أحببت منقذي ( مكتملة )

البارت الرابع 🖤

هلا گليباتي يلاا نبدي بالبارت الرابع ...... 🖤
.
.
.
.
اصيل /  وكفت وكمت ارجع ليورة ودموعي تنزل ع وجهي 

ياسر / مرجوعج الي اصولتي

اصيل / جنت حاطة سجين بملابسي تقربت عليه طلعتهة بهدوء طعنتة بصدرة وركضت ع الباب جان مفتوح طلعت من ذاك المكان طلعت بشارع وكمت اركض واسمعهم يصيحون هااي مو حبيبت الأمير بس ظليت اركض .....

مجهول / سمعنة الباب الخارجي انفتح باوعنة من الشباك هاي البنية تركض رحنة للغرفة الي جانت بيهة لكينة الامير مطعون بكلبة والدم بكل مكان وكمنة نركض وراهة ونصيح هاااي قتلت الأمير ياسررر  الحكووهة

اصيل / ظليت اركض وابجي بعدين شفت باب مال بيت مفتوح كبل طبيت بي وقفلت الباب .....

نور / منووو انتي شجابج لبيتنة 

اصيل / حباابة ساعديني الدواعش يريدوني خليني يمكم 

نور / لحظة لحظة ، مااما يمةة تعالي

ام نور / هاا يمة ، عزززة انتي منوو

اصيل / خالة اني ابن عمي امير بداعش وخطفني وهسة قتلتة وانهزمت ودا يلاحكوني عوفيني هنا خالة

ام نور / يمة انتي وين اهلج

اصيل/ اهلي اهلي  ليش اني ظل عندي اهل

ام نور/ ليش يمة شصار وياهم

اصيل / خاالة اهللي كلهم ذبحوهم كدام عيوني  كمت ابجي بصوت عالي كعدت بالكاع وابجي

نور / كافي حبيبتي لتبجين الله يرحمهم

ام نور / كومي يمة كافي تبجين راحو شهداء

اصيل / خالة ذبحو اهلي كدامي  بس نسيت الي صار وياي ظليت بس ادافع عن نفسي خالة اني قتلت شخصين اني مجرمة  يربي ليش هيج اني شنو ذنبي

ام نور / يمة انتي دافعتي عن نفسج واخذتي حقج انتي مو مجرمة هم الي ماكو رحمة بگلوبهم كومي يمة وانتي هنا حالج من حال بنتي نور اني هم كتلو ابني كدام عيني 

اصيل / خالة ذولة شيريدون منة ليش هيج ديسون

ام نور / يمة ذولة مسوين نفسهم اهل دين ويمشون ع سنة النبي بس بري منهم النبي يمة ذولة نيتهم الدمار والخراب

اصيل / الله ينتقم منهم

نور / يلا كومي اسبحي وبدلي ونامي ارتاحي

اصيل / ماشي، رحت سبحت واخذت ملابس من نور ومددت ع اساس دنام واتذكرت كل الي صار وياي بعد ما أمنت ع نفسي وماكو شي يخوفني يلا حسيت بكبر المصيبة الي اني بيهة  اني الي جنت مدللة وسط بابا وماما و عثمان هسة بقيت وحدي وهم كلهم ماتو كدامي  ايي اني شفت ابوي بعيني مرمي ع الكاع وكلة دم  اني شفت بعيني من ضربو هوواي طلق ع عثمان شفتة بعيني شلون مات اني شفت بعيني من ضربو امي براسهة وماتت بين ادية  شنو هل اختبار الصعب يا ربي والله تعبت ليش اني لازم اشوف اهلي كلهم يموتون كدامي وفوك كل هذا اتعرض لمحاولة اعتداء  صبرني يربي ، ظليت ابجي بحركة ع كل شي شفتة بهل فترة وكلشي عشتة هم ...