ဟန့်မှာ သူ့အား ဘာမှမပြောတော့ပဲ ကြည့်နေသူအား စိတ်ဆိုးသွားမည်ကိုလည်း စိုးရိမ်သည်။ ဟန် ဆိုးနေိမတာကိုလည်းသိသည်။ ဒါတွေကြောင့် စိတ်ပျက်သွားမှာကိုလည်း ကြောက်မိသည်။
" ဟို ဉီးဇန် အဆင်မပြေရင် ကျွန်တော်သွားလဲလိုက်ပါ့မယ်ဗျ။ "
" ရတယ်။ သွားရအောင် "
" စိတ်ဆိုးသွားတာလားဗျ။ ကျွန်တော်က ဒီတိုင်း ဉီးဇန်ကို စလိုက်တာပါ။ "
တဖြည်းဖြည်း ပျက်ယွင်းသွားတဲ့ မျက်နှာလေးကိုကြောင့် ဉီးဇန် ပြာယာခတ်သွားရပြန်သည်။ သူ ဘာလုပ်မိလို့ ကောင်လေးက ဒီလိုဖြစ်သွားရတာလဲ။
" ဟန် ကိုယ့်ကိုကြည့်။ "
" ပြောပါဗျ။ "
" စိတ်ရှုပ်သွားတာလား ဟန်။ ကိုယ် ချုပ်ချယ်တာမဟုတ်ပါဘူး။ ဘယ်လိုပြောရမလဲ။ ဟန်က ကိုယ့်မျက်လုံးထဲမှာ ချစ်ဖို့ကောင်းနေတော့ တခြားသူတွေကြည့်ကြမှာ စိုးလို့ပါ။ "
ဒါက ဉီးဇန် သဝန်တိုနေခြင်းလား။
" သူတို့ဘာသာကြည့်တာကို "
" အင်း ကိုယ်သိတယ်။ ဒါပေမယ့် ဟန့်ကို ကိုယ်တစ်ယောက်တည်းပဲ ကြည့်ချင်တာ။ "
ဉီးဇန်ရဲ့ စကားကြောင့် ဟန် မျက်နှာပူလာသလို ခံစားရ၏။ ဒီလူကြီး ပြောရဲဆိုရဲရှိလာလိုက်ပုံကတော့ ဘယ်သူ မြှောက်ပေးလိုက်သည်မသိ။
" စိတ်မဆိုးနဲ့။ ကိုယ်က ဟန်စိတ်ချမ်းသာဖို့ အရေးကြီးတာမို့လို့။ "
..............
စိတ်ဆိုးပြေသွားပုံရတဲ့ အမျိုးသားငယ်က ဉီးဇန်ဘေးမှာ ထိုင်ရင်း မျက်နှာလေးပြုံးလို့နေသည်။ မွေးနေ့ကို အရင်မသွားသေးပဲ ပန်းဆိုင်လေးတစ်ဆိုင် ဝင်ပေးပါဆိုတာကြောင့် ကားလေးဟာ ပန်းဆိုင်ကို ဉီးတည်ပြီး မောင်းလာ၏။
ဆိုင်ရှေ့ကို ရောက်တော့
" ကျွန်တော်ပဲ ဆင်းသွားလိုက်မယ်ဗျ။ "
" အင်း ဂရုစိုက် "
" ဟုတ်ကဲ့ "
ဉီးဇန်မှာ ဆိုင်ထဲ ဝင်သွားတဲ့ ဟန့်အား ကြည့်လိုက်ပြီး ပြုံး၏။ မွေးနေ့ရှင်က ဉီးဇန်ရဲ့အမေဖြစ်သော်လည်း ပန်းလေးတွေလက်ဆောင်ပေးဖို့ တတ်ကြွနေသူက ဟန်ဖြစ်သည်။
YOU ARE READING
DEAREST
Romanceစိတ်ကူးယဉ်ပုံဖော်ထားသော ဇာတ်လမ်းဖြစ်သည့်အတွက် လက်တွေ့နှင့်လုံးဝမသက်ဆိုင်ပါ။ Sweet ပိုင်းပိုသွားတာမို့ အဆင်မပြေတာများရှိရင် ကျော်သွားဖို့ တောင်းဆိုပါရစေ။
Part 14*
Start from the beginning
