မောင်နဲ့မုဒြာကြားမှာ အရင်ကလိုမှန်တစ်ချက်ခြားထားသလို ကိုယ့်အကန့်နဲ့ကိုယ် ကိုယ့်နေရာနဲ့ကိုယ် နေရခြင်းမျိုးမရှိတော့ပေ ။ မောင့်အတွက် မုဒြာကအမှန်တကယ်လိုအပ်ကြောင်း မောင်ကိုယ်တိုင်နားလည်လာသည် ။
မောင်ကမုဒြာအပေါ် အရင်ကလောက် အေးဆက်မနေတော့ပဲ ခုလိုဂရုစိုက်မှုတွေကိုခံယူရင်း နွေထွေးတဲ့မိသားစုလေးလို ပိုနီးကပ်လာသည်ဟု မုဒြာထင်မိသည် ။ ဒီနေ့တော့ ထမင်းချိုင့်ကို မုဒြာကိုယ်တိုင် ရုံးကိုသွားပို့ဖို့ ဆုံးဖြတ်လိုက်သည် ။
ဧကရာဇ်မောင်နဲ့ကသစ်ပန်း ရုံးကိုရောက်လာတော့ လူတိုင်းခေါင်းမီးတောက်နေကာ မျက်နှာတွေကမသာမယာနဲ့ သူတို့ကို ပြဿနာဖြင့်စည်းကြိုနေသည် ။
" ဥက္ကဌ … ပြဿနာတက်နေပြီ "
" ဘာတွေဖြစ်နေကြတာလဲ "
မန်နေဂျာဖြစ်သူက ကြောက်လွန်း၍မျက်နှာကရဲနေပြီ အသံတုန်တုန်ဖြင့်ပြောလာသည် ။
" ဒီတစ်ပတ်တင်ပြရမဲ့ ပရောဂျက်ရဲ့အချက်အလက်တွေပေါက်ကြားကုန်ပြီ … ပြိုင်ဘက်အဖွဲ့က အချက်အလက်တွေအကုန်သိသွားပြီး ကျွန်တော်တို့ စီစဉ်ထားတာတွေကို သူတို့ကလုယူဖို့လုပ်နေကြတယ် … သူတို့သာရရှိသွားရင် ဒီပရော့ဂျက်ရဲ့အမြတ်အစွန်းတွေအကုန် ဆုံးရှုံးရမှာ … ကျွန်တော်တို့ရင်းနှီးထားတဲ့ငွေတွေ အဖက်ဆယ်လို့ရမှာမဟုတ်တော့ဘူး "
ဧကရာဇ်မောင်က အလွန်အရေးကြီးတဲ့အလုပ်က လွဲချော်သွားပြီမို့ အလွန်ဒေါသထွက်ကာ စားပွဲခုံကို ' ဒုန်း ' ကနဲမည်အောင်ရိုက်ချလိုက်သည် ။
" ဒါကဘယ်လိုဖြစ်နိုင်မှာလဲ … ဒီအချက်အလက်တွေက ငါကိုယ်တိုင်သေချာသိမ်းထားတာ … ငါ့အခန်းထဲကို ငါနဲ့အတွင်းရေးမှူးကလွဲပြီး ဘယ်သူမှဝင်ခွင့်မရှိဘူး "
" အဖွဲ့ထဲမှာ သူလျှိုရှိရင်ရှိ မရှိရင်တော့ ဥက္ကဌအခန်းထဲကို တစ်ယောက်ယောက်ခိုးဝင်တာဖြစ်မယ် "
" ငါ့အဖွဲ့ထဲ ဘယ်ကသူလျှိုရှိမှာလဲ … Cctv တွေမစစ်ကြည့်ဘူးလား "
" စစ်ကြည့်ပါတယ် … မသင်္ကာစရာကောင်းတဲ့လူတစ်ယောက်မှမတွေ့ရဘူး … အတွင်းရေးမှူးကလဲ ဥက္ကဌနဲ့အမြဲအတူရှိနေပြီး အသွားအပြန်လုပ်နေတော့မဖြစ်နိုင်ဘူးလို့ထင်တယ် "
YOU ARE READING
Hidden love " ကုမုဒြာ "( complete )❤️
Romanceလရောင်ဆန်းမှ ပွင့်လန်းသည့် ကုမုဒြာပန်းကလေးတွေတောင် လရောင်ပျောက်ကွယ်သွားချိန်မှာ ညှိုးနွမ်းသွားတတ်ကြတယ် ... မောင့်အပေါ်ချစ်တဲ့ မုဒြာရဲ့အချစ်တွေကလဲ မောင့်ရဲ့ ဥပေက္ခာပြုမှုတွေကြောင့် ပျောက်ကွယ်သွားခဲ့သည့်အခါ ... မောင့်နှလုံးသားထဲက ပုန်းကွယ်နေတဲ့ချစ်ချ...
Chapter - 9
Start from the beginning