لإني عاقر

البارت الثامن والأربعون

مدري شمات بية وگمت ما أشتاك
عمر تانيتك ومليتك بسرعة
من شفت على عينك لون غير عيوني
غسلت جفوني منك بثنعش دمعة..

_لأني عاقر
_البارت الثامن والأربعون
_مريم الخفاجي

صوتوا للبارت+تعليق بين الفقرات+متابعة
لحسابي _mariam_alkhafaji_ لُطفاً..

قَربنا نصل الى المحطة الأخيرة...

ـــــــــــــــــــــــــــــــــــــــــــ

...

فتحت عيوني ؏ وسعهن
بصدمة:-جذابة؟؟

رغد:-والله

حجتها ودموعها بعينها:-مادري هو گال
اقاربكم ماعرف ابوج

رغد:-وغيث شلون؟ يربي خاف يتعارك ويا اذا
شافه يتخبل صارله كم يوم يحوم ؏ بيوت واحنه
منبهين اهل المنطقة كلها تعرف بالسالفه محد
ينطي العنوان حتى اجاني وديتله ميار ميعرفها
شوداك لهنا يالله

ملاك:-سلمتي علي؟

باوعتلي بعيون مدمعة:-اي وحضني وباسني بكصتي

ملاك:-بلكي ميتعارك وياه

رغد:-لتكليله لغيث ولا تخابري من يجي نكله ؏ كيفنه

ملاك:-ماشي

عافتني وخلتني بحيرتي شجابه ابوه؟
وشراح يصير؟
وشنو ردات الفعل بينهم؟
ردة فعل غيث شلون راح تكون؟
بس الله اليعلم

لـ2 واني گاعدة على نار شيجيبة
سويت الغدة وماعرف شسويت اصلا وادري
مراح ياكل لذلك سويت شي قليل

انفتح الباب ودخل سيارته
گمت وگفت باوعتله من الشباك
اجه عادي مبين ميعرف فتحت باب المطبخ

وهو
مدنك ينزع حذائه رفع راسه وابتسم وضيك عيونه:-ها مليكة

ملاك:-هلو

كام ونكث روحه:-بعدهن الفيوزات طاگة

ضيگت عيوني:-لا بالله

غيث:-ادبسزية

ملاك:-ادخل ادخل

دخل وهو يباوعلي بشك لزم
فجي ودار وجهي اله:-شبيج؟ اكو شي؟

ملاك:-لا ماكو

غيث:-عليمن تضحكين؟

ملاك:-غيث

غيث:-احجي يابة شكو

بعدني اريد
اگلة دخلت رغد مرتبكة:-سلام عليكم

باوعلي ورد السلام
ورجع باوعلها:-بيجن شي واحد مات؟ عبودي وينه؟

رغد:-غيث ابوية هنا

حجتها بسرعة وبدون ماتباوعلة
لزمت ايدة الرجفت بساع عكد حاجبه وكال:-شنو؟؟

رغد:-من الصبح هنا