#جـحـيـم_الـحـب🔥❤️
الـبـارت الـسـادس(6)❤️
بقلم خديجة رمضان (دوجي رمضان)🦋❤️
لايك قبل ماتقروا 🥺❤️وكومنت بعد ماتقروا❤️
______________________________________________
جـــحـــيـــم الـــحـــب 🔥❤️
______________________________________________
مها ... مشالله مشالله شن لي صاير هني؟
حنين ناضت من ع السرير تشوفلها بصدمة ... هي أنتي كيف تخشي هكي
مها ... واخدين راحتكم مستغفلين خالتي رقية ومدايرين مافي بالكم انتي وهوا
زياد ناض يحك في عيونه يستوعب في الي يشوف فيه قدامه ... إنتي شن جيبك هني؟
مها ... هههه شن جابني صار تحساب بعد الي درته فيا نمشي ونفوتك حتى حنين لازم تعرف بكل شي أحسن ماحتى هيا المسكينة تضحك عليها زيني!
زياد يشوفلها وقارن حواجبه مش فاهم شي؟
مها ... ياستي حبيبك هادا يوم أني بايتة هني روح سكران وأني كنت نبي نعزيه ركبت لغرفته و و اغتصبني
حنين فتحت عيونها بصدمة وشبحت لِ زياد!💔
زياد ... كدااابة شن الي تقولي فيههه انتيي؟
مها .... لا مانكدبش بس ماحبيتش نحكي معاك لأنه هديكا الفترة بوك متوفي وهكي ف قدرت ظروفك بس تواا مستحيلل نسكت لو مادرتش أنت حل ح نحكي لِ خالتي رقية
زياد ... معاااش تكدبيي النممم حنيين كدابة راااه وربيي تكدب عليك
حنين شبحتله بعيون مليانة دموع وكسرة ومشت؛💔
زياد شد مها من يدها بقوة ... كييف تكدبييي علااااش النمممم علاااش؟
مها ... مانقدرش نشوفك مع غيري ونسكت زياد!
زياد ... تعرفي جربي قولي حاجة تانية وربيي لما نجيب تيسير يطلع فضايحك كلهااا
مها خافت وسكتت؛
زياد طلع وخلاها؛
~~~~~~~~~~~~~~~~~
فراس باس حناه ع رأسها ... اهلا كيف حالك حناي
فاطمة ... الحمدلله ياوليدي وين وتين؟
فراس ... فوق قالت تعبانة شوية قعدة راقدة
فاطمة ... بالك حامل ولا حاجة؟
فراس ف خاطره تي حامل شنو ياحناي وحني لينا أسبوع بس!!
فاطمة ... نكلم فيك!!
فراس ... لا ياحناي شكلها واخده بردة بس
فاطمة ... امم
وتين نزلت ... السلام عليكم
فراس شبحلها بصدمة مش توا كانت تعبانة ومريضة!؟
فاطمة ... وعليكم السلام خيرك لا بأس قال فراس مريضة؟
وتين بأبتسامة هادية ... لالا اموري تمام كيف حالك أنتي اليوم أمس قلتي رجليا؟
فاطمة ... باهي ماشي حالهم اهو
وتين ... الحمدلله ،، فراس ترفعني لحوش بابا
فراس ... علاش؟ قصدي يعني مش يقولوا مش من أول أسبوع المفروض تمشي صح حناي ولا؟
فاطمة ... اي صح كلام فراس يابنيتي مزال بكري
وتين هزت برأسها بمعنى تمام وركبت فوق خشت لغرفتها كسرتها طروف طروف وبدت تبكي انهارت انهيار غير طبيعي!💔
" شنن السبب لي خلاها تنهار بطريقة هادي "
" ح نحكيلكم شوية ع فراس❤️
طبعآ هوا أمه وبوه متوفيين عنده أخ واحد بس لي هوا فيصل عزابي من الحلقة هادي ح يبدأ يطلع في الرواية عايشين مع حناهم فاطمة ووتين بنت عمه❤️
وشن علاقتهم بِ عيلة حنين وزياد؟؟
اب فراس واب زياد أولاد عم❤️ ووتين وحنين نفس الشي وانشالله فهمتوا عليا بس🌚❤️. "
أنت تقرأ
جحيم الحب (روايات ليبية)
Romanceجحيم الحب رابع رواية ليا بعد قوانين جمعتنا وطفلة بائسة وتعيسة الحظ♥️. مكتملة وماتنسوش المتابعة♥️. لا أسمح بسرقة احداث رواياتي ولا اسمائهم!.🚫
