رغيفْ بنكهة عشگّ {مكتملة}

البارت السادس عشر

حاير وخايف وضايع ضيعة عيون
اخاف ببوسة منهن ما يردون...

#رغيف_بنكهة_عشگ
#بقلمي_بصره_الربيعية
#البارت_16..

البصرة...

كلاف_وانه مغندبة عيوني من الشمس صارت على عيونه
نفس الخزرة والعيون الي باوعلني بأخر خميسية لخالي
نفسهن اشوفهن بالمرايه مال سيارته گدامي ...

انتبهت على روحي ونزلت راسي ما احس غير شخطت السيارة بسرعة...

صارت بعيده... مشيت سريع اللحگ بأمي الي عبرت طريق يم الگبور...

نمشي ونقرء الفاتحة للموتى ، الله يرحمكم جميعا.

امي دارت علينه وگالت امشن مناك الولد اشرولنه
چنهم وصلو.

رحنه وراها نمشي شلخ لانسحگ على الگبور

اكو بيها مابيها بناء وماينعرفن... فنمشي متحذرين

وصلنه يمهم الولد ملتمين يم الگبر وشي يم گبر جدي ..

ماادري ليش اجت عيني عليه ..چان گاعد ركبة ونص والسبحة لافه على ايده ومبينه مظغوطه وايده الثانية
مغطي بيها نص وجها ، مسح وجها وكام بسرعة غيرت الاتجاه وصرت ورى امي ... ماادري شبيه هيچ اخاف ومنه!!

بهالاثناء هو حاچاهم... بدون صريخ وصوت عالي
اكتفوا بالبچي القليل واقرو قرأن اثوب اللهم..
البچي يأذي الميت بگبره..

رجعت انه ليورى من عبرو لگبر بيبتي چنت يمها انه
قريتلها الفاتحة من گمت بس عثرت وكضتني
سڤانه من درت عليها...

سڤانه_الله على كيفچ.... كلت هيچ وانه اباوع لعيونها
صليت على محمد وانه ابتسم كلتلي شبيچ..

لو تشوفين عيونچ شلون مبينات وبارزات..

كلافَ_اي صح بالشمس يبينن لونهن ...شبيچ؟!

سڤانه_مو چنهم ولد عمي ذول؟؟...

كلافَ_شنو...وينهم؟...
درت وجهي اشوف تقصدمن واشوف..
ولد خالي اجو صوبنه والولد تلگوهم بعد ماشافوهم من يوم اتوفه خالي وراحولهم شي ورى شي...

مو شافوهم مايجون اتكدرو عليهم بس هسة كلها اتلگتهم خصة خالي خطية شبگهم يبچي جدامنه

الولد حالتهم ماتقل عنه بس استغربت بس همه جايين
حتى سڤانه تسألني متعجبة..

سڤانه_چاا عمتي و البنات ليش مو وياهم ؟!...
تلهفت من شفتهم گلت كفايه وياهم وعمتي والبنات
صارلنه شكثر مامتشاوفين
وانه كلش اعزهم بگلبي اتذكر گبل اكثر وكتنه سوه

وهيچ تالي طشرنه الوكت وكبرنه وهسة واحد يستحي يسلم على الثاني

احنه البنات مادنينة كلش استحينه حتى ما خلفنه عليهم بس عماتي راحولهم والولد محاوطينهم.