သောင်းဆင့်အရင်လို လူဆိုးလူမိုက်မဟုတ်တော့ချေ။
ကိုကြီးဘွဲ့ဆူးကြောင့်လိမ်မာသွားသော ကလေးလေးဟု ခေါ်လည်းမမှား ။ ဆေးလိပ်၊အရက် အခုဆို မတို့အထိတော့သည်မို့ မဲသာမဲတာ မျက်နှာလေးက ကြည်ကြည်လေးနဲ့ ပိုပိုချောလာသည်။
အရက်မသောက်တော့ အာသာပြေအောင် ဆေးလိပ်လေးကတော့ သူအမြဲခဲထားမိ၏။
ဒါပေမဲ့ ရုပ်ခံက ကောင်းမွန်လှတော့ ဆေးလိပ်ခဲထားတာတောင် ချောလိုက်တာဟု သူတို့ရပ်ကွက်က အဖွားကြီးတွေက ပြော၏။
သူတော်တော်စိတ်ညစ်မိသည်။
ရောက်လာတာနဲ့ "ဘဲဘဲ ရေ ငါ့သမက်လေး"
စသည်ဖြင့် သူ့နာမည်အား အဆုံးမရှိခေါ်ဝေါ်တက်ကြသည်မို့ပင်။
သူတို့ရောက်ရှိနေသည်မှာ နှစ်လ ကျော်လောက်ပဲရှိသေးပေမဲ့
အတော်လေး ပိုပိုလျံလျံလည်းရှိ နေလေပြီ။
ကိုကြီးဘွဲ့ဆူးသည်သောင်းဆင့်အားချစ်ရှာသည်မို့
သူ့ရွှေဆိုင်လေး ကို သူ့နာမည်အဖျားဆွတ်ကာ သောင်း ရွှေဆိုင်ဟု မှတ်ခေါ်သည်။
ဒီတစ်ခါ" သောင်း"ကတော့ သူ့အဖေ ဦးဘောဂသောင်းနှင့် နည်းနည်းလေးမှမဆိုင်ပေ။
စချစ်တုန်းက သောင်းဆင့်ဆိုပေမဲ့
ပိုပြီးချစ်သွားမဲ့သူက ကိုကြီးဘွဲ့ဆူးသာ ။ အများရှေ့မှာ လူကြီးလူကောင်းဆန်စွာ တည်ကြည်သူဖြစ်ပေမဲ့ ကွယ်ရာမှာဆို မိမိအား
ဘဲဘဲလေး ဆိုတာတစ်မျိုး၊ ညီလေးသောင်းဆင့်
ဆိုတာ တစ်ဖုံ ချစ်စနိုးစနောက်တက်သူက ကိုကြီးဘွဲ့ဆူးဖြစ်၏။
ခုဆို ကိုကြီးဘွဲ့ဆူးက သောင်းဆင့်ကိုတော့ သည်းသည်းလှုပ် ချစ်မိနေပြီဖြစ်ပြီး သောင်းဆင့်ကတော့ မထင်မှတ်စွာ အချစ်ခံနေရလေသည်။
ဒါပေမဲ့ လူတွေအားလုံး သောင်းဆင့်လိုတော့ လိုက်မလုပ်သင့်ပေ။
လောကမှာ သည်းခံတက်သော ၊ ရိုးဖြောင့်တက်သောသူက ကိုကြီးဘွဲ့ဆူးတစ် ယောက်သာ ရှိပြီး ၊
ရုပ်ကြမ်းကြီးနှင့်မလိုက်ဖက်အောင် အမျိုးမျိုး
ချွဲပျစ်ဖလစ်တက်သော သူကလည်း ဟောဒီက
သောင်းဆင့်လေးသာ ရှိမည်။
ထို့ကြောင့် မည်သူမှ သောင်းဆင့် ကံကောင်းသလို ကံမကောင်းနိုင်ပေ။ ဘဝက ရုပ်ရှင်မဟုတ်သည်မို့
သောင်းဆင့်အားအတုမယူသင့်။
နောက်ပြီး ကိုကြီးဘွဲ့ဆူးသည် လူမူ့ဆက်ဆံရေး
မှာဆိုရင် တစ်ဦးတစ်ယောက်မှမယှဉ်ဝင့်အောင် သိပ်သိပ်တော်ပါ၏။
ဘွဲ့ရပညာတက်လေးဖြစ်တာတစ်ကြောင်းမို့ သောင်းဆင့်ထက်
အမျှော်အမြင်လည်း ကောင်းသူလေးဖြစ်သည်။
ယောကျာ်းယူတာမှန်ကန်ခဲ့တာမို့ သောင်းဆင့်က
ကိုကြီးဘွဲ့ဆူး ရှာကျွေးသမျှကို လိမ်လိမ်မာမာထိုင်စားရုံသာ။
