#جـحـيـم_الـحـب🔥❤️
الـحـلـقـة الـرابـعـة عـشـر(14)🔥❤️
بقلم خديجة رمضان (دوجي رمضان)🔥❤️
______________________________________________
جـــحـــيـــم الـــحـــب 🔥❤️
______________________________________________
زياد ... ح نقعد نحبك مهما صار حتى لو أنتي مش راضية تسامحيني
حنين تشوفله وساكته؛
زياد حضنها❤️وفي الحظة هادي نفتح الباب من غير ماينطق!؟
حمزة خش يجري ... حنين
حنين دفت زياد وناضت وقفت بسرعة ... نعم خيرك؟
حمزة يشوف لزياد هكي😑 ... سعيد لوطة
حنين طلعت من الغرفة ونزلت؛
حمزة واقف في مكانه ويشوف لِ زياد بنفس النظرة😑!
زياد رفع حاجبه ... خيرك؟
حمزة يشبحله ويوخر لين طلع من الغرفة؛
زياد نزل وراهم؛
حنين سلمت ع سعيد ... اهلا كيف حالك
سعيد ... تمام حالي كويس وينك أنتي من بكري نتصل بيك
حنين ... اا تلفوني مش عندي صامت كنت لاهيه مع حمودة هي خش
سعيد خش لقي زياد واقف؛
زياد مد يده ... اهلين انست وشرفت
سعيد سلم عليه ... اهلين
زياد ... اي حنين تو نقعد جنبه أني حمودي لين يروح ولد خالك
حنين مسكت في يد سعيد وخشت هيا وياه للمربوعة؛
زياد سكر يده بغضب ومن الداخل يغللي قريب يطربق🔥🔥
______________________________________________
👑🔥 . . . . . . رِوآياّت . . . . . . 🔥👑
👑🔥 . . . . . . بنُوتة الٌزَاوِية . . . . . .🔥👑
👑🔥 . . . . . . دُوجِي رَمضَان . . . . . . 🔥👑
______________________________________________
حنين ... كيف حال خالتي كريمة
سعيد ... كويسة اليوم أحسن أني جاي بندير رأي لموضوعنا
حنين ... أي موضوع؟
سعيد ... أني وياك يعني خلي يكون شي رسمي بيناتنا حتى خاتم يكتبك بأسمي
حنين ... سعيد أنت عارف بنت عمي ليها ثلاته أيام بس ع اي خطوبة تتكلم؟
سعيد ... باهي أني مش متحمل نشوفك مع زياد ياحنين نغار مش بيدي
حنين تنهدت بضيقة ووجع💔
سعيد مسك يدها ... مش ح نضغط عليك بس حسي فيا ولو شوية!
حنين ياربي أني خايفة نكون ظالمة الولد بس 💔💔
سعيد بعد خصلة شعرها ورا وذنها وتكلم بهدوء ... حنين ان
زياد فتح الباب وفي يده حمودي يعيط ... حنين نوضي شوفي الولد خيره؟
حنين سحبت يدها من يد سعيد وناضت تجري خدت حمودي؛
سعيد يشبح لِ زياد بغل لأنه كان عارف هادي سبلة عشان مايخليهمش بروحهم🔥
زياد ابتسمله بأستفزاز ... هادي حياة الأمومة ماتستقبلش في الضيوف صح حنين ولا؟
حنين قلبت عيونها بملل ... أول حاجة سعيد مش ضيف هادا خطيبي وامتى مايبي يجي يجي وإنت اطلع منهااا
سعيد أبتسم؛
زياد تغيرت ملامحه ورفع حاجبه ... ههه خطيبي قلتيلي إنتي شنوو هادااا نسخة مهااا واحررف انتي كيف توثقي فيه
حنين ... ع الأقل مش حقير زيك ونذل وأني واثقة فيه
زياد ... إنتي قعدة تعالجي في الغلط بِ غلط اكبررر منه أنتي ماتحبيش سعيد أنتي تحبيني أنييي
حنين ضحكت بهزوة ... كنت أما توااا لااا كرهتككك ع قد ماحبيتك
زياد ... شوفي في عيوني في فترة طويلة واتبثيلي أنك كرهتيني
حنين ارتبكت ونزلت عيونها؛
زياد ابتسم وأشر ع قلبها ... أني الي مالكه القلب هادا ياحنين فالذلك بطلي تضحكي ع روحك وعلينا وحتى سعيد أني متأكد أنه عارف أنتي ماتحبيشي بس يحاول واهو نقولك ياسعيد محاولاتك فاشلة فالذلك معاش تحاول
سعيد ... حنين أني اخر مرة نضغط عليك اختاري أني ولا زياد
حنين شبحت لِ سعيد كان عقلي واحلامي وطموحاتي يقولولي سعيد دكتور قد الدنيا ماتخسريشي وواضح انه يحبك ويخاف عليك ويهتم بيك بس قلبي الحقير يلي ماقدررش يكره زيااد كيف نديرله 💔💔قعدت ساكتة بس اكتفيت بالدموع لأنه ماعنديش اجابة راكزة خايفة نقول سعيد ونظلمه وخايفة نقول زياد ندمررر روحي وحياتي 💔
سعيد قام تلفونه ومفاتيحه ... خلاص وصلت الأجابة ربي يخليكم . وطلع؛
حنين تمنيت نقوله لااا ماتمشيش اني حبيت وجودك في حياتي حبيت اهتمامك وكلامك ومكانتك وثقافتك بس حبيتك مصلحة ماحبيتكش حب صافي زي الي حبيته لي زياد بس ياريته مقدره حتى شوية اكتفيت بأني نحضن حمودة ونركب أني وياه لغرفتي💔💔
أنت تقرأ
جحيم الحب (روايات ليبية)
Romanceجحيم الحب رابع رواية ليا بعد قوانين جمعتنا وطفلة بائسة وتعيسة الحظ♥️. مكتملة وماتنسوش المتابعة♥️. لا أسمح بسرقة احداث رواياتي ولا اسمائهم!.🚫
