ألهاربه من الضياع

البارت الثاني

‏أخبروا الأشياء المتأخرة أن قدومها لم يعد مُرحبّا به، فقد فات أوان اللهفة وأن مجيئها الآن بعد انطفاء الشغف لن يجعلني ألتفت مهما بلغت من جمال،
للإنتظار المُفرط ضريبة

• احمد خالد توفيق

#ساره_فاضل

دگ تلفوني وأني ع سجادتي شفت منو جان يطلع صديقي ضرغام وزميلي بنفس القناة الي نشتغل بيهه بس هوه ميعتبر صديق هوه اخ وسند بس أثنينه ماعدنه حض بالشغل
جاوبته

الووو

ضرغام
السلام عليكم حبيبي

وائل
وعليكم السلام گلبي أهلآ بالغالي وينك صار يومين مسامع صوتك شنو الي لگه أحبابه نسه اصحابه

ضرغام
لاوالله ع البال ماناسيك بس البارحه يلا كملت أمور السفر للوالد والوالده واختي
وأخيرآ سافرو واليوم وصلو لتركيا
وهناك أختي استلمتهم وخذتهم للشقه الي اشتريناهه قبل فتره يم اختي
ااااخ ياوائل متدري  هم ونزاح
كلش جنت خايف عليهم هسه يلا ارتاح بالي وأمنت عليهم

وائل
أي يالله بيهه الخير أن شاءالله. والله لايجب هم لگلبك
أهم شيء يرتاحون لأن الموصل بعد متفيدهم
الوضع كلش يخوف صار وموضوع داعش
دمر كلشي ومخله للأنسان مكان للعيش الكريم

خل يروحون يبدون حياة جديده هناك
والله يساعدهم ع افراگ بلدهم ولوهاي هيه
شنسوي هاذ حالنه العراقيين ممكتوب نستقر ابلدنه

ضرغام
اي والله الموصل الحلوه راحت وجمالهه راح مابقه بيهه بس الخراب شوفتهه توجع الگلب
بس تدري وائل لمن ودعو اهلي بيتهم ومنطقتهم

شفت نضره بعيون والدي بعمري ماانساها ومااعرف شلون افسرهه بس كلش أثرت بيه الله ينتقم من الي جان السبب بلي نعيشه والي راح يعيشونه اطفالنه

وائل
ان شاءالله الخير قادم

ضرغام
أني شغلتك بسوالفي مگتلي خاله شلونه انته شلونك وضعك شلونه

وائل
والله شلوني ع حطت ايدك الوالده تعرف الوضع والممرضه الجنت مشغلهه اليوم تركت الشغل ومحتااااار حيره مااعرف شلون اوصفهه

ضرغام
زين منو راح يبقئ يمهئ باجر وخاصه عدنه اجتماع مهم بالقناة

وائل
يااجتماع. هاذ

ضرغام
مسمعت من باجر راح يشكلون سلسة البرامج. الجديده
والدوره البرامجيه الجديده كملهه مدير القناة

وباجر يجتمعون بينه حته تتوزع البرامج للمقدمين وباقي الشغل للفنيين

وائل
مو ع اساس أبداية السنه الجديده

ضرغام
لا القناة صار بيهه وضائف شاغره هواي ولازم يسدون النواقص خو موتبقئ هيج ع هاذي الحاله سنه القناة  متطول ويسدوهه