البارت الثاني
بعد فتره نستلم النتيجه وبيوم استلام النتيجه كل كاعده طلعت من الاوائل وبذراعي وكلبناها مناحه اني وصديقاتي
رند:ولج سهاوى شلون راح اكدر افاركج
سهى : ولج لاتبجين هسه تسيح الكحله ويبين الوجه الحقيقي هههههه
رند: ههههه هسه وكت تحشيش
سهى:ولله مراح اكطع وياكم ولعيونكم الاسبوع الجاى عازمتكم على عشه بالمول شكلتو كالو كلنه راح نجي انشاء الله
سهى : يله بنات اني راح اخبر امي بانو نجحت واخيرا تخرجت وصرت
طبيبه وبيدى الشهاده
سهى : ماما باركيلي تخرجت
الام :كلللللييييش الف مبروك مثل متوقعنه يوم الي اشوفج بالدكتوراء انشاء الله
يله تعالي لمطعم عازمتج
سهى :اوك
سلمت على البنات وتوجهت للبيت لان جان عندى نسخه من المفتاح وطبيت سبحت ولبست
بنطرون كابوى وبدى ابيض مرسوم عليه وجه ضاحك وحطيت مكياج هادئ وسويت شعرى كرون ههه ولفينه مثل الكبايه وطلعت خصل من كدام وصعدت بسيارتي ورحت للمطعم ولكيت
كل اقاربنه هناك واختي وجهالها وزوجها .
واهلي عازميهم بمناسبت تخرجي وجايبين كيكه عليها صورتي اني وبزى الطبيبه وكلش فرحت وتونست .... وبعد فتره رحنه اني وصديقاتي
للمول ورجعنه ومرت الايام ولاشهر وبعدها طبقت سنتين وما صارت بها السنتين احداث
جديره بالذكر ورها خلصت وصرت دكتوره عن حق وحقيق وبابا بنالي عياده وجهزناها بكل شي وبقه بس اشتغل بيها واول يوم اشتغلت لبست بنطرون ابيض عريض وقميص زيتوني
دخلت اشويه منه بالبنطلون وجزدان زيتوني
وحذاء كعب زيتوني واصريت انو اروح لصالون
واخصل شعرى ظفرته صفح وطلعت خصل من شعرى وحطيت مكياج ناعم وهادئ ولبست عدسات خضر عبالك عيوني الحقيقيه امي ظلت تقره المعوذات بستها وطلعت بسيارتي لعياده وهيه جان موقعها بالسوك نزلت وكلي ثقه وحماس فتحت العياده وبديت ارتب بعض
الاشياء وشغلت التلفزيون على قران وكعدت اتصفح بالتلفون وطك صور ونشرت صورة العياده على الفيس بوك وكتبت اول يوم الي في العياده وبعدين كعدت اخابر رند واحجي وياها
سديت الخط وكمت وكفت اباب العياده واباوع
الناس تروح وتجي وراسمه ابتسامه على وجهي وكلت اول زبون راح يجي راح اسويله تنزيلات
ضليت كاعد بالساعه ومحد اجه صارت دنيه ظهر
وجعت بس بقيت كاعده اخاف اطلع لحد ماصار
العصر وكمت قفلت العياده قفل مؤقت وصيت
ابو المحل المجاور ويخلي عينه على المحل اخذت جزداني وطلعت ورحت على مطعم قريب
على العياده وكعدت بالمطعم اكل وبعدين اخذت
رقم المطعم حته كل مااجوع اطلب اكل طلعت
ورحت لعياده وكعدت مرت نص ساعه واجه
زبون . اووه واخيرا اجه شخص كمت على حيلي
وبتسمت ابتسامه عريضه سلم ورديت علي
وكالي شنو مرضه ونطيته الوصفه وراح وتشكر
مني وطلو كملت اليوم عادى ومر عليه محمد
سئلني اذا محتاجه شي وراح صار المغرب وعزل
السوك واني هم عزلت العياده و رجعت للبيت
استقبلتني امي وكعدت اسولفلها شنو صار بيومي جنت فرحانه وحسيت براحه نفسيه بانو حققت حلمي وكتفيت من الدنيه وحسيت انو بعد مااريد
من الحياة شي صار اليل وكعدنه نتعشه سهى ...
اكول شنو رائيكم نطلع نتونس
محمد.... يعني انتي ماتشبعين دياحه دكافي ركدي
الام ... والله مشتاقه ازور صارلي هواى ما رايحه للامام الكاظم
الاب .... يله اذا ما عدكم شي انروح
هسه
سهى .... لاماعدنه بس امشونه خلي نطلع
محمد.... ولج اخ منج ماتكدر تكعد يوم واحد بالبيت
الاب .... باعي سهى بنتي اطلعين لابسه
عبايه فتهمتي
سهى... اى بابه اكيد راح البس
بابا على الرغم من انو منطيني الحريه بس من
انروح زيارات لازم اطلع من البيت لابسه عبايه
ومن اكمل زياره عود يحقلي انزعها سهى ....كمت
من العشه ورحت ابدل
الام:وين تونه صبينه الاكل
محمد:عمي يااكل بعد بيها طلعه احسبو حساب عشه الها واني ادرى راح اتخسرنه كعدت مطعم
سهى: رحت للكنتور فتحته وكمت اختارشنو البس طلعت ستره نيليه مقلمه بابيض ولبست البنطرون واستره لونه نيلي وبدى ابيض
وطلعت سيت حذاد كعب ابيض ونيلي وجزدان بسيط على شكل فيونكه ابيض وسرحت شعرى وسويت بي فيكه من ورى كملت انو محطيت
مكياج لان بابا مقبل اخذت جنطه وحطيت بيها شوية مكياج وكلت من اطب احطها بالامانات لان ميقبلون كملت لفيت شالي ولبست العبايه طلعت
لكيتهم كلهم امكملين كتلهم ها شلوني مو اخبل
الاب :اى والله تجنين ولو تلبسيها على دوم احسن
سهى : لا بابا من اقتنع عود افكر البسها
الام :بكيفج احنه ما نجبرج على شي وانتي
تتحملين عواقب قراراتج سهى اى عادى اتحمل
