الحياة تبدأ بضعف، وتنتهي بضعف، وما بين الضعفين حِكايه..
عادةً اكثر شي يجذبنه بالشخص هيَ الشخصية
فـ أحياناً تجمعنا الصدفه مع شخص تكون شخصيته
غامضة ،ومع شخص تكون شخصيته مُتمرده ..
بالنسبه للغموض قد يكون خلفهُ قصة
وبالنسبه للتمرد بالتأكيد سيكون خلفه...
تمنيت لو أنني أستطيع مغادرة أفكاري مثلما أغادر مكاناً لا'' أشعر فيه بالارتياح .'' تمنيت لو كان الأمر خياراً لاخترت التجرد من المشاعر وقتل شعور الأسى، لو تعلم كيف يموت المرء حين ينظر لنفسه وهي تغرق ولا يستطيع النجاة. تمنيت لو انسى ، كل المواقف التي تُطبع على قلبي . لا يمكنني أن أحتوي شيئاً ، أطرافي حادة جِداً وكل محاولاتي مؤذيه أبدو تائه في هذا العالم و هذا الأمر طبيعي لأني لا أملك مكانًا فيه. أصبحت لا أصلح لشيء فإنما أنا أكتفي بأن أحلم . أحلم طوال الوقت حياتي كلها ليست الان الا حلما.. انا ادخل في حفر لا استطيع الخروج منها انا اغلق جميع الأضواء ، فمن يريدني ليحرِق نفسه هل انتَ جاهز لحرق نفسك؟ وهل انتم جاهزون لوقت الحساب؟ وهل انا جاهزة مواجهة ظلمكم؟
ضليت صافنه عليه شوية ورفع عيونه عليه وكال : اكو حجي على طرف لسانج
-شمدريك؟
-حفظتج
كتله :بس سؤال بالي واريدك تجاوبني بكل صراحه
رد: تفضلي
عدلت كعدتي وبديت احجي :شوف اني مااستنقص من نفسي بالعكس كلش فخورة بس شنو الي خلاك تزوج من ابنية اولاً مو من مستواك المادي ،ثانياً ماعدها اهل، ثالثاً ماعدها مشاعر اتجاهك الله عليك جاوبني بصراحه لا تجاملني ولا تكول حبيتج من اول نظرة ترى جنت مُنقبة
جان يسد الابتوب وباوعلي بأبتسامه ورجع جاوبني: سؤالج عين العقل وراح اجاوبج جواب يقنعج
هزيت راسي وهو كمل :الشخص من يحب أن كانت بنت او شاب يُمر بمرحلة اسمها الانبهارَ
هنا يشوف الشخص الي يحبه ماعنده ولا عيب كامل مكمل والكمال لـ الله هنا تحسه يختلف عن كل شخص قابلته بحياتك يقول "أبن حـزم الحُب اعمى فـ الانسان عندما يحُب يغلق عينيه ويصم اذنيه عم مساوئ حبيبه" فلا يرى فيه الا الحسنات اما السيئات فيغفرها الحب وان رأيتها العين فـ الحُب يحول الحبيب في عين حبيبه من انسان الى ملاك تماما كما يفعل الحقد الحقد ايضأ أعمى لكن في الحب لا نرى الا الحسنات وفي الحقد لا نرى الا السيئات ومن هنا تبدأ تُحارب نفـسك حتى تحصل عليه
-بس شنو معنى مقولة أن "الحُب اعمى"
-الـحُب اعمى لان لو كان الحُب بصيراً يفترس المُحب فيه عيوب حبيبه
-حلو كمل
-ومن يحصل الشخص ع محبوبه يُمر بمرحلة الثاني الاكتشاف يحس هذة الشخص مو كامل بي عيوب كثيرة وهناك اشياء ثانية ماتعرفها عنه راح تحس بالخيبة ،وتبلش تفكرة تتركه وتبتعد عنه وهذه سبب كثرة الطلاق بمجتمع لان بصراحه الإنسان احيانا ينغر بالجمال ،أو بالمكانة العلميه الي يمتلكها الشخص هذه المرحلة كلش مهمة بالعلاقة حتى تعرف الشخص يحبك كمظهر لو يحب روحك اذا من يكتشف عيوبك وعافك فـ هذة حبك ع شكلك ،بس اذا تقبلك بكل عيوبك تمسك بي شكد ماتكدر
لان هيج انسان مايتكرر بهل وكت
المرحلة الثالثة هي التعايش هاي المرحلة كلش صعبة بهاية المرحلة راح الجنسين يتقبلون نفسهم واحد يتقبل الثاني بكل عيوبة ويكدرون يعيشون مع بعض بهاي المرحلة اذا تجاوز الطرفان بنجاح فـ العلاقة وصلت "للهيام"
تعرفين شنو "الهيام"؟
رديت :اقوى درجات الحب يصبح الانسان اعمى بمن يحُب
ابتسم وكال :واني هايم بيج
سكتت ضليت صافنه بوجه مدري شجاني حتى اطرافي بردت نزلت عيوني وكمت صاح وراي :هيج أنا تخطيت مرحلة التعايش وتقبلتج بكل عيوبج
وكفت باب الغرفة رجعت درت وجهي عليه باوعتلة جان يكول : رواسن الانجذاب والحب اساسهُما الاختلاف
