جحيم الفارس -قيد التعديل-

البارت الثامن والعشرون

هو انتو مش عندي على الفيس ليه يا جدعان!👀😂❤
أنا مظبطاهم اسكريبتات هناك فتعالوا انتو كمان يا غوَالي❤

.......

-الحمد لله خرجنا الرصاصة وهيتحط في العناية لحد ما نطمن انه عدي مرحلة الخطر

التقطو جميعا أنفاسهم براحة حالما انتهي من كلامه لتستند "زينة" علي ذراع "سلمي" وقد شعرت أنها استنفذت كامل طاقتها..

لم تمر ثواني وسقطت فاقدة للوعي ليلتفت الجميع اليها بفزع حالما صرخت "سلمي"..

~_~ ~_~ ~_~ ~_~

أمسك "جمال" تلابيب رفيقه ليصرخ في وجهه بعنف:

-انت عملت ايييه

دفعه "سعيد" عنه بقوة ليصرخ:

-قتلته ، قتلته وخلصت منه ، كان فاكر انه هيكسرني باللي عمله بس اديني اخدت حقي منه ، وكلها يومين وهاخد زينة كمان

هز "جمال" رأسه بذهول من تفكير رفيقه ليمسك بالمسدس واضعا اياه بين كفيه ، دفعه نحو الخارج وهو يصرخ بعصبية:

-اطلع برااا ، انت عايز تلبسني مصيبة؟.. براااا

دفعه خارجا ليغلق الباب من خلفه تاركا "سعيد" يسبه بخفوت ويتوعد للنيل منه هو الاخر..

~_~ ~_~ ~_~ ~_~

أنّت "زينة" بخفوت لترفرف عينيها ببطء ، كانت تشعر بتثاقل أنفاسها ففرّقت شفتيها للحصول علي القدر الكافي من الهواء ، نظرت حولها بقلق لتهمس بألم:

-فارس!

انتبهت "درية" لها لتقترب منها بلهفة هاتفة بينما تثبتها:

-اهدي ومتتحركيش عشان اللي في بطنك يا زينة

لم تستوعب مغزي كلماتها فهمست من جديد:

-فارس فين؟

-في العناية متقلقيش عليه ، اهدي انتي بس عشان صحكتك

زاغت أنظارها لتغمض عينيها من جديد وقد تملك النعاس منها..

.......

بعد ساعات..

جلست "زينة" بين "درية" و "سلمي" اللواتي حاوطاها باهتمام مبالغ به ، نظرت لهما لتهتف بضيق:

-يا جماعة انا والله كويسة ، عايزة اشوف فارس بقي

هتف "محسن" والذي انزوي بعيدا الي جانب "خالد":

-هو في العناية ومحدش هيعرف يدخله فخليكي مرتاحة عشان البيبي

زفرت بحدة فهتفت "سلمي" بحماس غريب:

-بصي بقي ، انتي لازم تاكلي كتير اوي وتهتمي بصحتك ، ومتقلقيش وتوتري نفسك فارس هيصحي وهيبقي كويس ، و بصي.. سيبي عليا حاجات البيبي انا هجيب كل حاجة