#جـحـيم_الـحـب🔥❤️
الـبارت الـتالـث(3)❤️🦋
بقلم خديجة رمضان(دوجي رمضان)🦋❤️
______________________________________________
جـــحـــيــم الـــحـــب🔥❤️
______________________________________________
خلود طلعت في الجنان تتكلم في التلفون كملت المكالمة شافت مرجيحة❤️
قعمزت عليها وبدت تتمرجح بيها بهدوء؛
فجأة حست بحد يدف بيها من الخلف ابتسمت لما رجعت بيها الذكريات لزمن مش بعيد✨
خلود مقعمزة ع درجيحة واصيل يدف بيها❤️
خلود تضحك ... بشوية
اصيل يدف بالقوة ... ههه لا ياخوافة
خلود ... والنبي خلاص اصيل والنبي. دمعوا عيونها
اصيل وقف بسررعة وشد يديها ... تبكي نبصر عليك ياخوافة
خلود حضناته وضحكت❤️
اصيل ... زابطة دموعك نقطة ضعفي تعذبي فيا ليش؟
خلود شبحتله وهيا في حضنه ... نـحـبـك❤️
اصيل ابتسم❤️
✨✨✨✨✨✨✨✨
أوس وقف الدرجيحة وباسها ع خدها؛
خلود نخلعت نقزت دفاته ... وين تحساب روحك معاش تقربنييي
أوس نخلع ... مش توا كنتي تضحكي وجوك مليح
خلود ... قليل الأدب نضحك ع قهرتك . مشت وخلاته وهيا مصدومة ف كمية الوقاحة الي عنده؟
................................
وتين واخده تركينة وتتفرج من بعيد بهزوة؟
فاطمة ... قالو حنين وخوها قاعدين في حوش عبد الغني
صبرية ... اي سمعت قالوا مشي جابهم عبد الغني واصلآ عنده الحق لاش قاعدين غادي هني عيلتهم وعماتهم
فاطمة ... اي والله
وتين ... حنين؟
فاطمة ... باهي لي سمعنا صوتك . اي
وتين ... مابعدها كان قعدت عند خوالها مش خيرلها
فاطمة ... شنو قصدك أنتي ي حربة؟
وتين ... لا سلامتك
فراس خش ... السلام عليكم
فاطمة & صبرية ... وعليكم السلام
فاطمة ... اهلا بولدي العريس
وتين ...😒😒
فراس أبتسم وباس راسها ... كيف حالك حناي
فاطمة ... الحمدلله ناقصة شوفتك بس وين معاش تسأل عليا
فراس سلم ع صبرية وقعمز جنب حناه ... والله خدمة ما ملحق حتى نحك رأسي
فاطمة ... ربي يعاونك . نوضي يابنت جيبي طاسة شاهي لراجلك
وتين ... به😒😒. وخشت الكوجينة
أما فراس أبتسم عجباته كلمة راجلك🔥
وتين واقفة في الكوجينة تسخن في الشاهي ... أني ينوضوني ع خاطره تو تشوف شن ندير . حطت كشيك ملح في الشاهي ورفعت السفرة؛
وتين طبست عليه شبحت لِ عيونه وابتسمت ... تفضل😌
فراس ماركزش خدي الطاسة وقعد يهدرز هوا وحناه وهيا تستنا فيه يشرب من الشاهي🔥
..............................
زياد واقف بعيد يتكلم بالتلفون ... ها أوس وين انت؟
أوس ... في الحوش وين بنكون يعني؟
زياد ... تمام أني نص ساعة ومروح معاي حنين وحمزة
أوس ... اوكك جيب معاك كرت 35 نعطيك في الحوش
زياد ... تعطيني حق ع أساس عندك يعني المهم تو نجيب هي سلام
اوس ضحك وفصل الخط؛
حنين مقعمزة ع الطاولة هيا وحمزة؛
حنين ... هاا خيرك
سعيد ... خيرك تتكلمي هكي
حنين ... سعيد اختصر شن فيه؟
سعيد ... علاش ماشية أنتي وياه للمطعم؟
حنين ... تراقب فيا؟
سعيد ... نحبك حنين افهميي الزح قداش بنقعد ندوي أني نغاار عليك من كل شي
حنين سكتت
سعيد ... حنين؟
حنين ... سلام
سعيد ... نحبك
حنين فصلت ألخط وحطت إيديها ع وجها بتعب؛
زياد مبتسم ... عطلت عليكم
حنين أبتسمت ... لالا
زياد خدي ورقة اكلات المطعم ... هيا دورو شن تطلبوا
حنين ... اي حاجة المهم حاجة لحم لا
زياد ... مية مية وإنت؟
حمزة ... نبي برقر
زياد ضحك ... احلا برقر في المطعم ليك . شير لِ القرسون جاهم
القرسون ... كيف نقدر نساعدك؟
زياد ... زوز فطائر دجاج وبرقر
القرسون ... تمام . ومشي
زياد شبح سعيد جاي من بعيد عقد حواجبه وشبحلي؛
حنين شبحتله بمعنى شني؟
زياد ... من الي قاله حني في المطعم
حنين ... من هوا؟
زياد ... يلي وراك😒!
حنين تلفتت ونصدمت لما شفاته؛
سعيد مبتسم سلم عليهم كلهم ... اهلا اهلا كيف الحال
حنين تشوفله بصدمة؛
زياد ... تمام مليح كيف عرفت احني في المطعم
سعيد ... بصدفة عندي صاحبي جاي هوا وعيلته شفتكم
زياد ... به كويس
سعيد ... كيف حال القراية حنين
حنين ... ماشية
سعيد ... كويس كان مافهمتيش حاجة كلميني نشرحلك
حنين ... انشالله
زياد ... علاش أنت من شن متخرج
سعيد ... دكتور أسنان
زياد ... امم مشالله كويس
سعيد ... هيا أني بنمشي دوريني حنين بعدين
حنين تشوفله وساكتة؛
سعيد مشي؛
زياد ... شكله عنده بيك هلبا
حنين ... عادي يعني ماهو فترة السنتين لي قعدنا فيهم اكيدة بيتعود علينا
زياد ... به حلوو
حنين حست بأسلوبه اتغير بس فضلت السكوت؛
أنت تقرأ
جحيم الحب (روايات ليبية)
Romanceجحيم الحب رابع رواية ليا بعد قوانين جمعتنا وطفلة بائسة وتعيسة الحظ♥️. مكتملة وماتنسوش المتابعة♥️. لا أسمح بسرقة احداث رواياتي ولا اسمائهم!.🚫
