Unicode
Page 60-64
Page-60
ညစာစားပွဲက အခြားသူတွေကတော့ စိတ်လှုပ်ရှားစွာ တီးတိုးပြောဆိုနေကြလေ၏။ အများစုကတော့ ဘာဖြစ်လို့ဖြစ်နေမှန်းတောင် မသိပါဘူး။ ပွဲက ကြည့်လို့ကောင်းလို့သာ တိတ်တိတ်လေးထိုင်ကြည့်နေကြတာ။ ဒါပေမယ့် သူတို့သိတာ တစ်ခုတော့ရှိတယ်။ အဲ့ဒါက ခုတလောပျံ့နေတဲ့ ကောလဟာလတွေကို မှန်မမှန်စစ်ဆေးလို့ရပြီလေ။ ဥပမာဆိုရင် ဒီမနက်အစောပိုင်းက Qing Yun ခန်းမဆောင်မှာ အရှင်သီကျွင်းတစ်ယောက် တစ်စုံတစ်ယောက်ကို ကျီစယ်လိုက်တယ်ဆိုတဲ့သတင်းပေါ့။ တကယ်တမ်းတော့ အဲ့ဒီကျီစယ်ခံရသူက သူတို့ထင်နေကြသလို မင်းသမီး Zhi'he မဟုတ်ပဲ ချင်းချူရဲ့ဘုရင်မဖုန်းကျိုပဲကိုး။ ဒါပေမဲ့ ထိုကောလဟာလတွေအကြောင်း ကြိုတင်ခန့်မှန်းနိုင်တဲ့ ထက်မြက်သူအချို့ကလဲ ခပ်လှမ်းလှမ်းကနေ တီးတိုးပြောနေကြလေရဲ့ "တကယ်တော့ ဒါ ငါထင်ထားတဲ့အတိုင်းပါပဲကွာ မင်းတို့တွေ ငါ့ကိုဘာလို့မထောက်ခံခဲ့ကြတာလဲ? အခုအဖြစ်က ညီမနဲ့ဇနီးကြားက အချစ်လုပွဲပဲ ညီမဖြစ်သူကိုကြည့်ရတာ အစ်ကိုအပေါ်မှာ တိတ်တခိုးခံစားချက်ရှိနေပုံရတယ် ဒါကိုရိပ်မိတဲ့ဇနီးဖြစ်သူက သည်းမခံနိုင်တော့..." နောက်တော့ အဲ့ဒီထက်မြက်နားလည်လွယ်တဲ့ နတ်သူငယ်လဲ သူ့ရဲ့ရှားပါးလှတဲ့ပါရမီကြောင့် လူတွေရဲ့ကြမ္မာကိုကိုင်တွယ်တဲ့ စီမင်းရဲ့လက်ထောက် ဖြစ်သွားပါတော့တယ်။ စီမင်းကလဲ သူ့ကိုမြှောက်စားတာမို့ သူ့ရဲ့အနာဂတ်ကတော့ ထွန်းလင်းတောက်ပနေမှာ သေချာပါတယ်။
ဒီတစ်ခေါက် ပိုင်ချန်း ပွဲတက်လာတယ်ဆိုတာက ခင်ပွန်းဖြစ်သူရဲ့ဟွာ မအားလပ်လို့လေ။
မနေ့က ဆယ်မိုင်မက်မွန်ခြံက နတ်မင်းကြီးကျီရန်တောင် ဒီကိုအလည်အပတ် ရောက်လာခဲ့သေးတယ်။ အဲ့ဒီနတ်မင်းဆိုသည်မှာလဲ ပိုင်မျိုးနွယ်တွေကို ကာကွယ်စောင့်ရှောက်တဲ့နေရာမှာ တကယ်ကို တစ်ဖက်သတ်ဆန်လွန်းပါတယ်။ ကြည့်ရတာ မနေ့က အလည်အပတ်လာတယ်ဆိုတာလဲ ရဲ့ဟွာကို ဟောပြောပို့ချဖို့ပဲနေမှာ။ ဘာကြောင့်လဲဆိုတော့ ရဲ့ဟွာ အခုတလော အရေးကြီးကိစ္စတွေနဲ့ အလုပ်ရှုပ်နေတာမို့ နတ်ပြည်ကပွဲမှန်သမျှကို ဇနီးဖြစ်သူပိုင်ချန်းကပဲ ကိုယ်စားတက်ရောက်နေရတယ်လေ။
أنت تقرأ
Three Lives Three Worlds,The Pillow Book Upper Volume (Completed)
أدب تاريخيOriginal Work By TANGQI GONGZI အတွဲ (၁) English Translation : Hamster 428 English Editing : rockharlequin,JoannaKuang မြန်မာဘာသာပြန်ဆိုသူ : Purple Wisteria (The Pillow Book Myanmar Translation Team) မြန်မာဘာသာပြန်စီစစ်သူ : မေဘယ်လ်ခိုင်( Maybel...