أحببت منقذي ( مكتملة )

البارت الثامن 🖤

يلا حبايبي نبدي بالبارت الثامن ........🖤
.
.
.
.
.
اصيل / كعدت الصبح من وكت رحت غسلت وطلعت من الغرفه رحت للصالة لكيت سيف بعدة نايم كعدت ع الكرسي وظليت صافنة ومبتسمة

سيف / هااا اصولة صباح الخير

اصيل / يااا انتة كاعد

سيف / ايي 

اصيل / يلا كوم لعد

سيف / يلا كمت

اصيل / سيف هسة احنة شنو حنسوي

سيف / هسة راح اتصل ع معارفي عندي هواي بغداد واخذ منهم ثنين ونروح نعقد ع مود وجودنة سوة مابي حرام

اصيل / ايي صدك بسس

سيف / بس شنو ، شبيج اصايل انتي ما تريديني ؟؟

اصيل / هاا لا بس اريد اكولك شي ومستحية

سيف / كولي شنوو

اصيل / سيف اني هسة وبعد كل الي صارلي بالفترة القصيرة الي مرت ما جاهزة انو اكون الك زوجة مثل باقي الزوجات فهمتني مووو 

سيف / اصولتي بابا اني فاهمج وعاذرج ولتنسين الظروف الي اني عشتهة هم واحنة ثنينة اختارينة نكون سوة و واحد يسند الثاني وشوكت ما تجهزين اني راح اكون منتظرج 

اصيل/ والله مدري شبية حييل خجلت ورحت ركض للغرفة احس وجهي صار نار

سيف / هههههه فدوة للخبلة  ، ورة ما راحت اصيل كبل بديت اتصل ع معارفي ودبرت ابن خالي وصديقي اتفقت وياهة ع مود يشهدون ع زواجي من اصيل اتفقت وياهم انو بعد ساعة موعدنة بالمحكمة واني هم عندي معارف بالمحكمة وضبطت الوضع ..

سيف/ دك دك دك

اصيل / ممممم

سيف / ههههه كافي بعدج مستحية كومي اصولتي خلي نروح نشتري شي نكشخ بي بعد ساعة عرسنة

اصيل / كمت فتحت الباب بسرعة ، هااااا شنو عـعرسنة

سيف / يلا بسرعة شبيج ، رحنة اني واصيل اشترينة ملابس اني اشتريت سترة وبنطرون وملابس بيت وهي هم ورجعنة للفندق

اصيل / اشتريت فستان مال حجاب يجنن لون ابيض عبالك بدلة وشتريت هم ملابس بيت بعد ما رجعنة للفندق بدلنة بسرعة ورحنة للمحكمة جانو هناك معارف سيف وباركولة وكذا وبعدين صار وقت العقد دخلنة واني جنت كلش متوترة وخايفة ما اعرف ليش احس تسرعت بهل قرار بس سيف اني احبة وموقفة وياي حيل زين وساعدني ماكو شي يخليني ارفضة ، سئلني القاضي اذا موافقة ع سيف او لا اول شي سكتت حسيت بخوف تمنيت لو ماما يمي يربي شكد الام مهمة بدنيا كبل دمعن عيوني جان سيف يضغط ع ايدي بقوة حسيت بأمان حييل وكلت ( ايي موافقة ) احس شي چبير انزاح عني بعد ما تمت الاجراءات ودنرجع اباوع سيف كلش فرحان من شفتة هيج صدك اطمنت رجعنة للفندق وبعدين ....