I hate that ' I love you '

Part : 24 💘

ဘာစကားလုံးတစ်ခွန်းကိုမှမဆို။ ငိုကြွေးခြင်းအလျဉ်းမရှိဘဲ မင်းသားရဲ့ဘေးတွင် တည်ငြိမ်စွာဖြင့် တစ်နည်းအားဖြင့်ပြောရရင် အသက်မဲ့စွာဖြင့် ရှိနေခဲ့ပါသည်။ 

" ခွဲစိတ်မှုအောင်မြင်ပါတယ် ကံကောင်းတာက ဦးခေါင်းခွံရဲ့အတွင်းပိုင်း သွေးယိုစီးမှုကို အချိန်မီတားလိုက်နိုင်တာပဲ ခွဲစိတ်မှုအောင်မြင်တာကြောင့် အမြန်ဆုံးသတိပြန်ရဖို့အတွက်ကိုပဲ မျှော်လင့်ကြတာပေါ့ သတိမရခင်အချိန်အထိ သူ့ကို ဆရာတို့ အရေးပေါ်အခန်းမှာပဲ ဆက်ထားရမယ် "

" ဒီနေ့တစ်ရက်စောင့်ကြည့်ကြတာပေါ့ ဆေးအရှိန်တွေကြောင့် သတိပြန်လည်လာပေမဲ့ ဆက်ပြီးအိပ်ပျော်နေတာမျိုးလည်း ဖြစ်လေ့ဖြစ်ထရှိပါတယ် "

" မနက်ဖြန်အထိ တိုးတက်မှုမရှိလာရင် ကိုမာအခြေအနေကို ကျနော်တို့ထည့်စဉ်းစားဖို့လိုလာလိမ့်မယ်ထင်တယ် ကျနော်တကယ်စိတ်မကောင်းပါဘူး " 

မျှော်လင့်ချက်အပြည့်ပါသော ဆရာဝန်၏စကားလုံးတို့သည် တစ်ရက်ကနေ သုံးလေးရက်ကြာလာတဲ့အထိ မင်းသား သတိပြန်မလည်လာသောအခါတွင် တဖြည်းဖြည်းအားလျော့သံတွေ ပါလာခဲ့သည်။ အခုချိန်အထိ အပြစ်တင်စကား တစ်လုံးတစ်လေမှ မဆိုခဲ့လေသော မင်းသား၏ အမေသည် ပထမဆုံးအကြိမ်အဖြစ် PD လေး၏ ရင်ဘတ်ကို ထုရိုက်ကာ အော်ဟစ်ငိုကြွေးခဲ့လေသည်။ 

ဘယ်သူ့ကိုမှ နှစ်သိမ့်မစွမ်းနိုင်သော ဘေးကလူအများသည် ထိုအဖြစ်ကို ယူကျုံးမရဖြစ်စွာသာ ကြည့်နေခဲ့ရပါသည်။ ကြည့်နေခဲ့သူတွေထဲတွင် ဟိုးအဝေးဆုံးမှ လှမ်းကြည့်နေခဲ့သော အစ်ကိုကြီး Park လည်း ပါဝင်ခဲ့သည်။

" Yoongi မင်း အနားယူဖို့ကောင်းတယ် "

" လတ်တလောတော့ Taehyung ရဲ့ မိသားစုလည်း ရှိနေမှာဆိုတော့ ဆေးရုံမှာ မင်းအချိန်ပြည့်မရှိနေလည်း ရမှာပါ "

" Taehyung အမေရဲ့ ခံစားချက်ကိုလည်း သိတယ်မဟုတ်လား မင်းအပြစ်မဟုတ်ဘူးဆိုတာကိုလည်း သိတယ်မဟုတ်လား "

ကိစ္စတိုင်းကို ဝင်ရောက်ဖြေရှင်းပေးနေရသော Boss Jin သည် Min PD အနားမှာ ရှိနေပေးဖို့ကိုလည်း ပျက်ကွက်ခြင်းမရှိခဲ့ပါ။ မင်းသားခရီးဝေးသွားရတဲ့အခါမျိုးတွင် သိသိသာသာတစ်မျိုး မသိမသာတစ်မျိုး Min PD ကို စောင့်ရှောက်ပေးခဲ့သလိုမျိုး အခုလည်း မင်းသား၏စိတ်ဝိညာဉ်တို့ ခပ်ဝေးဝေးခရီးတစ်ခုကို သွားနေစဉ် Min PD ကို ကြည့်ရှုစောင့်ရှောက်ပေးဖို့က သူ့တာဝန်ဖြစ်သည်ဟု Boss Jin က ခံယူထားသည်။