သူမသည် ရှဖန်အား ပို၍ပို၍ပင် သဘောကျလာလေသည်။အကယ်၍ တစ်နေ့၌ သူမမျှော်မှန်းထားသလို ဖြစ်မလာပါက ယွီသုံ ယူကျုံးမရဖြစ်ကာ အကြီးအကျယ်စိတ်ထိခိုက်ရပေလိမ့်မည်။သူမ ထိုကိစ္စအား ပူပန်နေခဲ့သည်မှာ အတော်ကြာခဲ့ပြီဖြစ်သည်။
ထိုအကြောင်းအား တွေးမိရုံမျှဖြင့် စိတ်တထင့်ထင့်ဖြစ်ရသောကြောင့် ထိုအတွေးကို ဘယ်သောအခါမှ အကြာကြီးမတွေးခဲ့ပေ။
ယွီသုံအမှန်တစ်ကယ်ပင် အဆိုးမြင်ဝါဒမရှိချင်ပေ၊ရှဖန်အား မဆုံးရှုံးချင်ပေ။သူမ ရှဖန်နှင့်အတူသာ ပျော်ရွှင်ချင်သည်။
" မင်း ဘာတွေ စဉ်းစားနေတာလည်း? " ရှဖန် သူမ၏ခေါင်းကို ဖွဖွလေးထိကာ မေးလာသည်။
" ဟင် ... "ယွီသုံ ခေါင်းကိုမော့လာသည့်အခိုက် သူမ၏ဝိုင်းဝိုင်းစက်စက်မျက်ဝန်းများမှာ တောက်ပနေသည်။" ကျွန်မ ဘာမှမစဉ်းစားပါဘူး "
" ဒါဆို ခေါင်းငုံ့ပြီးတော့ ဘာလုပ်နေတာလည်း? "ထိုကဲ့သို့ သိသာထင်ရှားသည့် အလိမ်အညာများကို ရှဖန်မယုံကြည်ပေ။
" ကျွန်မရယ်နေတာပါ "
ရှဖန် နားမလည်စွာဖြင့် သူမကို ကြည့်လာသည်။
သူမ ရယ်လိုက်ရင်း" ရှင်က ကျွန်မကို လာကြိုတာပေးလို့ ကျွန်မပျော်နေတာ။ပြီးတော့ ကျွန်မက ဒီလိုဝမ်းသာနေတယ်ဆိုတာ ရှင့်ကို မသိစေချင်လို့ "
" မင်း ... "ရှဖန် ဘာမြှပန်မပြောတော့ဘဲ ရယ်လ်ိုက်သည်။ထို့နောက် ယွီသုံ၏လက်ကို ဆွဲယူကာ မေးလိုက်သည်။" မင်း အေးနေလား ? "
ယွီသုံ ခေါင်းရမ်းပြလိုက်သည်။
" ဒါဆို လမ်းလျှောက်ကြရအောင် "
ယွီသုံ အနည်းငယ်အံ့ဩသွားသော်လည်း သူမ မငြင်းဆန်လိုက်ပေ ; ရှဖန် တစ်ခုခုပြောချင်တာရှိလို့ပဲ ဖြစ်ရမယ်။
လမ်းများသည်တိတ်ဆိတ်နေပြီး အထူးသဖြင့် ယခုလိုမနက်စောစောအချိန်၌ ရှင်းလင်းနေလေသည်။တစ်ခါတစ်ရံမှ တက္ကစီတစ်စင်းတစ်လေသာ ဖြတ်သွားလေသည်။
ရှဖန်လည်း သူမလက်ကိုဆုပ်ကိုင်၍ ဖြောင့်တန်းနေသည့်လမ်းတစ်လျှောက် ရောက်တတ်ရာရာ လျှောက်လာကြသည်။
आप पढ़ रहे हैं
Rebirth on the Doors to the Civil Affairs Bureau(ဘာသာပြန်)
रोमांसI don't own this story and all credit to the author(s) and english translator(s)!!!
Chapter 35
शुरू से प्रारंभ करें:
