باب الخيام اتخوصر وصااح
زينب اخيج عله نهر طااح
راح ابو فااضل والعلم راح
يزينب تلكيني اسنديني
گبل لاطيح كدام الحرم يختي
تراني حرت بامري انكسر ضهري
انتهه كل الحجي والنوح سالفتي
اخووي وراح
بعد لاتنتضر كليلهه اسكينه
اخووي وراح
الكبل شايلني بعيونه انطفت عينه
اخووي وراح
سوه نبجي عله اخونه الغالي خلينه
خليني ابجي وخل يسمعون
اعمن ع العباس يعيون
خليني اترس كربله اصيااح
باب الخيام اتخوصر وصااح
زينب اخيج عله نهر طاح
راح ابو فاضل والعلم راح
سمعته يحشمني اخي ادرگني
وصحت يابعد اخوك ويابعد حيله
رحتله حرت شحجي وكعدت ابجي
اهوو الفاگد عيونه ابيش يبجيلهه
ابو فاضل
گبل متعود ابجيتي ايتلگاني
ابو فاضل
يگلي اشلون اشبگك ماهي ذرعاني
ابو فاضل
شبگته وگمنه واحد يبجي عالثاني
اتشابگنه مثل امشابك الماي
وتوسلتله يگوم ويااي
فراك الاخو لاخو ذباح
باب الخيام اتخوصر وصاح
زينب اخيج عله النهر طاح
راح ابو فاضل والعلم راح
يخيتي الاخو الغالي بجه اكبالي
گلتله شيوجعك گال انته واخيامي
اريدك تسلملي اعله كل اهلي
وتكلهم ماتروه ونذبح ضامي
يحنيته
حنين ويدري شمسوي العطش بينه
يحنيته
لكيته يترس الجود بدمع عينه
يحنيته
زحمه يكول منطي احجايه السكينه
بشيباتي ضم ادموعه تذكاار
اكعد صحت يضلوعي الگصار
بصدري عساهن ذني الرماح
باب الخيام اتخوصر وصاح
زينب اخيج عله النهر طاح
راح ابو فاضل والعلم راح
اخيي
ابو النخوه والمروه
اخذ حيلي وهدم بيتي بخبر موته
فكدته انحنه ضلعي ونزل دمعي
احس الدنيه سكته من خفت صوته
عمت عيني
اخوي الغالي راح وبعد ماشوفه
عمت عيني
بدي ذني شلت يازينب اجفوفه
عمت عيني
لون بيدي متت يمه ولا اعوفه
ابنياتي عد عمهن عزيزات
يمكن يموتن لو درن مات
مالومه گلبي لو بجه ونااح
باب الخيام اتخوصر وصاح
زينب اخيج عله نهر طااح
راح ابو فاضل والعلم راح
وداعا يبت امي انهدر دمي
عگب عباس يازينب يذبحوني
خيمنه يحرگوها يسلبوها
تجوني ودرب للخياله تلكوني
تشوفيني
اخوج اخيول عشره اتكسر اعضامه
تشوفيني
يسلبون القميص وحته العمامه
تشوفيني
ابو راسه ابرمح يبجي عله يتامه
لما عنده اخو بالطف يذبحوو
وضعن الفگد عباس يسبوو
الذبحو اهلهه اشلون ترتاح
باب الخيام اتخوصر وصاح
زينب اخيج عله نهر طاح
راح ابو فاضل والعلم راح
