39

2.4K 465 64
                                    

[Unicode]

'သုံးရက်'

တစ်ဖက်မှ ပြန်ပြောလာတာ ဘာပဲဖြစ်နေပါစေ ဝမ်ချောင် နားမထောင်ဘဲ ဖုန်းချကာ စားပွဲပေါ်သို့ ပြန်ပစ်တင်ပြီး ထိုအူကြောင်ကြားပုံစံအတိုင်း ဆက်လှဲနေတော့သည်။ မခြောက်သေးတဲ့မျက်ရည်၊ ဖူးယောင်နေတဲ့မျက်ဝန်းများဖြင့် သူ ရှဲ့ကျူရှင်းကို လှည့်ကြည့်ပြီး မောက်မာခြင်းအပြည့်နှင့်ပြောချလာသည်။ "ကြားတယ်မလား။ မင်းကသာ လောင်ဇီကို ပေးမလုပ်တာ။ ဒီလောင်ဇီလုပ်တာကို ခံချင်တဲ့လူတွေများ တန်းစီပြီးတောင် စောင့်နေရတယ်။"

သူ သူ့အစ်ကိုကို တကယ် ဖုန်းလှမ်းခေါ်ပြီး တိုင်တာဖြစ်ဖြစ်၊ ဒါမှမဟုတ် ကောင်မလေးတစ်ယောက်ကို လှမ်းခေါ်လိုက်တာပဲဖြစ်ဖြစ်လုပ်လိုက်ရင်တောင် ရှဲ့ကျူရှင်း ဒီလောက် ဒေါသထွက်မှာ မဟုတ်။ အခုတော့ သူက ရှဲ့ကျူရှင်း သဘောမတွေ့ဆုံးလူကို ခေါ်ချလိုက်လေသည်။

ရှဲ့ကျူရှင်း ရုတ်တရက်ဒေါသထွက်သွားပြီး မျက်မှောင်ကြုတ်လျက်မေးတော့သည်။ "မင်း အဲ့ကျုံးမျိုးရိုး မရှိဘဲ မနေနိုင်ဘူးလား။"

ဝမ်ချောင် ခေါင်းမာမာနှင့်ပြန်ပြောသည်။ "သူက စကားလည်းနားထောင်တယ်၊ အိပ်ရာပေါ်လည်းကောင်းတယ်။ ငါ သူ မရှိဘဲကို မနေနိုင်တော့ဘူး။ ဘာဖြစ်ချင်လဲ!"

ရှဲ့ကျူရှင်း လွန်ခဲ့တဲ့တစ်မိနစ်အထိ နွေးထွေးလို့နေပေမယ့် တစ်ဖက်လူရဲ့စကားအဆုံးမှာတော့ မျက်နှာအမူအရာပါ ချက်ချင်းပြောင်းလဲသွားတော့သည်။ သူ အရင်က ဒီလိုအကြောင်းတွေ တစ်ခါမှ မတွေးဖူးသလို အတွေ့အကြုံလည်း သိပ်မရှိတာမို့ ကောင်းအောင်လုပ်ပေးနိုင်မည့်အစား စကေးတောင် သိပ်မရှိလှမှန်း သူ့ကိုယ်သူလည်း သိထားသည်။ ပြဿနာက သူတို့အတူအိပ်ပြီး ခဏမကြာသေးခင်မှာပဲ ဒီအရူးကောင်က အခြားလူတစ်ယောက်ကို ဖုန်းခေါ်၍ ထိုလူက 'အိပ်ရာပေါ်မှာကောင်းတယ်' ဟုပါ ချီးကျူးလာသေးသည်။ ဘယ်သူကများ ဒီလိုကိစ္စမျိုးကို သည်းခံနိုင်မှာတဲ့လဲ။

ရှဲ့ကျူရှင်း ထထိုင်ကာ အိပ်ရာထဲမှထွက်၍ စကားအပိုတစ်ခွန်းမှ မပြောတော့ဘဲ အင်္ကျီပြန်ဝတ်တော့သည်။

Bi De • Pan Yu Xin De Rui la ||Myanmar Translation|| Where stories live. Discover now