نهوة الشيخ نصرت

البارت ١٦

...... اي جان ينطيني بملابسه

....... انا ماسائلتج شبيج ترجفين وليش هيج وجهج اصفر

...... لامابيه شي خل ننزل اكيد عمتي دور علينه

...... شنو احنه ضايعين ازهار اكيد بيج شي

...... لا مابيه شي انا رايحه 'عفتهه ونزلت ورحت كعدت يم امي وعمتي سهام وعمتي سراج بقو يسولفون وانا بقير عالم

...... يمه ازهار روحي ساعدي البنات خاف يردن شي

...... اي يمه هسه رايحه ' رحت ساعدت البنات صبينه العشه وكعدنه كلنه على سفره وحده وانا كعدت بين زهور و صابرين ونصرت جان كاعد طرف وحسين كبالي اجه كوم حسين وهوه كعد بمكانه

نصرت...... حسين مبين مامرتاح بمكانك كوم كعد هناك

..... شكرا

...... العفو هذا واجبي

...... صار كبالي وعينه عليه حتى ماعرفت اتعشه كملنه وكاعدين نشرب جاي واجتني رساله على الخاص

💬.... اليوم طالعه تخبلين يوم عن يوم حبي الج يكبر

..... نتبهت الكل كاعد ومحد تليفونه بيده لا نصرت ولا رضا ولا حسين وانا ذولي ثلاثه اشك بيهم بس كلهم كاعدين كبالي ومحد بيده تليفونه خفت كلش وبطني كامت كلش توجعني ' ماما كلي لعلي يوصلنه باجر عندي دوام

..... اي هسه اكله ' يمه علي خلي نروح البنات يردن ينامن

نصرت..... بعد وكت عمه

..... يمه أزهار باجر عدهه دوام

علي ..... يله حضرو روحكم

...... يله خلي نروح

...... زهور انا اجي وياه ابوي انتم روحه

صابرين..... اي فدوه عمه خليهه

..... خوش براحتج ' يله ازهار

ازهار..... اي هسه بنات شفتو عباتي وين

زهور..... صدك تحجين مو هاي كدامج

ازهار..... هاااا اي ماشفتهه

.....يمه ازهار بيج شي

...... لا يمه مابيه يله علي منتضرنه ' طلعنه ولكيت علي ونصرت واكفين يم السياره ويسولفون انا خليت وصعدت ورن تليفوني رساله جديده

💬...... بعدني ماشبعت منج شوف

💬..... انت منو لو صدك رجال كلي

..... لتفتت على نصرت بعده يحجي وياه علي يارب منو رجع دز مرت ثانيه

💬..... عوفينه من هاي الحركات انا اعرفج كلش زين كاعده تبيعين ثكل عليه

..... ووووف خل احضره احسن شي وووف حضرته وخلصت منه وصلنه للبيت رحت لغرفتي اجيت انام بس ماجاني نوم بقيت افكر منو هذا وشنووو يريد مني ووووف انا ليش افكر بي المهم حضرته وخلص
بقيت افكر وماحسيت على روحي ونمت كعدت وياه الفجر صليت ولكيت زهور مكشفه غطيتهه واجيت انا بس عيني ماتاخذ نوم خليني اكلب بتليفوني
لا مو مامصدكه هم جايتني رسايل

💬..... شنو اذا حضرتيني راح تخلصين مني

💬.... ديري بالج تحضريني مرت ثانيه فاهمه

💬..... وووف اشكد مشتاقلج اتمنه هسه بحضني تعرفين شنو اسوي لو صارت صدك

💬..... يله المهم تصبحين على خير يا عمري بوسات💋

..... لا'لا مدا اصدك لا يارب منو هذا ولو درو اهلي يكطعوني شنو اسوي خلي احجي لنصرت لا اذا حجيت منو يكول يصدك بيه بقيت لصبح كاعد وماداومت لان كلش خايفه ومادري شنو اسوي

ام علي...... ازهار ماما كعدي تريكي حتى ترحين لجامعه
..... ماما تعبانه ماكدر

..... ياه يمه اسم الله شبيج

...... مادري يمه بس تعبانه

...... يمه تروحين لدكتور

...... لا يمه هسه شويه وارتاح لا تخافين

...... خوش يمه نامي شويه وكومي اسبحي حتى ترتاحين

...... تمام !! ' رن تليفوني وشفت جانت رساله من نفس الرقم شنووو اسوي

💬..... صباح الخير ياحلوو

...... لا لهنااا وكافي احسن شي اكسر الكارت ( شريحه) طلعتهه وكسرتهه ومسحت كل البرامج ووو رتاحيت بيس اذا احد سئلني شنو اكله ؟؟؟؟

......... للحكايه بقايه انطوني ✍️

........ واسفه على تقصير وياكم بس من اليوم راح انزل بين كل يوم ويوم بارت لان ما لحك انزل كل يوم

...... ولاتنسون تصوتون وتنطوني رئيكم لان كلش مهم

...... ياه اكثر شخص حبيتوا وياه اكثر شخص كرهتو بلروايا؟؟

...... وشنو تتوقعون منو ديراسل ازهار ؟؟؟

...... تصبحون على خير

..... احبكم ❤