قصص قصيرة ( باللهجه العراقيه )

البارت الاول 1 ( نفسيات مريضه )

سفرة .. و تعدينه الوكت ..
......................................................................؟
#قصه نفسيات مريضه ..
# بقلم مــــــلاك ..
.................................................................؟

السلام عليكم وياكم ملاك .. بقصه جديده عن معانات احد البنات .. .. اني كاتبة قصص حقيقيه .. من صلب العراق العظيم ...  قصه ليوم راح تحجي عن حياة اخت النه و معانتها .. ...

...........................؟

التعريف ..

هلا شلونكم .. اني رفل من النجف ..  عمري حالياً 26 سنه . ماليد 1997..

. .. خل احجيلكم  عن ما مريت بي ..  اني بنيه ما اگول عني  حلوة و اسطر سطر . جمالي من المريخ. لا يابه اني  عادي بنيه عاديه .. 
لست امرأة شقر ...
ولا املك  عيونا زرقاء ..
ولا شعراً ذهبياً كرمال الصحراء

هذا وصفي الصح 
يمكن الي يميزني هو ..

عيوني الي تك و تك وحده صفره و وحده  جوزي  ..  بس .. شكلي عادي لكن مقبول .. مو بشعه لا جمالي على گدي .. ..  اني عائلتي مكونه من. اب و اخوان اثنين .. و اني البنيه الوحيده .. راح تسألون امي وين ..
امي و ابوي منفصلين من زمان .. و كلنه يم ابوي ما قبل ينطينه لامي .. و امي مرة شافت طريقها و تزوجت و هسه هي مستقرة ..  بالسنه حسنه ابوي يخليني اروح اشوف امي .  أساساً تعودت على غيابها .  لأن عافتني من جان عمري 13 سنه .. ..  خل احجيلكم عن اهلي ..

بابا ... احمد .. عمرة 45 سنة ..
اخوي الجبير .. حسين 22 سنة .. متزوج بنت عمي.  ..
اخوي الثاني  .. مصطفى .. عمرة 20 سنه ..
و اني اخر العنقود .. عمري  16 سنه ..  جان من بلشت سالفتي

اما من ماما عندي اخوان زغار تلاثه .. شفتهم كم مرة بنيه و ولد ثنين ..  اخواني الكبار نسو امي و محد .سأل عنها بعد ولا شافهاا .. ..  بابا تزوج .. و مرته زينه ويانه. يعني مرات اي مرات لا بس اغلب الوقت هي  حبابة  تعاملنه مثل جهالها .. ما عنده خلفه منها .. احنه ساكنين بيت العائله .. ويه بين عمي .. و بيبي .. اما باقي عمامي  بيوتهم بصفنه ..

..

ابوي و عمي  ما واحد يرضه يتنازل عن هل بيت محلبين بي اثنينهم .. لأن جبير .. و المشاكل و الطلايب كلها من هل. بيت  تصير ..

مرت عمي حيه على اصولها.   بنات عمي حقيرات و نگسات كليتها ما عدا  ( ورده ) شويه زينه ..

اما البقيه ينگطن حقارة ..  احنه مكضيها مشاكل بمشاكل بهل بيت و ابوي مجلب بي .. ابوي بي خيط طمع على مود يصير هذا البيت حصته يقاتل مقاتل ..

..

المهم ..  خل احجيلكم شويه

اني للسادس ابتدائي و بطلوني. هنا ما عدهم وحده تدرس و تصل كليات و جامعات .. لا حيل متشدظين و ناسين هل سالفه .