..
فركت عيوني وكمت من فراشي لميته ولكيت امي وخاله يسره ماكو بفراشهن عرفت كاعدات وساره بعدهي نايمه يمي طلعت للاستقبال بعدهم نايمين بس آثام گاعد ويباوع لجراح النايم نضراته تقلق متعاركين؟ صبحت عليه ورحت للمطبخ لكيتهن كاعدات وينضفن خضره من الصبح
امنية: صباح الخير
ردن عليه وكلت لماما
امنية: متريكات لو بعدجن
يسره: تريكنه يمه تريكي انتي
تذكرت آثام كاعد
امنية: وآثام تريك لولا
سهى: لا يمه نايم
امنية: لا شفته كاعد راح اسويله وياي هوه وساره راح اكعدها
سهى: لايمه عوفيها خطيه
يسره: لا كعديها احسن خاله
هزيت راسي وحطيت القوري ع النار ورحت لساره ندستها تدفع بيه ولفت روحها بالغطى
ساره: خرب وخرري عني نعسانه
امنية: ولج كعدي خل نتريك استحي اتريك وحدي وي اخوج
جريت الغطى عنها وكعدت راح تغسل واني رجعت للمطبخ تذكرت النايمين كلت اسوي ريوك لكلياتنه واكعدهم وعود بابا وخالو بعدين نريكهم طلعت للاستقبال وگلت لآثام يكعدهم وياي ضحك وضل يرفس بيهم
امنية: صوفي اكعد صووفي
حك شعره وعقج حواجبه
مصطفى: خايبه وخري
لف روحه ونام تعبت منه ورحت لجراح ونفس الشي مايرضون جراح باسني بخدي ورجع نام ههههههه يتلوگ بس آجام كعد وآدم مايكعد وآثام يرفس بي شفته حط حلكه يم اذن آدم وعاط
آثام: لا يمه لاا لاتضربينه راح يگعد لااا
شو هذا طفر شرد بره واني وآجام نضحك عليهم اجه آدم وضرب آثام على علباته
جبت الريوك ولتمنيه كلنه كعدنه مسوين دائرة ع الصينيه اني بين جراح ومصطفى وساره بين آثام وآدم وهوه يجيب ويحط گدام ساره
باوعت لجراح ورفعت حاجبي فهم شريد تحمحم وضل يوگلني واني اباوع لساره بأنتصار وهيه ابتسمت بخبث ووكلت آدم وباسته
كلنه استحينه ماتحملت تتحداني واني ساكته سويت لگمه وحطيتها بحلگ مصطفى وبسته بخده هوه انصدم وكلهم يضحكون واني متت بدمي كله من وره ساره الجلبه
جراح: احم اي بس مصطفى اخوها ماعدها بعد
آجام: اسكت يمعود اسكت احنه النه بس الله
ضحكت بگلبي عليهم وكلتهم ثنينهم وآثام ساكت ماله حس يسوي نفسه مامهتم جراح سوه لفه وحطها بحلك آثام
