نار الجليد 🥵🥶 ( مكتمله ) ❤

الفصل ال ١٤

الفصل ال ١٤
&&&&&&&&&&&&&&&&&&&&&&&&
كانت كرمن تتحدث بتوتر
كرمن بتوتر : ازاي عايزاني اقوله كده ... ازاي اقول لادم بيه الديكتاتور كده يا عشق فهميني
عشق بتنهد : اهدي يا كرمن الموضوع ابسط من كده بكتير اوي اوي صدقيني
كرمن : لا يا عشق الموضوع مش بسيط ... او بالنسبه لبابا فهو مش بسيط
دق ادم دقتين و دخل ليقول ببرود
ادم ببرود : انا اهو يا ست كرمن ايه الموضوع الي مش بسيط الي مينفعش اعرفوا
كرمن بتوتر اكبر : بابا
عشق بتدخل : مفيش الموضوع ابسط مما تتخيل ..
ادم : ايوه اعرفوا بقي فيه ايه ؟؟
عشق بهدوء : كرمن استقالت
ادم : ........
نظر ادم لكرمن خافت و احنت رأسها
ادم : الكلام ده صحيح ؟
عشق : ايوة صحيح ... و هي مش قادرة تقولك .... تقدر تقولي ليه ؟ لان حضرتك ديكتاتور اسما و فعلا .... لان حضرتك عيشت بنتك في حاله نقص ... دايما بتحب الولاد ... من صغرها و هي عايشه علي امل انها ترضيك دايما بتعمل الحاجه الي مبتحبهاش علشان ترضيك ... كانت بتحب الرسم و الموضه ... كرمن دي ارق انسانه في الدنيا ... و علشان تحاول انها تعجبك دخلت كليه الشرطه ... بقت انسانه باردة مع الكل حتي معاك انت ... بس هي من جواها ازاز بيتكسر كل يوم .... كل ده علشان حضرتك بتحب الولاد عن البنات ... ده علي كده انا بحمد ربنا اني متربتش هنا ...
ادم : ...... ايه يا كرمن مش عايزة تقولي حاجه ؟ ... مخلياها محامي دفاع ... مش قادرة تاخدي القرار و تواجهيني بيه ؟ ... ولا كنتي مستنياها علشان تقل ادبها معايا و يكون هو الانتصار بتاعك ؟
كرمن : كنت خايفه .... منك ... كنت خايفه لتكرهني
ادم : في حد يكره بنتوا ؟
كرمن : انت ... انت كرهتني و كنت كاره عشق اول ما شفتها ... انا حتي مش قادرة افهم ليه النظرة دي ... ليه اول ما عرفت انها عايشه كنت بس مصدوم معملتش حاجه ... ماما انهارت من العياط و خدتها في حضنها و انت كان كل همك تضردها ... انت حبيتها بس علشان ماما ... بس انت .. انت مش حاببنا يا بابا
ادم بندم : ... انا عمري ما كرهتك يا كرمن ... ولا عمري كرهت عشق ... يمكن عندك حق شويه .. انا مكنتش قابل اني يكون عندي بنات من الاول ... بس دلوقتي يا كرمن كل حاجه اتغيرت
كرمن : علشان عشق ... متنكرش ان عشق وقفت ادامنا كلنا و قدرت تتكلم بدون خوف زي عشق عرفت تواجه انما انا لا
ادم : ... مش عارف اقولك ايه ... بس انا اسف ... انا صدقيني بحبك ... و بحبك اكتر من نفسي كمان ... و لو علي الشغل يا ستي فا اشتغلي الي بتحبيه ... و انا معاكي و وراكي في اي حاجه

فتح لها يداه لتركض في صدرة بسرعه و تبكي لفرحتها و فتح يده الاخري مشيرا لعشق لتذهب ايضا لتحضنه
ادم بمرح غير معتاد : بسمه لو شافتنا كده هتطلع نار من ودانها ازاي حاضنكوا و مش حاضنها هههههه

ليضحكوا عليه دخل انور ليقول بمرحه المعتاد
انور بمرح : ممكن ادخل معاكوا في الحضن ده
خجلت كرمن و توردت خديها و خبأت رأسها في صدر ادم
ادم : امشي ياض الحضن ده لبناتي بس
كرمن بهمس : بابا طنط ناهد تحت
ادم : طب وايه يعني
عشق : انا مش قايلالهم حاجه و مش حابه اقولهم
ادم بحزن : يعني انتي عايزة تفضلي تجيلنا ضيفه ؟
عشق : مقدرش اقولهم حاجه زي دي ابدا مقدرش اجرحهم !
ادم : خلاص يا عشق زي ما تحبي
&&&&&&&&&&&&&&&&&&&&&&
مضي اليوم و هادي وافق علي بيات عشق بعد تدخل ادم و اقناعه بأنهم مجهزين لها غرفه مريحه .... جاء الليل ما ادراك انت بالليل و ما يحدث به .... كانت بالمطبخ تشرب عصير فهي معتاده علي السهر و الجميع نيام جاء انور
انور بفزع : يخربيتك سرعتيني
عشق بمرح : ما تجمد كده يا وحش في ايه
انور بغرور : بلاش اوريكي جمداني هتخافي
عشق بأستفزاز : بقولك ياض عايزاك في موضوع صحيح و مهم جدا
انور بصدمه : ياااااض ... انا يتقالي ياض ؟! دا انتي لو كرمن كنت كسرت رقبتك
عشق بأستهزاء : كرمن دي بسكوته و انا مش كرمن تعالي عايزاك في الجنينه
انور : ايه موضوع شخصي ولا ايه
عشق بأبتعاد : يلا بلاش غلبه
ذهب انور ورائها ليجلسوا في الجنينه
عشق بهدوء و هي تتظر في عينيه : هتقولها امتي ؟
انور : اقول ايه و لمين ؟!
عشق : حضرت الظابط فاهم كلامي كويس اوي و عارف انا بتكلم في ايه .... هتقولها امتي يا انور ... و ليه ساكت اصلا ... انت و كرمن بتحبوا بعض و ده باين اوي و واضح كمان انكوا بتحبوا بعض من زمان فا ايه المانع مش فاهمه ؟ و بعدين صحيح و احنا في المصيف لقيت حرق كبير اوي في ضهرك ده كان من ايه ؟؟
انور : ها خلصتي استجوابك ... الحرق ده كان بسبب كرمن
عشق بصدمه : ازاي ؟؟

فلااااااش بااااااك

كنا اطفال الفرق ما بينا خمس سنين كنت عندي ١٢ سنه و هي ٧ سنين ... و زي اي طفله عايزة تلعب هنا و هناك لقيتها بتلعب في الحمام و فجاءة لقيت نار طالعه من الحمام جريا عليها و خدتها في حضني و كانت النار هتهب في وشها بس حميتها بضهري و طلعت اجري بسرعه اتاريها كانت بتلعب في السخان ... معرفش عملت ايه هلا السخان ولع بالطريقه دي و بعد كده
كرمن بطفوله كانت تبكي
انور بحزن ووجع : خلاص يا كرملا انتي كويسه و حلوة اهو
كرمن : بس ... انت ..  مس كويس ......
انور : لا يا حبيبتي انا كويس اهو
جاء نور بفزع : ايه الي حصل ... انور ضهرك
انور بتعب : بس يا نور متخوفهاش هي مش ناقصه

ذهب انور للمشفي و ظل يتعالج حتي شفي جزئيا

نور : انت عملت كده ليه يا انور !؟
انور : دي كرمن يا نور !
نور : مش فاهم
انور : اقولك علي سر و متقولش لحد
نور : سرك في بير
انور : انا بحب كرمن ... من ساعه ما اتولدت و انا متعلق بيها اوي ... اول مرة عيني تغيب عنها عملت كارثه ... بس المهم انها بخير
نور بأبتسامه : وعد يا انور من هنا و رايح كرمن اختي .... اختي و بس ...

بااااااااااك 

عشق : طب و كرمن فاكرة ؟
انور : تقريبا لا .... كلنا اصلا بنحاول منفكرهاش
عشق : امممم طيب ليه بقي مش راضي تقولها انك بتتنيل تحبها
انور بتوتر : جوايا سر كبير .... كبير اوي مانعني اني اقوله لحد و مانعني اني حتي اتكلم
عشق : افضل انت كاتم السر ده لحد ما يجي حد و يخطبها و انت تعجز ... يا اما تقولي ايه السر يمكن نلاقي حل
انور بخوف : .... هقولك بس بشرط ... السر ده ميخرجش بينا نهائي مفهوم
عشق بحنان : مقلقش قولي بس مالك ؟!
انور بتوتر : انا .... انا .... اانا ....مد...من
عشق بصدمه : مدمن مخدرات ... ينهار اسود و منيل
انور : اهدي يخربيتك بقولك متعرفيش حد هتعرفي الكوكب كده ...
عشق بصدمه : ازاي ؟ ازاي ظابط شرطه و مدمن ؟!
انور : من فترة مسكوني قضيه مخدرات ... كان لازم اتنكر في شخصيه واحد منهم ... لحظي المهبب ان الزفت المطلوب القبض عليه شك فيا و طلب مني اني اشم نوع من المخدرات دي و انا علشان مثرش الشبهات حوليا عملت زي ما قالي ... و بعدها اتقبض عليه ... بس ومحدش يعرف اي حاجه عني بس من ساعتها و انا ممسكتش قضيه مخدرات تاني ..
عشق : و من ساعتها طبعا و انت مدمن صح ؟! علشان كده مش راضي تعترفلها بحبك ... مجربتش تتعالج مثلا ... تروح مصحه فرضا
انور : هقولهم ايه في الجهاز ... معلش ادوني اجازة رايح اتعالج من المخدرات لاجل غير مسمي ... انا بحاول ابطلها بنفسي
عشق : مفيش حاجه اسمها احاول ابطلها يا انور ... دا سم يا بابا عارف يعني ايه ... يعني لو مخدتش الجرعه هاتحصلك حاجات غريبه هلوسه و حاجات انا اكيد معرفهاش ... يعني لازم مراقبه ... طيب اقولك ... قولهم انك هتاخد اجازة مفتوحه بدون مرتب و خلص العلاج في المصحه و ارجع شوف حياتك
انور برفض تام : لا يا عشق لا انا هكمل مع نفسي ... ارجوكي متجبيش سيرة لحد .. طصبحي علي خير
عشق بحزن : و انت من اهله ( هيجي منين الخير يا حسرة ) ! ....