نار الجليد 🥵🥶 ( مكتمله ) ❤

الفصل الثالث

الفصل الثالث
&&&&&&&&&&&&&&&&&&&&&&&
استيقظت عشق لتري نفسها بحضن والدتها فهي معتادة عندما تحزن و تنام تأتي امها و تأخذها حضنها و تنام معها ، ابتسمت عشق بحب و قررت ان يكون كل هذا كان حلم لن تقول لهم عما حدث ابدا هم عائلتها الوحيده لن تخسرهم ابدا ...لاحظت بوجود شئ علي رأسها لتري انها كمدات لتسأل نفسها أكانت سخنه ؟! لتستيقظ والدتها
ناهد بحب : عامله ايه دلوقتي يا حبيبتي ؟
عشق بأبتسامه : الحمد لله انا تمام و زي الفل اهو ...هو ايه الي حصل اصلا انا كنت سخنه ؟
ناهد بحزن : اه يا حبيبتي جيتي من برة تعبانه جيت ادخل اشوف مالك لقيتك بترتعشي و سخنه خالص
امسكت عشق بيد امها و قبلتها بحب لتقول
: متقلقيش يا حبيبتي انا كويسه اهو
ناهد براحه : طب الحمد لله انا هقوم اعمل الاكل
عشق : ماشي يلا نقوم
ناهد : انا بقول انا هقوم انتي مالك انتي خليكي ريحي و هعملك احلي فراخ مسلوقه تستاهل بوقك و شويه شربه كدة تغسل المعدة
و قبلت رأسها و ذهبت تحضر الطعام فابتسمت عشق بعشق لاهلها لتري كريم يدق الباب ليدخل و هو مبتسم
كريم بأبتسامه : توأم روحي مالها ؟
جلس كريم و اخذها بحضنه لتقول بعد

عشق بخوف احكمت يديها بضمه
عشق : كريم انا بحبك اوي انت مش بس اخويا الكبير لا انت اخويا و ابويا التاني و حبي الاولاني و حاجات كتير اوي
عشق بحب : انا بحبكوا اوي يا كريم و اتأكد اني عمري ما هستغني عنكوا ابدا
و احكمت يديها بضمه ليقول كريم بحكمه
كريم : تعرفي يا عشق ...الحياة دي عامله زي اللوحه بتبدأء بفكرة مجهوله زي الطفل لما ينزل من بطن امه بعدين بييدأ الطفل في رسم اللوحه و يحاول انو يخطط و يرسم طول مت هو بيكبر بس بيتفجأء ان بالغلط حصل خدش في اللوحه و مهما حاول يمسح الخدش ده مش بيعرف بعد ما بيخلص اللوحه بيلاقي خدوش كتير اوي في منها الي باين اوي و مشوه اللوحه و في منها الي مش باين بس في النهايه اللوحه بتطلع مشوهه ...
عشق بأبتسامه : و ايه الحل يا سيدنا الفنان
امسك كريم بذقنها ليقول : الحل انو يلون اللوحه ... حياتنا مش بتمشي بالابيض و الاسود حياتنا لازم تمشي بالالوان يا عشق لازم يكون في اللون الاسود و الابيض و الاحمر و الاخضر و كل الالوان علشان نشوف الدنيا صح ..... او بمعني تاني حعلشان تداري الخدوش الي جوانا لازم نلون الخدوش دي و ننساها و إلا لما هنبص في رسمتنا هنلقيها موشوهه ....فهمتي يا عشق
عشق بأبتسامه : فهمت يا روح عشق
كريم : اي كان قابلتي مين و قالك ايه تعالي في حضني و انا هداريكي ...انا اخوكي يا عشق يا اتمنالك سعادة الدنيا كلها
عشق بحب : عارفه يا حبيبي عارفه وعد هقولك كل حاجه بعدين مش دلوقتي
كريم : طيب و مش هسأل كمان علي الشغل علشان انتي ملحقتيش اصلا تروحي تشتغلي و تيجي ... ما علينا انتي جعانه ؟
عشق بجوع : اه جدا
ليقوم كريم بسرعه و يقول بصوت عالي
: هنقي الحته الكبيرة
عشق بسرعه و صوت عالي جدا : ولا ولا صدقني اغزك مش هيهمني اخويا و اهلي اصلا ولاااااا
خرجا من الغرفه ليراهم هادي و هو ممسك بالجرنال ليقول بضحك : انت ياض انت و هي مش هتبطلو شغل العيال دة بقي 
ناهد بضحك : ميكنوش عشق و كريم و هادي
عشق بضحك هي الاخري : بالظبط منكونش اخوات لا 😂
هادي بحنان : عصفورتي الغاليه عامله دلوقتي
عشق بحب : زي الفل يا سيد الكل
هادي : طب البوسه بتاعت بابا
ذهبت عشق لابيها و قبلته و ظلوا يضحكو و هم سعداء
&&&&&&&&&&&&&&&&&&&&&&&
و بعد يومين في منزل عائله الديكتاتور
&&&&&&&&&&&&&&&&&&&&&&&
كانت تجلس علي كرسيها الهزاز مغمضه اعينها فقط تاركه دموعها تسيل ليأتي ادم عشقها و حبيبها ليراها هكذا و يركض عليها
ادم بخضه : مالك يا حبيبتي يتبكي ليه بس ؟
بسمه بقلب مكسور : عايزني اعمل ايه ( و اكملت بتشنج ) ازاي ازاي بنتي تروح لحضن تاني غيري ازاي قولي ازاي يا ادم انا غيرانه و قلبي في نار قايدة ازاي بنتي بعيدة عني
اخذها ادم لحضنه برقه شديدة : اهدي يا حبيبتي علشان خاطري اهدي التشنج دة مش حلو يا حبيبتي اهدي بس
جاء نافع و معه اشرقت لتقول اشرقت بخضه : يالهوي مالك يا بسمه يا حبيبتي فيكي ايه
بسمه بتشنج اكبر : بنتي ...بنتي يا ناس بعيده عني و انتو بتسألوني زعلانه ليه بنتي طلعت عايشه و كرهاني و بتسألوني بردو ليه بنتي يا اشرقت في حضن امها التانيه مش في حضني ايه ليه يا ادم قولولي ليه
و ظلت تبكي ، و كرمن سمعت الحوار و هي منذ ذالك الحين و هي تتعامل ببرود مع الجميع لتنزل ببرود ايضا و تجلس علي مقعد و بيدها الهاتف و نور و انور جائوا ايضا ليفهموا ماذا حدث ، وسط بكاء بسمه و تهدأه اشرقت و ادم لها ظلت كرمن تضحك علي الموبيل ليقول انور بغيرة
انور بغيرة : سايبه امك عماله تعيط و انتي بتضحكي علي المخروب دة !
كرمن : اولا براحتي ثانيا بكلم حد مهم
نظر لها نظرة ناريه ضحكت سرا عليه فهي تعلم انه يشتعل نار و جائت لتفتح ( فويس ) علي الواتس اب لعشق فكان الصوت علي اعلي درجه حاولت خفض الصوت لتسمعه وحدها انتبهت بسمه لتقول بسرعه : دة صوت عشق علي الصوت يا كرمن علشان خاطري يا بنتي خليني اسمع صوتها حتي
اضطرت كرمن ان ترفع الصوت لتسمع عشق و هي تقول
عشق : عايزاني احكيلك مواقف من حياتي لا بصي هي مواقف حياتي كتير اوي لدرجه انها متتعدش هههههه احكيلك علي ايه ولا ايه علي ضربي للعيال في الحضانه و علي تنمري عليهم في ابتدائي ولا عن سهري و خروجاتي في اعدادي و ثانوي هههههه ...( ثم صمتت قليلا لتقول بعد تنهيدة ) كدب يا بنتي كل ده كدب انا الي كنت بنضرب انا الي كانوا بيتنمرو عليا انا الي كانوا بيحكولها عن احبابهم في اعدادي و ثانوي .... كنت محتارة وقتها اعمل زيهم ولا ابعد عنهم ...اخترت الحل التاني اني ابعد عن الكل و اختفي بأهلي ...مكنش ليا اصحاب ابدا معملتش صحاب غير في تلته ثانوي اتعرفت علي بنتين كان حلمهم يكونوا دكاترة و اهم بقوا اجمل دكاترة و بيعالجوا فيا ليل و نهار 😂😂 بس هي دي حياتي بأختصار

ادمعت عيونها و ابتسمت بسمه بحزن علي ابنتها ليقول نور
نور : انا ماشي انا بقي علشان ورايا شغل
ادم بصرامه : لا مفيش شغل انهاردة لاي حد ..... انهاردة هنروح بيت .....عشق
لتنظر بسمه لادم بغير تصديق ليقول
ادم بتحدي : هجبهالك صدقيني هجبهالك حتي لو هجبها بالعافيه
نور : طب هو انا لازم اجي ؟
نافع : اه لازم طبعا انت ابن عمها
( كرمن في خاطرها انا قلبي شاكك فيكوا بامانه )
&&&&&&&&&&&&&&&&&&&&&&&&
في بيت عشق
$$$$$$$$$$
ناهد بتصحي عشق
ناهد : عشق يا بنتي قومي تعبتي قلبي معاكي
عشق بنوم : نعم يا ماما الكوكب انهار البيت ولع و حصل زلزال يوقع البيت اصل اي حاجه غير دول متصحنيش
ناهد : اصحي يا بت الساعه بقت ٣ العصر و بعدين يلا انا عملت الاكل
فتحت عين واحدة لتقول
عشق : عامله اكل ايه ؟
ناهد : مكرونه بشمل و فراخ مشويه بطرقتي
عشق بهمس : ربنا يستر
ناهد : بتقولي حاجه يا لولو
عشق : لا طبعا و انا اقدر دا انتي الخير و البركة يلا يا ماما انا جايه وراكي اهو
خرجت ناهد حاولت عشق النوم دخلت ناهد
ناهد : و الله هحدفك بالشبشب قومي يا بت
عشق بعبوس : حاضر حاضر

جالسين عىي المائدة يأكلون ليقول الاب بمرح لابنته
هادي : سهرتي علي ايه امبارح يا قمر انتي
عشق بمكر : سهرت مع حد قمر اوي
ناهد بزهول : سهرتي مع واحد دا انا قولت تلقيها سهرت علي روايتها
عشق : لا ما خلاص بقي انا تخطيت مرحله الروايات دلوقتي انا في مرحله تطبيقها هههههه

لينزل كف خفيف علي رقبتها
كريم : اولا بتاكلوا من غيري ثانيا واحد مين الي بتسهري معاه
هادي بضحك : ما براحه انتوا لقيتوها مشقوطه في ايه البت بتهزر معاكوا كانت بتتكلم مع اصحابها و سهروا يرغوا
عشق : فاكرين البنت الي قولتلكوا انها شبهي اوي اوي اهي دي بقت صحبتي الروح بالروح بس كده

ووسط اكلهم دق الباب
ناهد : قوم يا كريم افتح الباب
كريم : قومي يا اوزعه افتحي الباب
هادي : اخلصوا انتوا الاتنين
عشق : انا اوزعه يا طويل يا اهبل
قامت عشق بسرعه و هي تضحك لتفتح الباب لتظهر الصدمه علي وجهها .... صدما كبيرة
لتقول بهمس : ايه الي جابكوا ؟!
ناهد بصوت عالي : مين يا عشق
عشق بتوتر : دا دا اه دول اهل صحبتي يا ماما اتفضلوا اتفضلوا
دخل الجميع و امتلأ البيت
ناهد بترحيب : يا اهلا يا اهلا اتفضلوا اتفضلوا نورتوا مكنش ليه لزوم التعب ده كله بالمانه
( كانوا جابين علب جاتوه و فراخ )
نافع : ولا تعب ولا حاجه يا مدام
هادي : منورين والله عشق حاكتلي انها بتحب كرمن اوي و انها بتعزها زي اختها و بصراحه ليها حق دول ميتفرقوش عن بعض
جلست كرمن بجانب عشق ليقولوا بهمس
عشق بهمس : ايه الي جابهم ؟
كرمن بهمس : معرفش لقيتهم مره واحده كده بيقولو احنا هنروح لعشق
كرمن و عشق في ان واحد بنمس : بس انا قلبي مش مطمن
لينظروا لبعضهم بريبه لتقول عشق : ربنا يستر
كرمن : يا رب
ادم : بص بقي يا عم هادي كرمن و عشق متعلقين اوي ببعض فا ايه رأيك نروح كلنا كده اسبوع في الساحل

و بعد مقاحات كثيرة مع رفض هادي و تصميم ادم و نافع وافق هادي في النهايه و اتفقوا علي الذهاب بعد يومين
&&&&&&&&&&&&&&&&&&&&&

نسيتي تدوسي علي القلب صح دوسي علي القلب لو سمحتي 🙂😂🙈🙈❤❤❤