ألهاربه من الضياع

البارت الثامن

#ساره_فاضل
#الهاربه_من_الضياع

إذا مَخنوك گُلي أندارلك شباچ ♥️.

مهره
من البارحه طلعو وأني كل جسمي يرجف دخيلك ياربي شنو هالحض العندي يوم مالكيت احد يساعدني تتوفه أمه. ويلهي الضيم عن سالفتي الي مااضن الهه نهايه ياربي صبر گلبه وأرحمهه برحمتك الواسعه وأرحم أمي وأبويه أمين رب العالمي

ماعرفت شسوي أجه اليل والهوه قوي كلش
والدنيه برودتهه موطبيعيه لاأكدر اشغل ضوه بلبيت اخاف من الجيران خاصه همه يعرفون محد بالبيت ولاأكدر أكعد بدون ضوه وخاصتآ اني اخاف من الضلمه خوف موطبيعي  ياربي شلون حيره هاي

نزلت جوه لكيت لايت ع الشحن شغلته ع اقل درجه
وكعدت فاتت الساعات بثقل وخوف أني بدون شي أنرعب من كلشي يارب هون اليله عليه
رحت لغرفة أستاذ وائل وجبت منهه بطانيه ومخده لان ماعرف ليش رجلي متطاوعني افوت لغرفة أم وائل مااعرف خوف مدري رهبه وخاصه أني أكره صور البشر بالبيت وهيه صورتهه جبيره بغرفتهه أني أكره الصور للموته وللأحياء احس گلبي ينقفص من الصور
وهيه جامده وبدون روح
رحت جبت البطانيه والمخده خليتهن بصف الحايط بطرف الصاله وفرشت المساند مال الطخم جواي لان الگاع بارده تموت  وحشرت روحي حشر. ع الحايط
من الخوف لشوي خذتني النومه التفيت ونمت وماصحيت الا ع سيارة الغاز تصيح بالباب

اباوع الساعه ب7 فتحت الشباك أباوع الدنيه مغيمه وبردهه اليوم موطبيعي شلت الفراش ورجعته ورتبتهه ورجعت كلشي لمكانه رحت غسلت وجهي وبدلت ملابسي ولبست كلابيه سوده وشال الصايه مالتي همات اسود عيب من استاذ وائل رحت للمطبخ وطلعتلي صمونه وجبن وباكيت عصير وبطل مي وصعدت فوك أخاف احد يجي للبيت اقاربهم شي ولو الوضوع موضع فاتحه لابيت انفتح ولاعزه للنسوان ولاكئنما اكو احد ميت بلبيت معقوله أستاذ وائل مكطوع من شجره زين ليش استاذ وائل ما رجع بدل ملابسه اهوو  هسه اني شكو حاشره نفسي  أني شعليه خل اصعد واشوف وين توصل

صعدت فوك تريكت وفات الوقت اباوع الساعه ب2
وماكو احد صارت الساعه ب6وهمات ماكو احد أني متت من الجوع شلون ياربي نزلت شوي شوي خاف احد بالبيت فايت واني ماادري عاد ميلحك يشوفني ارجع بهدوء بس الضاهر محد فايت للبيت البيت ع حطت ايدي

ودخلت المطبخ سويتلي زلاطه وصمونه وبطل مي  وخذتهم وصعدت فوگ ورغم اني جوعانه بس كلت بالكوه. وماكملت أكلي لان حيل نفسيتي تعبت مليت من عيشة الحرامي الشارد ويخاف ينلزم ع ساعه
مليت من كلبي اليفز كلما يسمع دكة باب
وكل حواس جسمي تنشل من اسموع صوت احد يشبه اصواتهم اااااخ ياربي مااعرف شحجي وشكول
اكلت الي اكدر علي وبقه نص الاكل مجرد ثبتت معدتي ضليت كاعده كبال الهيتر وفاتحه شوي من الشباج اباع للناس الي بالشارع واني منتضره استاذ وائل يجي اباوع اللهم واحسدهم همه احرار عايشين بدون مااحد يطاردهم عايشين ببيوت الهم مفاتيح بيهه يفوتون ويطلعون براحتهم البنات لابسه صداريهه ورايحه للدوام مثل الفراشات هاي الي تمشي وحدهه وذيج الي وياهه امه وذيج الي ويه صديقاتهه وتمشي وتضحك وياهم واني لاأراديآ اضحك وياهم. صحيت ع نفسي وقطعت حبل أفكاري الي ماورا بس التعب وبقيت اباوع بمصت