ع اذان المغرب
( وفقهم الله وتزوجو ناصر وساره )
( دخلو اهل الناصر البيت ، وحصلو فوضى والضيوف شوي ويجونهم )
رسيل بتعجب : معقوله ناصر تارك البيت وصخ كذا
حنان : الله يعين الي بتاخذه
ام ناصر: نزلن الاغراض ونظفن البيت ماعندنا وقت اخلصن بيجن الحريم
/
/
/
( صاحبة ساره ريم ، اتصلت ع عزوز تسأله عن ساره وين اختفت ولا لها حس )
(عزوز منسدح يناظر السقف وهو يفكر ب ساره ، رن جواله من ريم )
: عزوز اخبارك
عزوز : بخير شبغيتي
ريم: بسألك عن ساره اخر مره قالت بتتزوجها ولا عاد سمعت عنها شي
عزوز وهو يحس بيخية امل داخله : اخذها النصيب مني و حظه ي الي خذاها ، ريم انا شخص غبي بعتها عشان سمعتها الوصخه
ريم مستغربه : وش السالفه وش ذا الكلام شلون بعتها !
عزوز : جتني تبغى الزواج ورفضتها والحين خذها النصيب
ريم : مافهمت ساره وينها الحين !عبدالعزيز :
جاها نصيبها وخذلتني دنياي
خذاها ولد عمي وانا الي ابيهاغابت وهي تتطلبني على وعدي
يوم اني وعدتها ماخذ غيرهاياريم تركتها عشان سُمعتها و مادريت بيخذها ولد عمي انا ندمان وياليتني مت ولا سمعته منه جاني شعور غريب ،انا بقفل عن اذنك م اعرف عن ساره شي
( من يوم سمع ان ناصر خذاها تالي تحسف ع فعايله ، الله يهديك وش يفيد التحسف الحين يعزوز كل الي فيك ، شوفة نفس ، وتبي وحده من مقامك ، هيا خذلك )
/
/
/
( في سيارة ناصر )(ساره متوتره حيل ، وناصر ولا همه )
ناصر باسلوب وقح : اسمعي م راح المسك واقربك كلها مسألة وقت واطلقك
ساره وهي متنرفزه من اسلوبه: لا تحسبني ميته عليك اخذتك عشان تنحل الامور مو حباً فيك
ناصر بخاطره( يلا خذلك طولة لسان ) : لا يكثر الهرج ، اما بنسبه لاهلي بندخل عليهم الحين واقول اني تزوجتك ، ومضطر نتشارك الغرفه ، قدامهم فقط
ساره : تمام ، بس اخاف ابوي.. ( كل م تجيب طاريه نزلت دمعتها ولا تبغى تبكي قدام ناصر )ناصر: لا تكملين ولا تخافين محد يلمسك وانا موجود وبعدين انا زوجك م راح يفتح فمه بحرف وصح، ذا جوال جديد خذيه وسجلي رقمي فيه ، بس رقمي انا
(ساره لما شافته انقلبت نفسيتها وفرحت كثير اول مره ايفون جديد واخر مانزل )
ساره نظرات الفرح : الله يسعدك ناصر وربي فرحتني كثير
(ناصر ويناظر فيها ابتسم لا شعورياً )
( وقف ناصر سيارته وفتح باب البيت ودخل وهو ماسك يدها بقوه ، وساره قلبها ينبض بخوف )
( رسيل ، حنان ، ام ناصر ، بغرفة الحريم يقهوو الي بيخطبو البنت لناصر ، دحل ناصر وصوّت يأهل البيت)
طلعت رسيل : لحظه ناصر فيه حري.. (م كملت كلامها لما شافت البنت الي معه وهو ماسك يدها وهي تناظر بالارض ) بصوت عالي : ذي مين ناصر
ام ناصر شفيه رسيل : ناصر هلا ومرحبا ( ناظرت بساره منصدمه شافته ماسك يدها )
:عسى خير يمه ذي منهي
ناصر : يمه ذي زوجتي
(انصدمت ام ناصر وعطته كف ع خده لا شعورياً ، لدرجه صوت الكف يسمعه الي وين )
ام ناصر منصدمه :اعرف وش جالس تقول ووازن هرجتك وذي مين الموضوع مابه مزح !
رسيل تناظر فيها فوق تحت : مالقيت الا بنت الشوارع متناسب مجتمعنا
( ساره ناظرت فيها نظره "نعم" بس سكتت واستحت من ناصر وضغطت ع يده بقوه )
ناصر: بكيفكم يعجبكم كلامي او لا بس هي زوجتي والي يتعدى حدوده معها مايلوم الا نفسه ، اخذتها ع سنة الله ورسوله ، اما عن الوالده مسموحه ، اما رسيل ، كرريها وشوفي وش بيصيرلك والحين مصدع عن اذنكم
ام ناصر وهي منصدمه من تصرفه : روح بلي مايحفظك شيبت راسي حسبي عليك من ولد حسبي عليهن لعبن بعقلهحنان : امشي يمه لا تطيحين وانا بقهوي الحريم واتكلم معهم
ام ناصر وهي تبكي من القهر : طاح وجهي وطاح وجهي لعبو فيه حسبي عليها(رسيل واضح عليها علامة الحقد وتشوف ان ساره ماهي من مجتمعها ومتليق لعايله مثلهم ، عكس تشوف البنت الي بيخطبونها لناصر هي من مستواها )
( تكلمت مع الحريم حنان وهم تفهمو ولبسو عبايتهم وجت رسيل كلمت مرام "الي بيخطبوها لناصر " عطيني رقمك واتواصل معك ضروري ، عطتها رقمها وواضح رسيل تبيها شر مع زوجت اخوهم الجديده )
/
/
/
( اهل ساره )سلطان : يبه متاكد الموقع صحيح ولا يلعب علينا
ابو ساره : مايهمني صحيح ولا لا ، اهم شي العاصيه "ساره" فيه وربي لاشرب من دمها مع شخص غريب وش يقولون الناس علينا الحين
سلطان : اعوذو بالله ، تعوذ من ابليس ذي بنتك اضربها بس م ولدرجه تشرب دمها
ابو ساره وهو معصب : كمل طريقك سلطان !
( دق عبدالله ع سلطان )
: وينكم
سلطان : ليه
عبدالله: قولي وينكم
( ابو ساره سحب الجوال منه )
: لقينا اختك مع واحد الداشره امش اللحقنا برسلك الموقع وربي لذبحها الليله
عبدالله انصدم من كلامه الغريب: لا تسمع من كلام الناس وتتسرع اسأل واعرف الجواب منها
ابو ساره: قليلة التربيه وش تتوقع مني اصدقها !
عبدالله: الاقربون اولى بالمعروف ، وبنتك المفروض تصدقها
ابو ساره : مابقى الا انت تعلمني برسلك الموقع واللحقنا ولا يكثر كلامك
( قفل الخط بوجهه وهو معصب وينتظر احر من الجمر )
ابو ساره: كم باقي
سلطان : مابقى شي....