا استاذ عن اذنك
الطبيب للممرضه : فريده خدي الطفله
اخذت فريده الطفله بعد ذهاب هادي لدفع مصروفات المشفي و نظرت للام النائمه بشفقه
فريدة بهمس : يا عيني عليكي يا اختي بتك ماتت و انتي ملحقتيش تشوفيها حتي
خرجت فريده خارج الغرفه

امام غرفه بسمه
نافع بمرح : يلا يا عم هيبقي عندك تؤأم زي علشان متجننش عيالي معاك هههههه
ادم بغيرة : اسكت يا نافع انا لا طايقك ولا طايق البنات دي اصلا
نافع : استغفر الله العظيم يا رب مالك يا بني فيك ايه اي اب بيكون فرحان انت الي مش طايق نفسك ليه ؟! علشان بنات يا عم احمد ربنا غيرك مش لاقي !
ادم بغضب : يا سيدي انا مش عايز عيال مش عايز ... اديها هتهتم بيهم و تسيبني و يارتها هتهتم بواحده دي هتهتم بتنين يا نافع اتنين !
خرج الطبيب ليقول
الطبيب بأبتسامه : الف مبروك البنتين زي القمر يتربوا في عزك يا استاذ ادم

جائت في بال ادم فكره شيطانيه فزعت الشيطان من سابع ارضه و هي ......

&&&&&&&&&&&&&&&&&&&&&&
تفاعلوا مع الروااااااااايه 🙂😂😂❤