لـــبوة جــــابـــر⁦☆⁩⁦☆⁩⁦⁦☆⁩

البارت الخامس عشر 15

كَم شارِعاً سَأخيطهُ بطرِّيقي حَتىٰ أصلَ إليكِ ؟
كَم شارِعاً سأعبرهُ بِلهفَةٍ حَتىٰ أميلَ برأسِي عليكِ ؟.

~.~.~.~.~.~.~.~.~.~.~.~.~.~.~.~.~.~.~.~.~.~.

# روايه لبوة جابر ..
# بقلم مـــــــــلاك ..
#🐆🖤🚬..

⸙⸙⸙⸙⸙⸙⸙⸙⸙⸙⸙⸙⸙⸙⸙⸙⸙⸙⸙⸙⸙⸙⸙⸙⸙⸙⸙⸙

لبنى .. ..

بعد الغده .. امي و تفاح راحو نامو غفوت الضهريه .. اني منمت .. گعدت  ارسم .. رجعت. حجيت ويه البنات و

سويت اتصال جماعي .. و حجيت الهم انو ديون علينه
طبعاً اخذت نصائح منهم و ردت شغل مناسب اليه

شينصحوني .. وحده گلتلي خياطه وحده مندوبه مبيعات و گالت الشغل بس على التلفون. و اريح الج .. و

قترحو هواي شغلات بس ايناس ساكته سألتها شبيها و گالت اذا هيج مضايقه اداينج .. بس گلت الها لا ما اريد

دين عندي الراتب بس اريد اساعد امي بدون علمها ..  هي هزت راسها .. و سكتت .. رجعنه نحجي عادي ..  و

نسولف سوالف بنات ..  جبناها على الولد الي غمز لايناس و صخمت عيشته .. .. و حجيت الهم انو ايناس

تگوله ما عندك اخون و البنات فحطو ضحك على ايناس و اخبالها  و ضلو يضحكون و ايناس تحجي الها هو

ميستحي شكو يصجم بيه .. و احلام تگول الها عاجبته انتي جنج فحل .. و ريام بس تضحك  و ريم تگول

لاحلام ديري بالج لا تحطج و تنكحج قبل رجلج و احلام تف برة و بعيد تعيط .. و گلبنها ضحك و ايناس اترزل بيها

و تتهدد عليهم من ورة التلفون ...  رجع. استلموني تصنيف على شعري و الطاگ و گلت الهم سوالف تفاحه ما

اگدر اكسر بيها .. و هم گالو بس لايگلج .. اله ايناس الي تگول طالعه جنج خبله و الله ماخذ عقلها منو ضل بهل

عمر يسوي ضفاير اثنين .. ريم ضحكت و گالت الها بيبي
و بقينه نحجي ازيد من ساعه و نص و احنه نسولف

عبالك ممشاوفات النه سنه مدري مين نطلع هل حجي كله ..  جاي احجي وياهم و  حسيت على الباب ندگت

ترخصت منهم و دعتهم .. و سديت التلفون ..  رحت على الباب و جانت امي .. سألتها اذا تريد شي و گالت اليه

رحمه / اذن العصر راح اصلي و اروح على ام جهاد

لبنى / خير  شكو

رحمه / ليوم يجيبون ابنها من المستشفى اروح انطيها فضل و اجي ..

لبنى / همم بيها الخير ..

رحمه / ديري بالج على اختج عود ضلت نايمه ما صخيت اگعدها .. عود شويه و گعديها ..

لبنى / ماشي ..