في تلك العتمة الباهتة اقبلت ملاكي ..

البارت الثالث

طلعت حلم تتسحب وهي لابسه جلالها راحت برا تجلس على الدكه اللي تطل على مزرعة الوردمن فوق جلست ودلدلت رجولها وجلست تدندن وتناظر السماء شوي وتسمع صوت خشن من وراها يقول
راكان : ممكن اجلس معاك
شقهت حلم ولفت : مين؟ راكان
راكان: شفيك مو شبح ترى
حلم: ما اقصد بس خرعتني عبالي الكل نايم
نط راكان وجلس قريب منها بمسافه : ويوم الكل نايم انتي ليش ما نمتي ها وش مسهرك
حلم: انا ما انام الليل
راكان: وليش انشاء الله ما تنامين الليل
حلم : مدري بس من توفى ابوي والنوم في الليل ما طب عيني كنت اخذ حبوب منومه بس الدكتور قال ممكن ادمن عليها فخافت امي علي وخلاص صرت بين احضان امجاد اختي او اضل صاحيه وانام بس ساعات الفجر الاولى هذي تكفني
راكان: وما تحسين بارهاق وتعب
حلم: كنت في البدايه احس بس مع الايام تعودت
راكان: طيب ما عمرك نمتي في الليل مره
حلم: الا لمن كنت صغيره كان خالي سعود يضمني معاه في الفراش كنت احس انه ابوي واحس بدفى وانام بس من كبرت خلاص محد صار يسوي لي كذا الا امجاد اختي او امي
راكان: اهاا
حلم : وانت ليش ما نمت
راكان في نفسه : و الله القمر اللي شفتها اليوم ما خلتني انام اههخخ ي قلبي
حلم: راكان راكان الو
واكان: نعم معاك
حلم: اسالك اقولك ليش ما نمت
راكان: نمت واجد امس وبعد نمت على الفرشه عند العيال
حلم: اممم يعني شبعان نوم
راكان : اي شبعان
بعد مدة من الصمت قطع سرحان حلم
راكان: اقول حلم صدق حفيدة الجد خالد كيفها 
حلم: تقصد ريم
راكان في نفسه : يقلبيييي واسمها بعد ريم انا اشهد انها ريم اسم على مسمى مو الشعفه اللي جنبي زين انها لابسها جلالها ومغطيه نفسها
راكان: هي كيف معاك
حلم : لطيفه بس واضح انها مستغربه من حجابنا
راكان: اهااا طيب جلست مع نوف اختي
حلم: اي بصراحه كانت لطيفه بس اختك تعرفها ما تتقبل احد بسهوله بس انا اليوم انبسطت الصراحه
راكان بتسليك: اي دوم
جلست حلم تسولف بطفولية وبراءة وراكان يسوي نفسه يسمعها وهو كل تفكيره مع ريم ومنطش حلم اذن الفجر قامت حلم وجات بتنزل كانت بطيح لو لا يد راكان اللي مسكتها وسحبتها اتجاه صدره وطاحت فوقه
راكان: حماره انتي كنتي بتطيحين
حلم: اسفه ما انتبهت
راكان: اي من الغمامه السوداء اللي انتي لابستها قومي اشوف من فوقي
قام راكان وراح اما حلم جلست مصدومه
حلم ابتسمت بحياء وقالت : يمه شكله خاف علي وي فديته وقامت توضت وصلت وحطت راسها
تسريع الاحداث
بعد الفطور قرر الجد يمجع حفيداته ويعرف الجد خالد عليهم امر انهم يلبسون الجلال ويتسترون زين ويجون الملحق
دخلو البنات وراء بعض وكل وحده منهم سلمت على راس جدها ويده وجلست قريب منه
الجد خالد: مشاء الله مشاء الله الله يحفظهم
الجد سعد : وين بنت عبدالله
نوف : سم جدي
الجد سعد : هذي بنت عبدالله ولدي اخت المليح راكان
الجد خالد: الله يحفظها وانشاء الله تفرحون فيها وفي راكان
راكان في نفسه: انشاء من حفيدتك يرب
عبدالله : انشاء الله يرب بحياتك انشاء الله
الجد خالد: تسلم
الجد سعد : وين بنات سلطان
ريهام و نور : سم جدي
سلطان : هذول بناتي
الجدخالد: الله يحفظهم ويرزقك بالولد السند لك ولهم
سلطان والجد سعد : امين يرب
الجد سعد : وين بنت نورة
روان : سم جدي
الجد سعد : هذي بنت بنتي نوره
الجد خالد: الله يحفظها
الجدسعد: وين بنات سحر
امجاد وحلم : هنا جدي سم
الجد سعد : هذول بنات المرحوم احمد بنات بنتي سحر  واخوات مروان
الجد خالد : الله يرحمه انشاء الله
الجد سعد: اي وعاد مروان مو مقصر انشاء الله يكون سند لهم وهم سند له
الجد خالد: اي ونعم فيه انشاء الله
الجد خالد : اقول نواف نادي ريم وروابي خواتك
راكان من عرف ان ريم بتجي قلبه صار يدق زي المجنون
نواف : تامر جدي
راح نواف ودق على امه وقالها تخلي ريم وروابي يجون يوم دخلو ريم وروابي الملحق استعجب الجد وعياله انهم ما يتغطون ويتسترون وهذا اللي خلى الجد ينفر شوي بس ما بين
الجد خالد: هذول حفيداتي هذي ريم واللي جنبها روابي
كانت ريم جالسه قدام راكان وراكان كان جالس جنب مروان ماقدر راكان ينزل عينه من ريم وريم حست فيه ورفعت عينها وتلاقت مع عين راكان وذابو في بعض كان هذا كله قدام عين نوف اللي كانت تتمنى ان اخوها يحب حلم مو ريم
نوف تنحنحت : جدي ممكن اخرج انا وحلم
الجد سعد : اي يبه تفضلو
قامت نوف وسحبت معاها حلم باسو راس ويد جدهم وطلعو
حلم: وش فيك انتي علامك قمتي
نوف : ولا شئ بس من جات هالريم وانتي ساحبة علي ابي اجلس معاك لوحدنا
حلم: هههههههههههههههههههههههه اشوف قمنا نغار اجل لو ريم صاحبتي وش سويتي
نوف : والله اذبحها تعرفين انتي اغلى شئ عندي
حلم دمعة عينها : وانتي بعد اغلى شئ عندي
ضلو يتمشون وراحو مزرعة الورد ورجعو دخلو البيت يساعدون الحريم في الغداء
تسريع الاحداث
في الملحق كانت ريم تتبادل النظرات مع راكان شوي
ريم: جدي استاذن انا وقامت روابي بتجين معي
روابي : لا بجلس مع البنات عند جدي
ريم : زين
طلعت ريم لحقها راكان مسك يدها وسبحها لمكان بعيد عن الانظار قريب من الاسطبل
ريم: نعم وش تبي
راكان : ابيك ي قلبي
ابتسمت ريم بحياء وضربت صدرة القوي
راكان بتخدر : ي ويل قلبي على هالزين ترى بتخليني اتهور
ريم: بس خلاص
راكان: ي قلبي راكان انتي والله من اول مره لامتحك فيها مع هذيك المدلعه وانا متجنن عليك
ريم باستغراب : مين المدلعه
راكان: حلم بنت عمتي سحر
ريم: ههههههههههههههههههههههههه تقولها مدلعه
راكان: اي مدلعه ومحد يرفض لها طلب وجع يكرهي لها لو لا اخوها صاحب عمري كان مداني دفنتها تحت رجلي يعع مسويه نفسها اخر حبه وجع
كان هذا الكلام كله في اذن حلم نزل زي الصاعقه على راسها وقلبها صار يوجعها مشيت جري للبيت واول مادخلت البيت جلست على الكنب تستعوب اللي انقال عنها ما كانت تتوقع واحد في الميه ان حب عمرها راكان يقول عنها كذا
راكان: زين حبي اعطيني رقمك عشان ادق عليك بالليل نتقابل
ريم : اوكي خذ **********
راكان : زين حبي اشوفك ها نتقابل
ريم : اوكي حبيبي
راكان : لحظة لحظة ايش وش قلتي
ريم : قلت اوكي
راكان : اللي بعدها ايش
ريم بخجل : حبيبي
راكان: ي قلبي انتي اي والله حبيبك وبضل ي حبيبة قلبي ي روح راكان انتي
ريم ما قدرت تستحمل كلامه وشردت راجعه للبيت
دخلت ولقت حلم جالسه وشايله الجلال عن وجها ولونها مخطوف مو طبيعيه البنت
ريم : حلم فيك شئ
حلم: لا رد
ريم تهزها : حلم الو فيك شئ
حلم : لا رد
تذكرت ريم ان راكان قال عنها مدلعه فقامت وطنشتها
تسريع الاحداث
جهز الغداء اللي كان عباره عن سمك وانفرش في الارض براء عشان الكل ياكل الجد سعد لاحظ غياب حلم وسرحان سحر
الجد سعد : يبه سحر
سحر : لا رد
الجد سعد : سحر يبنتي
سحر انتبهت ان في احد يناديها : هلا هلا
الجد سعد : وين حلم ليش مو معنا على السفرة
مروان توه استوعب ان حلم مو معهم : يمه وين حلم
سحر: والله فوق جاتني وانا اجهز الغداء ووجها اصفر ولونها مخطوف وقالت اللي ما ابي غداء انا قلت لها جدك بيزعل بس ما سمعتني وطلعت
راكان ما كان مدي الموضوع اهميه
مروان: زين بقوم اشوفها
سعود : اي قوم شف اختك وصر عليها تنزل
مروان : زين خالي
طلع مروان  فوق ودق الباب : حلم حبي حلمي افتح الباب ولا كان فيه رد
رجع مروان دق الباب : حلم حبيبي هيا عاد بلا دلع زياد افتحي الباب ونفس الشئ مافي رد
مروان: ترى بكسر الباب
وبعد مافيه رد
جاء مروان بيكسر الباب بس الباب كان مفتوح واول ما فتح الباب لقى اخته طايحه على الارض مغمى عليها من قوة الكلام اللي سمعته كيف كيف حب عمرها روحها قلبها حياتها كل سنينها كانت معه يكرها ويقول عنها مدلعه بعد ما كانت تحس بالامان  الا بقربه حتى لو كان بعيد كانت نظره منه تكفيها عن فقدت ابوها
مروان هنا جن جنونه وطلع يركض للدرج ويصارخ : خاللي سعوود ي جدييي
قام سعود من صراخ مروان ودخل جري وراه سلطان وعبدالله والعيال : ايش فيك
مروان وهو يبكي ويده ترجف اول مره يشوف اخته كذا : ح ح حلم ط ط طيحه في الغرفه
بسرعه ركض سعود وراه اخوانه ودخلو لقوها طايحه شالها خالها سعود وغطاها زين وبسرعه البرق على اقرب مستشفى وطلعت معاهم سحر ونورة والجده
اما امجاد فكانت مع نوف وقريب العيال عشان لو صار شئ يجون وكان راكان داخل عندهم
امجاد تبكي : يرب يرب اختي بين يدك اشفيها
نوف : بس حبيبتي انشاء الله بيشفيها
امجاد : توها كانت معنا تضحك وتعلب بس قالت لها خالة نوره تجيب الفرشه اللى قريب الاسطبل راخت ورجعت غير
هنا راكان انصدم وقال بنفسه : معقوله  انها سمعت كلامي مع ريم
ما كان يتوقع انها حساسه لذي الدرجه لدرجه انها تتعب ويغمى عليها ما كان يعرف عن قلب جرحه بالكلام
نوف وهي تهدي امجاد والبنات جنبها : خلاص امجاد انشاء الله تكون بخير
نور : بنات اذان العصر قومو نصليي وندعي لها بشفاء
ريهام : صح قومي يلا
قامو البنات فوق يصلون وراكان كمان راح يصلي
تسريع الاحداث
الساعه ٧ المغرب بعد ما طمنهم الدكتوره انها كويسه بس تعرضت لصدمه نفسيه شديده الكل عند حلم في الغرفة
سحر تمسح على شعرها الحرير وتبكي : يا امي انتي وش اللي صابك يقلب امك من ايش انصدمتي ي قلب امك والله كنتي مبسوطه
الجده مزنه: الحمد لله علا سلامتها
الجدسعد : اي والله الحمد لله على سلامتها
سحر تبكي وتبوس يد بنتها وتشم ريحتها
نوره: وكلي الله ي حبيبتي خلاص البنت الحين بخير كلها كم ساعه وتخرج ارحمي نفسك
سحر : والله مو قادره استوعب من صرخ اخوها وسعود شالها بين يده مثل الرقعه وانا قلبي يوجعني حتى اخوها الضعيف اول مره يشوفها كذا
الجده مزنه : خلاص يمك قدر ولطف وبترجع انشاء الله للبيت سالمة غالمه
الكل : انشاء الله
برا في السيب كان مروان منهار وخاله سعود وخاله سلطان يهدونه
سعود : بس عاد مروان اول مره اشوف رجال يبكي
مروان بين شهقاته : خالي هذي اختي اختي خالي هذي اللي كنت احمها بين رموش عيني فجاءه صدمه نفسيه شديده كيف
سلطان : امر الله عليها وش تبي تسوي توقف امر ربي استغفر الله خلاص احمد ربك انها الحين بخير
مروان : كانت بتموت بس الحمد لله
سعود : فال الله ولا فالك الحمد لله شوفها هي بخير انا بتصل على راكان يطمن امجاد تلاقيها الحين مسويه مناحه بالبيت
دق سعود على راكان
راكان : هلا عمي
سعود : هلا راكان كيف الوضع عندكم
راكان : والله امجاد تبكي والبنات حولها يهدونها
سعود : والضيوف
راكان : ابوي عندهم مع بدر
سعود : والحريم
راكان: اتوقع نوف اختي وريهام جالسين معاهم
سعود : زين اسمع اطلع وقول لامجاد ان اختها صحيت ومافيها الا العافيه كلها كم ساعة ونرجع
راكان: انشاء الله بس خالي هي وش فيها ليش طاحت
سعود: اههخ ي راكان طلع عندها صدمة نفسيه شديده وتعرف حلم حساسه ومن اي كلمه تاثر فيها شكلها سمعت كلام قوي عشان يخليها تتعب
هنا راكان حس بتانيب الضمير حس انه ما كان لازم يقول هذا الكلام خصوصا ان مروان حذره من انه يجرح حلم او يعاملها بجفاء بس ما اعطى الموضوع اهميه
راكان: لا حول ولا قوة الا بالله طيب هي كيفها الحين
سعود : لا تطمن هي بخير ونايمه
راكان : زين و مروان و عمتي سحر
سعود : والله وش اقولك عمتك مغير تبوس فيها وتضمها وتبكي ومروان منهار عليها بس الحين هدو شوي المهم انت لا تقول ان جاتلها صدمه انتبه ترى امجاد تعز اختها مرهه
راكان: ابشر عمي
سعود : يلا في امان الله
راكان: مع السلام
راكان في نفسه : مقعولة شويه كلمات تافه تسبب للانسان صدمه نفسية شديده وتخليه طريح الفراش امرك غريب ي بنت عمتي
طلع وطمن امجاد والبنات عليها ونزل وراح عن ابوه في الملحق وطمنهم
تسريع الاحداث
الساعه ١ في الليل الكل كان نايم معدا الحبيبه راكان وريم كانو جالسين على الدكه وكانت ريم بحضن راكان
ريم: ما تحس ان حلم اوفر شوي
راكان: ما فهمتك حبي
ريم : يعني صدمة نفسيه ويغمى عليها ما تحس انها اوفر
راكان: هي اوفر بس اللي اعرفه من بعد وفاة ابوها قدام عينها صارت حساسه مره بس ما تخيلت انها لهدرجه حساسه
ريم: ييي على المدلعين والحساسين وع تقهر
راكان: من ناحية تقهر فهي تقهر بس ادعي لها ترى ما كاسر خاطري الا هالمرورن اخوها منهار مسكين
ريم : ولا عمتك يقولون ما رضت تجي تبي تجلس معاها بس عمك سعود معها المستشفى
راكان: صدق عمي سعود معاها مو عمتي سحر
ريم: اي عمك سعود
جلسو يسالفون ويتغزلون في بعض لحد الصباح الساعه ٦
ريم بدلع: حبيبي جاء الصباح خلاص بدخل
راكان وهو يشد عليها الحضن: ما شبعت منك خليك معي
ريم: لاحق تشبع بس نتزوج
راكان: اههخ بس متى يجي هذا اليوم وتكونين حلالي
ريم: انشاء الله حبيبي
قطع كلامهم المعسول صوت جوال راكان
راكان : هلا عمي سعود
سعود: راكان واللي يعافيك تعال افتح البوابه انا عند الباب وشكل الحارس نايم
راكان: اي جايك جايك
قفل وقال : يلا حبي بروح افتح الباب لعمي شكلهم خرجو حلم
طبع بوسه على جبهتها وراح يركض وريم دخلت البيت وبسرعه طلعت الغرفه تنام
فتح راكان البوابه ودخل سعود بسياره لين باب البيت ونزل
راكان : اذا ما عليك امر افتح باب البيت على ما انزل حلم
راكان : طيب
فتح سعود الباب لحلم اللي ما كان يبان منها شئ من عباتها وجلالها كانت متستره وكلها اسود باسود
مسك يدها وكانت ترجف وهي كانت تبكي
وبالقوة تمشي سندها عليه ومشاها وهذا كله قدام راكان اللي كان يسمع شهقتها من وراء الغطاء
طلع سعود ومعه حلم ودخلها الغرفه
سعود : بصحي نوف تساعدك تاخذين شور زين حلمي
هزت حلم راسها وعيونها كلها دموع
جلست سعود جنبها : ليه البكاء الحين ها احنا مو اتفقنا ننسى
هزت حلم راسها
سعود : اجل خلاص عشان خاطر خالو اللي يحبك لا تبكين مسح دموعها وباس راسها وطلع وراح لغرفة. نوف اللي ما راف لها جفن وصاحبة عمرها بالمستشفى
دق سعود الباب ودخل : ها نوفه اشوفك صاحيه
نطت نوف : عمي كيف حلم
سعود : زينه ما عليها ابيك تساعدنها تاخذ شور تدرين مشاء الله شعرها طويل وهي تعبانه ما تقدر عليه
نوف : من عيوني
سعود : تسلم هالعيون وراعيها وباس جبينها وخرج
طلعت نوف ودقت الباب
حلم بصوت ضعيف : تفضل
دخلت نوف : كيفك يقلبي
رفعت حلم راسها وبس شافة نوف تذكرت كلام راكان وانهارت بكي جت نوف بسرعه وضمتها لصدرها
نوف : بس يعمري لا تقهرني عليك ارحمي نفسك
حلم تبي وشهقاتها صارت عاليه مره لدرجه اللي يمر من جنب الغرفه يسمعها كانت تبكي بكاء يقطع القلب
نزل سعود ولقي راكان باقي صاحي
سعود: اقول راكون ما القى عندك شاحن جوالي بيطفي
راكان: دقيقه اخبر عند نوف شاحن زياده بالغرفة بطلع اجيبه
سعود: زين لا تتاخر
طلع راكان وهو مار من جنب غرفة حلم سمع شهقاتها وبكاها اللي يقهر وصوت اخته نوف وهي تهديها  ما اهتم  ومشى جاب الشاحن ونزل
تسريع الاحداث
بعد ما ساعدت نوف حلم على اخذ شور جلسته تساعدها في تنشيف شعرها كانت حاطه منشفتين وحده كبيره على فخذها والثانيه تنشف شعر حلم فيه وبعد ما نشفته
نوف : تحسين نفسك احسن
حلم بصوت خفيف ومبحوح من قوة البكاء : اي احسن شكرا نوف
نوف : حبيبي انتي العفو هذا واجبي
قامت حلم ودخلت في فراشها ونوف سكرت النور والباب عليها عشان ترتاح وراحت غرفتها
الساعه١٢ الظهر صحت حلم من النوم وجلست على السرير كان مالي وجها الحزن
حلم في نفسها: ليش ي راكان انا وش سويت لك عشان تقولي كذا انا كنت اشوفك مصدر اماني بعد ربي اخرتها كذا تكسرني وتتمنى موتي اههخ يقلبي يوجعني والله يوجعي الله يسامحك ي راكان ياليتني ما حبيتك ولا اوهمت نفسي بحبك ورجعت فيها لذاكرة لما صقعت بصدرة العريض بدون قصد كيف كانت قدامه مثل النمله بسبب طولها ونحفها ولاكيف يوم شدها لحضنه لمن بغت تطيح من فوق الدكه اللي تطل على مزرعه الورد ولا مواقفهم وهم صغار ونزلت دمعه حاره على خدها
شوي وتسمع دق باب
حلم وهي تمسح دموعها : تفضل
دخل مروان وامجاد
مروان: ي مساء الورد والكادي
امجاد بكت وعلى طول ضمتها وتحسسها : فيك شئ يعورك شئ
حلم بابتسامة باهته : مساء الورد امجاد اهدي مافيني شئ
امجاد وهي تضمها بقوه : تكفين لا تروحين وتتركيني
‏مروان: بسم الله على قلبها لا تقولين عنها كذا
حلم: هههههههه بس ي دراما انت وهي
ضمت اختها امجاد وقالت
حلم: ما راح اخليك حبيبتي انتي
مروان: زين دامك كذا مروقه انزلي تغدي معنا جدي حالف علينا ما تنحط اللقمه الا وانتي على السفرة
حلم هنا اوجعها قلبها وتذكرت انها راح تشوف راكان واللي اوجعها زيادة انها بتشوف نظرات الحب منه لريم
امجاد : عشاني حلم امي مخصوص طابخه لك برياني باللحم تكفين انزلي حتى خالتي حليمه مسويه لك تشيز كيك تكفين حلمي
حلم: زين خلاص ي زنانه اطلعو وانا بسبقكم بس اغير والبس جلالي واجي
مروان وامجاد باسو خدها بفرح ونزلو يبشرون الجد سعد اللي كان يتراس الجلسه وجنبه صاحب عمره الجد خالد
بعد ٥ دقائق نزلت حلم وراسها في الارض لاحظها راكان بس ما اعطى اهتمام كانت ريم قدام راكان وجنبها كرسي فاضي جات حلم جلست فيه
الجد سعد : ها يبه حلم كيفك اليوم
حلم بصوت حزين وغصة : زينه جدي بخير
نوف : لا جدي ما شفتها يوم جات الوجه ينور هو بس شويه دلع بنات ولا هي مافيه الا العافيه
الجده زهرة: الحمد لله على سلامتك يمه والله طيحتي قلوبنا امس عليك
حلم بغصة واضحه : الله يسلمك
بدو ياكلون وحلم كانت منتبه لنظرات راكان لريم وريم لراكان وقلبها قاعد يتقطع من الوجع تحس ودها تقوم وتخنقها وتعاتبه ما تقدر تذبحه لانه مالك قلبها كانت تلعب في الاكل ولا لقمه انحطت بفمها لاحظ راكان حركتها وطنش ولا همه اصلن
تسريع الاحداث
كانت حلم جالسه بغرفتها وتقراء روايه ومنسجمه فيها شوي ويدق الباب
حلم: مين؟
مروان : انا حلمي
حلم: تعالي حبي تفضل
دخل مروان وجاء وانسدح على السرير وحط راسه بحضن اخته وحلم تلعب بشعره
حلم: اشفيك
مروان: مافيه بس من جينا المزرعه ما سولفت معاك لك خلق لقرقرتي
حلم: ههههههههههههههههه اي ي روحي لي خلق لك كلك بس اقوم اروح الحمام(يكرم القارى) وبعدها قرقر على كيفك
مروان : ههههههههههههههه زين بس لا تطولين
حلم : زين
دخلت حلم الحمام ( يكرم القارى ) ومروان قام يضيع وقت وراح قدام التسريحه يحوس بغراض اخته ويشم عطورها ويشوف الارواج شوي ويداهمه فتحت الباب
نوف وهي بدون جلال: حلمي وش راي
صنمت مكانها ولا قدرت تتحرك من مكانها اما مروان توسعت عينه من كمية الجمال والانوثه اللي قدام عينه
مروان في نفسه  : الصلاة على محمد وش ذا الزين اكيد ملاك مستحيل انسان
قطع سرحانه بسؤاله لها ببلاهه : مين انتي
نوف بكل بلاهه: انا نوف
وبعدها استوعبت انها جاوبت عليه وانها ما عليها جلال بسرعه شردت وخلت الباب مفتوح
مروان حس على نفسه وفاق من حالة التخدر اللي كان فيها بسبب جمال نوف : يالبيه هذي نوف اخت راكنوه الخايس يجعلني والله وتذكر شردتها وجلس يضحك عليها وعلى طفوليتها وغباءها
طلعت حلم من الحمام ( يكرم القارى ) وشافت اخوها  مبستم ببلاهه
حلم: مروان ايش فيك
مروان سرحان وما يرد
حلم : الو يالاخ الحبيب
مروان انتبه لصوت حلم : هلا معاك معاك
حلم : اي واضح معي اللي ماخذ عقلك يتهنى فيه
مروان : ماعلينا تعالي نسولف
تسريع الاحداث
الساعه ٩ في الليل وقت العشاء على الطاولة
حليمة : ريم يمه ريم
ريم : هلا يمه
حلميه : حبيبتي البسي طرحتك وروحي نادي اخوك فهد ابيه
ريم :  حاضر يمه
طلعت تمشي لين الملحق شوي ويد تسحبها وتحاصرها على الجدار
ريم شقهت : يمهههه بسم الله
راكان : اهدي اهدي انا راكان
ريم حطت يدها على قلبها : بسم الله خرعتني
راكان : بسم الله عليك ي روح راكان
ريم ابتسمت : زين وش تبي
راكان : مشتاق لك
ريم : وانا بعد
راكان : طيب ابي اقابلك بالليل اليوم قبل نمشي
ريم: تمام بنفس المكان
راكان: اي
جات ريم بتمشي بس رجعها راكان له
ريم : وش بعد
راكان : ما نسيتي شئ
ريم ببلاهه: لا وش
راكان قرب منها وسحب شفايفها بين اسنانه وامتصها بكل حب ونهم لمده ٢دقيقتين
ريم وهي تلهث : ي مجنون وش تسوي انت
راكان وهو يلهث : ياخي اموت عليك اعشقك اهواك
ريم بحياء تضرب صده : خلاص راكان استحي
راكان يضمها لصدره: ي روح راكان انتي انتظري بس كم يوم واجي اخطبك من اهلك وتصرين حلالي ي قلبي انتي
ريم وقفت على اصابع رجلها وطبعت بوسه على خده وقربت من اذنه وبهمس يثير : احبك
بعدت عنها وطلعت تروح تنادي اخوها فهد لامها اما راكان ابتسمت على حركة ريم وراح الاسطبل عند عمه سعود ومروان . .
-
كيفكم مع القصه لحد الان ؟؟؟