إمرأة بلا وطن

البارت الثالث

مساءالخير على عيونكم
استغفرالله واتوب اليه
****&&&&&&**""""

هذه الايام...
اكبر من صبري....
واعظم من طاقتي .....
وأضخم من هذا الصمت الذي يكويني ....
********&&&&******

كعدت اشوف عادي بس شويه نظري مغوش

وايده على خصري بعدت ايده واني بديت امثل ....تذكرت مصعب ونزلت دموعي وصرت اشهك .....هو جان قصدي امثل واحسسه بالذنب حتى يضل بعذاب الضمير

سامر _هيج كاهرتني وتريدين تخلصين مني ..

ضليت على حالتي مااريد اباوعله وانكشف حسيت تقرب مني اكثر واني صرت ارجف مو خوف منه بس خفت انكشف فزيت اول مالمسني حط ايده على خدي ...بس قويت نفسي

زمرد _اكثر ماتتصور ...كل الحب الجان بكلبي الك تحول كره وحقد ...ومن البارحة حلفت اكعد وانام واني اتحسب عليكم ...واكيد الله مايردني يتيمة ومظلومه. ...

مسحت دموعي وهو ميجاوب ...

زمرد _بسببك حتى مااعرف ساعة شكد ..يا وكت صلاة حتى اصليها. ..مادري ليل لو نهار .

جرراسي لصدره...

سامر _اصيرلج ساعة وعيون ...راح اجيب وحده تصيرلج عيون ...

دفعته ..

زمرد_مااريد ...بلكي وهسه مااشوف كدامي اهلك وزوجتك يسوولي مصيبة واموت ...وهيج اخلص منكم وادفع مصعب ثمن تركه الي ....

سامر _هو يحبج ...اكيد راح يرجع ...بس وكته مستحيل اخليج تروحين..

زمرد_تستهزء بيه قصدك هو نساني ..

سامر _ولايوم فكرت استهزء بيج ...وراح يجي يوم ويرجع مصعب متأكد ...بس وكتها راح تعوفيني زمرده...

جاوبته بثقة .

زمرد_ثانية مااضل وياك...

سامر _حقج يابه حقج....صباح الخير ...هسه ساعة ب١٠ ..

اخذني للكنتور ...طلعلي دشداشه ...لبسني ياها ...واني مامنعته ...بس منزلة راسي وسويت روحي عميه من صدك واخذني للمغسلة غسلت وجهي ومسحها بالخاولي... فتت جوه ..

عمتي _هه كعدت العميه..

سامر _يوووووووم ...قسما بالله الكلام موجهه للكل اليسمعها حجايه لو يأذيها ...مووته على ايدي ....وانتي يوم اعوف البيت واخذها ...هاي حذرتج ..

عمتي _عفية ابن بطني. ..خوش ساحرتك بنت دانيه ...

سامر _السحوره الها اهلها يوم بس مو زمرد...

مفهمت قصده ..بس صار هدوء ...

اخذني وكعدني ...شويه وجاب صينيه يسويلي لفات صغار ويشربني جاي ...اخذ الصينيه وكومني ..واني مااحجي كلمة وهو هم وكفنا على صوت رنا .