الموت الحي

ملاحظة

مرحبا حبايبي الورود شلونكم ❤️

طبعا شفت هواي ضجه واسئلة دتجيني بخصوص الرواية فبما انو اليوم صار عندي مجال شوية حبيت اجاوب على كم سؤال

1- البعض يشتكون من الأحداث يكولون بطيئة وجامدة

بنات حبيباتي ترة هي رواية واني دامشي بأحداثها مثل ماهي وصلتني وخوما تردوني ابخس بحقها
وامشيها ركض ركض وساعتها لا اني حكون راضية عنها ولا انتو حتحبوها ، فأنطو صبر شوية لان هالرواية احداثها شوية معقدة وما اكدر اختصر بيها اي حدث لان شي متصل بشي ، اضافة الى ذلك كل حدث داذكرة اني اله معنى كبير ومهم بحياة الابطال ومستقبلهم 

2- البعض يكولون منو بطلة الرئيسية بالرواية

البنات تلاثتهن بطلات الرواية ( دُنيا ، زبيدة ، ديمة ) كل وحدة بيهن بطلة و الها قصة اقوى من الثانية وكلهن الهن دور مهم جداً بالرواية لكن ما اخفي عليكم اكثر قصة بيهن جذبتني وخلتني اوافق على الرواية
مباشرة وبدون تردد هي قصة زبـــــبيدة

3- دتسألوني عن الابطال الرجال وليش لسه كُلشي مواضح بخصوصهم + واغلبكم يسألني عن يوسف

احب اكلكم لتستعچلون على رزقكم كُلشي بوقتة حلو وعلى فكرة احب اريحكم شوية ترة يوسف هو البطل الاول فاطمئنوا🙂

4- البعض ديكولون اسم الرواية " الموت الحي" ماله ربط بأحداث الرواية

هالاسم هو انسب اسم ممكن اخلي للرواية ، اولاً لان بي معاني عميييقة جدا بس القارئ الفذ والشاطر راح يكتشفها

وثانياً اسم الموت الحي ، مو مجرد اسم وانما ظاهرة حتعرفوها بالاحداث القادمة ان شاء الله

5- اغلبكم ديشتكون لان البارت دينزل بوقت متأخر 

حبايبي اني اقدر حبكم للرواية واصلا طايرة بيكم والله بس هالتشوفون اغلب العوائل العراقية هالايام ملتهين يا اما يمشون يا اما يخدمون بالمواكب واني حالي من حالكم ، كاعدة بالموكب ومع ذلك داكتب وانزل الكم صح بوقت متأخر دانزل بس اشوف احسن ما اوقف الرواية طول فترة الاربعينية واذا انتو ما عاجبكم وقت التنزيل وتحبون ااجل التنزيل لبعد الاربعين كتبولي هنايه واني حمشي على الاغلبية ❤️

جاوبت على اكثر الاسئلة الي تكررت علية واتمنى ما اكون نسيت شي زائد بنات حبيباتي الي يراسلوني ويعاتبوني على الخاص لان ما ارد ترة الله شاهد باليوم تجيني كمية هائله من الرسائل وبالله الكريم احير ارد على منو فجداً اعتذر لو وحدة بيكم راسلتني ومجاوبتها ، صدكوني عدم جوابي مو تكبر ولا غرور
اني بعيدة كل البعد عن هالصفات واغلبكم يعرفوني مو هذا طبعي لكن بالله ما الحك ارد على الكل❤️

اختكم براء ❤️