لإني عاقر

البارت الواحد والعشرون

ملگاك أمس مو خوش ملگه
ما حاچي بس شميت فرگه
بيك من اجيت آثار شبگه
اعتب عليمن يا هو احگه
ريحة غريب وياك تفتر
اول وتالي الخان يعثر

_لإني عاقر
_البارت الواحد والعشرون
_مريم الخفاجي

صوتوا للبارت+تعليق بين الفقرات+متابعة
لحسابي _mariam_alkhafaji_ لُطفاً..

اصعب بارت...

ـــــــــــــــــــــــــــــــــــــــــــــــــــــــــــ

...

دنگت راسي
وسكتت رجع همس:-ملاك وينج؟

تحمحمت وكلت:-وياك

كمال:-ادري راح نتأخر بس شسوي

ملاك:-يلا ان شاءلله ترجعون بسلامة
تصبح على خير نعسانة

كمال:-صايرة تنامين من وكت؟

ملاك:-اگابل منو واضل كاعدة؟

سكت ونوب رجع گال:-الله كريم الله وياج حبيبي نامي لتتعبين روحج

يا سهولة كلامك
طبكت الخط واكلت وتمددت ؏ جرباية

وضليت اتگلب انام من وكت كال؟
والله يالله
واني بس عيون مغمضة
فتحت عيوني باوعت الساعة ب3 شوكت
تنامين يصخام

اذن الأذان صليت ورجعت نمت
مرن يومين وبدة شوگي يطفح

يا حسـافه الشـوگ ذلة
حسافة ؏ الزمن الخلاني اشتاق لانسان
بالة مو وياي حبني
سنة؟ سنتين؟ تلاثة؟ وبعدين؟ راح

صرت ابجي بقوة ولوعاتي ماهادن
وجروح گلبي موتني مو بيدي اني والله مو بيدي
كلشي يصير بية اني مو ذنبي
من اشتاقلة هذا گلبي
من ابجي هاي عيوني
من افكر بي هذا عقلي
وضيفتي شنو؟
مادري

وسواس براسي ضل يفتر
شيطاني اقوة مني وما نعلة الشيطان بذاك الوكت
كمت افتر بالغرفة حايرة شسوي؟
شنو اليبرد كلبي ويحرك گلبة؟
شنو

تلمست شعري يحبك هواي
صارله هواي ما مشطلي شعري
صار هواي ما بايسة ولا متلمسة
عشرة ايام قليلة عندك
دهور عندي

كعدت ؏ الطبلة كبال المرايا
واخذت المگص حطيتة ؏ شعري وتراجعت
لا لا يحبة هو يحبة هواي
واني ماتحمل اشوفة مقهور
ولج كااااافي كاااااافي تفكررررين بييي كااافي يالله
صبرني

باوعت للمگص ونزلت دموعي
ليش فكرت بيك انتَ حلي؟
حطيت ؏ ايدي وبقيت اتلمس بي
واتحسس حدتة
انجرح اصبعي بس ما حسيت؟

خليت المگص ؏ وريدي الأيسر
صفنت بي مكان گلبي خلي اجرحة
بلكي يوكف عن نبضات حُبة إلي

مشيت ؏ كيف وبدة الدم ينزل بغزارة
وگع المكص من ايدي
ورجفت شفايفي اني شسويت صرت
ادور مثل المخبلة بالغرفة