အမှန်တော့ ထိုနေ့ မတိုင်မီ တစ်ရက်ထဲက Eric က နေမကောင်း ဖြစ်နေခဲ့တာ ဖြစ်သည် ။
ထိုနေ့က ဦးဇဏ်က သူ့ကို ဆေးခန်းပြပေးဖို့ အလုပ်ကို ခွင့်ယူပေးခဲ့သည် ။
ထိုနေ့ကတော့ ဦးဇဏ် သူ့ကို အလွန်ဂရုစိုက်ပေးခဲ့ပါလား ဆိုပြီး Eric တစ်ယောက် ပျော်နေခဲ့ရသည် ။
သို့သော်လည်း သူတို့ ဆေးရုံ ရောက်ခါနီးတွင်ပင် အခြေအနေက တစ်မျိုး ပြောင်းသွားခဲ့သည် ။
ဦးဇဏ်ဆီသို့ ဖုန်းတစ်ကောလ် ဝင်လာခဲ့ခြင်းဖြစ်ပြီး ထိုဖုန်းကောလ် ဝင်လာပြီးသည်နှင့် ဦးဇဏ်တစ်ယောက် ထိတ်လန့်တကြီး ဖြစ်သွားခဲ့လေသည် ။
" ဘာဖြစ်လို့လဲ ဦးဇဏ်... "
သူ ဦးဇဏ် ကားမောင်းနေသည်မို့ ဘေးတွင် မှိန်းကာ လိုက်လာရင်း ဦးဇဏ်၏ စိုးရိမ်နေသည့် မျက်နှာကြောင့် အံ့သြကာ မေးမိလိုက်ခြင်းဖြစ်သည် ။
ဦးဇဏ်၏ ပုံစံက အသိစိတ်နှင့် မကပ်သလို ဖြစ်နေကာ ကားကို ရုတ်ချည်း ဦးတည်ချက်ပြောင်းချလိုက်လေသည် ။
" နေနေ ဒုက္ခတွေ့နေပြီ ထင်တယ် Eric... "
ထို့နောက်တွင်မူ ကားက ဦးနေတာရာရှိသော အရပ်ဆီသို့ ဦးတည်ကာ အရှိန်နှင့် မောင်းနှင်သွားလေတော့သည် ။
ဦးဇဏ် စိတ်ထဲတွင် သူ ဆေးခန်းပြရမည့်ကိစ္စကို မေ့လျော့သွားပုံရလေသည် ။
ကားက ခြံဝန်းထဲတွင် ရပ်ထားခဲ့ပြီး ခဏအကြာတွင်တော့ ဦးဇဏ်က ဦးနေတာရာကို ကျောပိုးပြီး ကားဆီသို့ လျင်မြန်စွာ ရောက်ရှိလာခဲ့လေသည် ။
ထို့နောက် ဦးဇဏ်က အနောက်ခန်းသို့ ဦးနေတာရာနှင့် အတူ ဝင်လိုက်ပြီး ဦးနေတာရာကို ပွေ့ဖက်ထားပေးလေသည် ။
" Eric... ဆေးရုံကို မြန်မြန်မောင်း.... "
သူ ကားမောင်းသူဘေးက ခုံတွင် ထိုင်နေရာမှ ရုတ်တရက် ကြောင် အ သွားရလေသည် ။
ဦးဇဏ်က သူ့ကို စိတ်မရှည်သလို ကြည့်လာပြီး ထပ်ပြောလာလေသည် ။
" ဆေးရုံကို မြန်မြန်မောင်းလေကွာ Eric... "
" ဟုတ်... ဟုတ်ကဲ့... "
သူ ကားမောင်းသူ နေရာသို့ အလျင်အမြန် ဝင်ထိုင်လိုက်ရပြီး ဦးဇဏ်ပြောသည့်အတိုင်းပင် ဆေးရုံဆီသို့ အရှိန်ဖြင့် ဦးတည်ကာ မောင်းနှင်ပေးနေရလေတော့သည် ။
ဆေးရုံရောက်သည်နှင့် ဦးဇဏ်က ဦးနေတာရာကို အလောတကြီး ကျောပိုးသွားကာ ဆေးရုံထဲသို့ ဝင်သွားလေသည် ။
YOU ARE READING
I accidentally became a Villain Prince (Completed)
Paranormalအလွန်အဆဲသန်ပြီး wattpad ဖတ်တိုင်း ဇာတ်ကောင်များကို အချိုးမပြေလျှင် မဟားတရား ဆဲတတ်သော ကောင်လေးတစ်ယောက် သူ ပိုးစိုးပက်စက် ဆဲခဲ့သည့် ဗီလိန်မြေခွေးကောင်အဖြစ် ထိုဝတ္ထုထဲသို့ ရောက်သွားသောအခါ... Total 59 Chapters + Extra 20 Chapters အလြန္အဆဲသန္ၿပီး wattpa...
Extra Side Story Episode 7
Start from the beginning
