فاكد اخوو هيبت ابوو
وبساعه وحده ودعت عشرة عمر
ياحيرتي ياغربتي
الفاركله غالي كسرته ماتنجبر
من تشوف انسان محني ... ودمعتة بعينه نهر
كول اخوو مفكود منه ... وكسر من عنده الظهر
خله يبجي ولاتلومه ... لو يموت من القهر
يناس الراح من عنده اخيه
يضوك بروحته طعم المنيه
وحك عباس لمن راح عباس
انحنيت ومات كل الحيل بيه
افراك الكمر كسرت ظهر
واتبدت اسنيني وشفت نجم الظهر
فوكا طحت وشكد نحت
الفاركله غالي كسرته ماتنجبر
الفاكد اخوو هيبت ابوو
وبساعه وحده ودعت عشرة عمر
ياحيرتي ياغربتي
الفاركله غالي كسرته ماتنجبر
العنده اخو الوادم تهابه ... ومايمر صوبه الهوه
مثل عين وشوف جنه ... عمر كضيناه سوه
جنت اتباه بخيي ... عافني وكلبي انجوه
طحت محد لزم بالناس ايدي
صحت عباس وينك ياعضيدي
جنت بربع جهاتي واكف الكاك
عفتني بكربله ضايع واحيدي
صاح الكلب بعدك صعب
وموادع الخوه ... شعل روحي بجمر
يااباالفضل مال الحمل
الفاركله غالي كسرته ماتنجبر
فاكد اخوو هيبة ابوو
وبساعه وحده ودعت عشرة عمر
ياحيرتي ياغربتي
الفاركله غالي كسرته ماتنجبر
بعيني ضل خالي مجانه ... راح اخوي وتجوتي
المن احجي ويمن ابجي ... ومنهو يفهم دمعتي
اتخوصرت وايدي اعله ظهري ... والتفت ماهي اخوتي
مشه الماكالي لا كل حياته
يضؤي سنينه جان شحلاته
جفانه التارس الدنيه محنه
ابو الغيره يسمنه خواته
ليش الزمن ماخذ وطن
حارمني من كلمتة يخوي من الزغر
بعد الحسن حامي الضعن
الفاركله غالي كسرته ماتنجبر
فاكد اخوو هيبه ابوو
وابساعه وحده ودعت عشرة عمر
ياحيرتي ياغربتي
الفاركله غالي كسرته ماتنجبر
واكف اعله النهر يمه ... وشايل بجفي العلم
كتله انهض يابو فاضل ... بعدك اتطيح الخيم
خفت توكع عينه بيدي ... لو شلت منها السهم
الخيمنه ما ارد صاح بونينه
اعتذرلي كال من بنتك سكينه
بجه لزينب وطلعت روح عباس
ولطمت الوجه بيساره ويمينه
راسه انمرد صابه العمد
والمشرعه انترست ضوه بدم البدر
شكد حاولت اصبر كلت
الفاركله غالي كسرته ماتنجبر
فاكد اخو هيبت ابوو
وبساعه وحده ودعت عشرة عمر
ياحيرتي ياغربتي
الفاركله غالي كسرته ماتنجبر
ارجعت بس تعثر اجدامي ... وشفت زينب حايره
تكلي شوو رديت وحدك ... وينه سبع الكنطره
كلمتة العباس طايح ... بالمدامع تنقره
صحت يختي استعدي الضيم الايام
بعد بس ساعه صدري اترسه السهام
بعد ذبحي مخيمنه يحركوه
وعمت عيني وراج السبي للشام
بنت النبي بدرب السبي
ايشيب كلب زينب تره من اليسر
عكب الخدر ويه الشمر
الفاركله غالي كسرته ماتنجبر
فاكد اخو هيبة ابوو
وبساعه وحده ودعت عشرة عمر
ياحيرتي ياغربتي
الفاركله غالي كسرته ماتنجبر
