Unicode
အချစ်ပြိုင်ဘက်
ဟန်တျာသည်တစ်နေကုန်ပထမမင်းသားလေးကိုထိန်းလိုက်၊အနောက်ဆောင်ကိစ္စများကိုစီမံလိုက်နှင့်အလုပ်ရှုပ်နေခဲ့သည်။
နေ့လည်စာစားရာတွင်လည်းယခင်ကထက်အချိန်ပိုယူကာ မင်းသားလေးအားကျွေးလိုက်၊မိမိစားလိုက်ဖြင့် ပျော်ရွှင်စွာစနောက်ရင်းအချိန်ကုန်သွားတော့သည်။
ဤသို့ဖြင့်ညနေစောင်းသောအခါ "ဧကရာဇ်ကြွလာပါပြီဘုရား။"ဟူသောအသံကနန်းဆောင်၏ အ၀င်၀မှထွက်ပေါ်လာရာ ဟန်တျာသည် ထိုင်ရာမှထ၍ ဧကရာဇ်ကိုစောင့်မျှော်လိုက်သည်။ဧကရာဇ်သည် ဟန်တျာ့ကိုမြင်သောအခါ ပြုံးလိုက်ပြီး စကားပြောမည်အပြုတွင် ဧကရီ၏အနောက်မှ အရာလေးအားသတိထားမိသွားသည်။
"ဇနီး လေး မင်းက ကိုယ်တော်ခွင့်ပြုတာကိုတောင်မစောင့်နိုင်တော့ဘူးပေါ့လေ ဟမ်။"
ဧကရာဇ်ကမျက်နှာကိုအနည်းငယ်တည်ကာ မင်းသားလေးကိုမေးငေါ့ပြလိုက်သည်။ ထိုအခါဟန်တျာက ပြုံးလိုက်ပြီး
"အကြောင်းစုံကိုသိရဲ့သားနဲ့ ကျွန်တော်မျိုးကိုစနောက်မနေပါနဲ့ဘုရား၊ဒီကလေးလေးက အရှင့်ရဲ့သွေးသားရင်းပါနော်၊ကျွန်တော်မျိုးက အရှင့်ကိုမေတ္တာတွေမပေးခင် အရှင့်ရဲ့သွေးသားကိုမေတ္တာတွေနဲ့ပြုစုချင်သေးလို့ပါနော်။"ဟုပြောလိုက်သည်။
"ဟာ..ဒီလိုဆိုဘယ်ဖြစ်မလဲ၊ကိုယ်တော့်အတွက်အချစ်တွေမကျန်တော့ရင်တော့သွားပါပြီကွာ။"
"ချစ်ခြင်းမေတ္တာကကုန်ခမ်းနိုင်တာဘယ်ဖြစ်နိုင်မလဲ အရှင်ရဲ့။"
"ဒါဆိုကိုယ်တော့်ကို မကုန်ခမ်းနိုင်တဲ့မေတ္တာတွေနဲ့လွှမ်းခြုံပေးမလား။"
"ဒါကတော့ အရှင့်အပေါ်မူတည်မှာပေါ့။"
ဟန်တျာကနှုတ်ခမ်းတစ်စုံကိုအပေါ်သို့ကော့ညွတ်ရုံသာပြုံးပြီး မိမိ၏နောက်ကွယ်တွင် ပုန်းလျှိုးကွယ်လျိုးလုပ်နေသော မင်းသားလေးအားကောက်ကာ ပွေ့ချီလိုက်သည်။
"ကဲ သဲလေး၊ဒါကမင်းလေးရဲ့ ခမည်းတော်လေကွာ၊ကြောက်စရာမဟုတ်ဘူလေနော်၊ ခမည်းတော်ကဟိုးအရင်နှစ်တွေမှာအရမ်းအလုပ်ရှုပ်လွန်းလို့ သားတော်ကိုလာမကြည့်နိုင်တာနော်၊တစ်ကယ်က သားတော်ကိုအရမ်းချစ်တာနော်။"
YOU ARE READING
Maharverse : အမျိုးသားဧကရီတစ်ပါး၏နေ့စဉ်မှတ်တမ်း( Complete )
Historical FictionWhat's going on with the Savage Male Empress Hantra! ¶¶စာအရေးအသားနုပြီး အရေးအသားအမှားများပါနိုင်တာမို့ ဖြည့်စွက်ပြီးဖတ်ပေးပါဗျ။¶¶ MAHARVERSE SEASON 1|| Start Date - September 8 2022 End Date - June 23 2023 Cover Photo CRD
