انا ام اليرفع الراس
كمر سميته عباس
نذرته بدمعة العين
عبد وبخدمة احسين
رضعته بحب علي وحب الزجيه
انه ام البنين التهمل العين
وبعباس ايدي فوك اليدين
صح انجرح كلبي وصابني البين
لجن فدوه انه وكل ولدي الحسين
دعيت الله برحمته ... اضل دوم بخدمته
وحقق منوتي بساع نطاني اربع اسباع
نفس شمرت علي حامي الحميه
انا ام اليرفع الراس كمر سميته عباس
نذرته بدمعة العين
عبد وبخدمة احسين
رضعته بحب علي وحب الزجيه
وصيت النشامه وكلبي ملهوف
كبل لايعتنون الكاع الطفوف
اريدنكم وذر والعالم ايشوف
ترسو الغاضريه عيون وجفوف
اريدن اربعتكم تموتون الختكم
ويجيني بدمكم جواب ... وفيتي وام الحجاب
تسلولف عنكم ارض الغاضريه
انا ام اليرفع الراس كمر سميته عباس
نذرته بدمعة العين
عبد وبخدمة احسين
رضعته بحب علي وحب الزجيه
تمنيت وردت بالغاضريه
لمن طلع ضعن الفاطميه
عندي ابنيه هم تطلع سبيه
وعليها يصير بالصار الرقيه
وردت بمتونها اجروح ... وكون تعرف للنوح
تساعد ام الخدور ... وتنعه الحزن عاشور
وتصير السند لسكينه ورقيه
انا ام اليرفع الراس كمر سميته عباس
نذرته بدمعة العين
عبد وبخدمة حسين
رضعته بحب علي وحب الزجيه
ينشدون الخلق والكلب ممرود
جود الماي اهم لو كدطع الزنود
اجاوبهم ورد وابكل الوجود
طيحة ابني ولا طيحة الجود
اهم شي عندي الماي ... يشربه حسين مولاي
دريت وليدي لهفان ... يموت وهوه عطشان
لعيون الحسين اصبح ضحيه
انا ام اليرفع الراس كمر سميته عباس
نذرته بدمعة العين
عبد وبخدمة حسين
رضعته بحب علي وحب الزجيه
شلت راسي وتباهيت بنصيبي
وانه الوفيت كل ولدي الحبيبي
لبو فاضل حجه كلبي بنحيبي
حلال اعليك يايمه حليبي
انه من الخدامه ... خذت هااي الكرامه
الحمدالله النعمته ... عله حسين وخدمته
انه ام عباس ايسموني الوفيه
