#جـحـيـم_الـحـب🔥❤️
الـحـلـقـة الـسابـعـة عـشـر(17)🔥❤️
بقلم خديجة رمضان (دوجي رمضان)🔥❤️
لايك قبل ماتقري 🤭❤️
_____________________________________________
جـــحـــيـــم الـــحـــب 🔥❤️
______________________________________________
حنين روحت هيا وزياد؛
زياد خدي منها الشكاير ... أني عندي مكالمة بري أنتي خشي!
حنين شبحتله من فوق للوطة ووقفت طقت الباب وزياد بعد من وراه واختفي؟؟
نفتح الباب والحوش هدوء وظلام🖤
حنين خشت ... حمزة حمزززة من في هني؟
الباب تسكر ونفتح الضي وحنين عيطت😧🥺؟
رسل & أوس & رقية & حمزة ... Happy birthday to you Happy birthday to you Happy birthday Happy birthday Happy birthday to you❤️❤️❤️
حنين ضحكت بصدمة وحطت يديها ع فمها❤️
رسل مشتلها حضنتها ... ياعمري كل عام وأنتي بخيرر❤️
حنين حضنتها وبدت تبكي 💔 ادكرت اخر عيد ميلاد احتفلت بيه كانت معاها أمها وبوها😔💔
رسل تبكي معاها ... خلاص ياقلبي اليوم عيد ميلادك ماتزعليش روحك بري اركبي غيري ملابسك وتعالي نكملوا احتفال❤️
حنين بعدت من ع رسل وحضنت حمزة❤️
حمزة ... كل عام وأنتي بخيرر ياأميرة قلبي❤️
حنين شبحتله بدموع في عيونها وادكرت موقف✨
صابر (بوها) ... كل عام وأنتي بخيرر ياأميرة قلوبنا❤️
سنية (أمها) حاضنتها❤️
✨✨✨
رسل ... وين وصلتي؟؟
حنين مسحت دموعها وباست حمزة❤️
حمزة يشوفلها ويبتسم❤️
حنين شبحتلهم كلهم ورجعت شبحت لِ رسل تكلمت بشوية ... كيف رضت خالتي رقية عهد ماسكرتش شهرين ع وفاتها
رسل ... شن بتقعد العمر كله تبكي وبعدين من غير أغاني
هياا بسرعة بري اركبي وهالمرة وافقي❤️
حنين ... ع شنو؟
رسل ... بري غيري ملابسك ووتو تفهمي!
حنين شبحتلهم كلهم وابتسمت وركبت!
👑🔥 . . . . . . رِوآياّت . . . . . . 🔥👑
👑🔥 . . . . . . بنُوتة الٌزَاوِية . . . . . .🔥👑
👑🔥 . . . . . . دُوجِي رَمضَان . . . . . . 🔥👑
صبرية حاضنة وتين وتحكيلها ... تعرفي قبل ماتنخطبي لِ فراس كان ديما يحكيلي كيف يحبك ويخاف عليك ويكون في نفسه عشان يتزوجك❤️
وتين مسحت دموعها وبعدت ع صبرية وشبحتلها ... بجديات؟؟😔
صبرية ... اها والله كنت ديما نقوله اعترفلها بحبك وتعالى هدرز عليها أمتى ماتبي لكن هوا كان ديما يقولي عمي واثق فيا مانقدرش نخونه ونهدرز ع بنته لين تكون حلالي بعدين عادي وأني هكي فراس كبر في عيني❤️
وتين نزلت عيونها تحت ... لكن خاني شن الفايدة 💔
صبرية شدت يدها بيديها الزوز ... لا مخانكش أني متأكدة شوية سوء تفهم لا أكثر
وتين بدت تبكي ... أني قدااش لياا نرغييي ديما وهوا مكالمات والتلفون ديما في يده واخرتها طلوع نص اليل ويحكيلي شغل شغللل شني ترااا بعد الساعة 12 شغلل شني💔💔
صبرية حضنتها ... اششش إنتي لازم تكون ثقتك بفراس كبيرة غدوا نبيك تمشي للمستشفى تواجهي ماتخليهمش يقولوا عليك هوا دار الحادث وهيا روحت عند عيلتها المفروض تكوني توا جنبه هوا كان جنبك في كل تانية لما بكيتي وضحكتي ولما حتى ولدك أو بنتك لي كان بيجي ع دنيا مات هوا كان جنببك❤️ يعني أنتي توا غالطة خليك جنبه وأول ماينوض فاتحيه في الموضوع واكيد ح يطلع سوء فهم؛
وتين غمضت بتعب واستسلمت لنوم في حضن صبرية❤️ يلي كانت تكرها مع أنها مش مدايرتلها شي لكن توا في حضنها❤️
أنت تقرأ
جحيم الحب (روايات ليبية)
Romanceجحيم الحب رابع رواية ليا بعد قوانين جمعتنا وطفلة بائسة وتعيسة الحظ♥️. مكتملة وماتنسوش المتابعة♥️. لا أسمح بسرقة احداث رواياتي ولا اسمائهم!.🚫
