جحيم الحب (روايات ليبية)

16⁦❤️⁩

#جـحـيـم_الـحـب🔥⁦❤️⁩
الـحـلـقـة الـسادسـة عـشـر(16)⁦🔥⁦❤️⁩
بقلم خديجة رمضان (دوجي رمضان)🔥⁦❤️⁩
_____________________________________________
جـــحـــيـــم الـــحـــب 🔥⁦❤️⁩
______________________________________________

حنين ... وصلتها رسالة مكتوب فيها:- مزال 11 الساعة بس ويجي يوم وعى القمر فيه ع الدنيا🤍

~~~~~~~~~~~~~~~~~~~~~

فراس يجري بالسيارة بكل سرعتهه لين تجي سيارة تجرري تخش فيه خلت سيارته ادور وتكركب من فوق الكوبري💔

~~~~~~~~~~~~~~~~~

وتين طاحت منها طاسة المية وشهقت بصوت عالي 💔
فاطمة جتها تجري ... طاح السو هادا فال مش كويس🔥💔
وتين يدها ع قلبها والدموع متجمعات في عيونها 💔
فاطمة خشت تجري تلم في المرش ... بشوية راه يخش في رجلك اطلعي قعمزي ع الصالون تو نجيك
وتين طلعت تجري عفست ع المرش وتنادي ... فيصللل فيصللل
فيصل يلعب في بلايستيشن ... هااا في المربوعة خيرك؟
وتين خشت تجري ... نوض شوف فراس وين من الصبح ماروحش را؟؟
فيصل ... أكيد مشغول تو يروح
وتين ... غير نوض شوفه يافيصل تربح فيا اجر
فيصل ناض وقف ... تي أكيد في الشركة الزح خيرك
وتين ... لالا اليوم أحد ماعنداش في الشركة
فيصل طلع يلبس في سبيدروه ... تعرفي يطلع في الشركة 100 جني لما ناخدهم
وتين ... باهي غير برا بس تاخد حتى 1000
فيصل ... طلع لشارع ... ع اتفقايتنا 1000
وتين ضحكت بالسيف ... اي غير برا
فيصل طلع ووتين خشت وسكرت الباب قعمزت ع الصالون تشوف لرجلها يلي تنزف من غير ماتنتبهلها!

~~~~~~~~~~~~~~~~~~~~~~~~~~~~~

حنين ... وصلتها رسالة مكتوب فيها:- مزال 11 الساعة بس ويجي يوم وعى القمر فيه ع الدنيا🤍
ضحكت لما لقتها من رسل اتصلت بيها ... إنتي الوحيدة الي مذكرة⁦❤️⁩
رسل ... أكيد أمالا مني بيدكر قلت ح نرسلك من توا قبل مايسبقوني هلبااا ناس تعرفي اليوم يلي نقولك عليه بديريه
حنين ... وعلاش شن بندير؟
رسل ... سرر
حنين ... أصلا حياتي كلها اسرار وغموض فَ يالله نشوف لاوين توصل
رسل ... حبيبتي كل واحد فينا عنده سفينة في عمق البحر يلي يعرف وين يقود سفينته يعني في أما اتجاه هوا يلي ح ينجه ويلي يبيدأ ياخد ويشلش بيها بيغرق ياحنة فالذلك من اليوم أنتي ح تقودي سفينتك في الأتجاه يلي تبيه وأني معاك⁦❤️⁩
حنين ... مع أني مافهمتش لكن مثال جميل🥺😂⁦❤️⁩
رسل ... تافهه بديتي
حنين ... طالعتلك
رسل ... هي اقلبي تو بعدين نتلاقو ونهدرزو
حنين ... وين بنتلاقوا؟
رسل ... اا قصدي غدوا في الكلية شنو وين؟
حنين ... قهرتكك غدوا جمعة
رسل ... اي اي نسيت هي ليلتك سعيدة
حنين ... باي⁦❤️⁩

~~~~~~~~~~~~~~~~~~~~~~

فيصل يسوق بالسيارة وفاتح اغاني ع قوتهم شاف زحمة مسكرة الطريق نزل من السيارة قرب من الزحمة شاف سيارة!!!
سيارة زي سيارة فراس؟؟؟؟
قال في نفسه ممكن زي سيارته مش هوا قرب ونصدم اكتررر!!!
لما لقي السيارة مطحونة طحننن وقري الرقم يلي ع طارقة السيارة وزااد نصددمم اكتر من الصدمة يلي قبلهاااا!!!
هادي سيارة فراس! اي هيا💔💔
تكلم بصوت هادئ ... فراس فف ف فراس خوي وين؟
شبحله راجل من يلي واقفين وقاله ... أنت قريبهم؟؟
فيصل هز رأسه بمعنى ايه ... وين وين صاحبها السيارة؟؟
الراجل ... المرا توفت والراجل والبنت حالتهم في خطرر!💔
فيصل نصدم ... مرا من المرا؟
الراجل ... كانت معاه مرا وبنت صغيرة؟
فيصل ... ع عطيني عنوان المستشفى!
الراجل ... مستشفى ال### خوي راه...
فيصل مشي قبل مالراجل يكمل كلامه ركب في السيارة واتجه للمستشفى!💔