آسميتها جارية فأصبحت سيدة قلبي

بارت 4

بارت 4

&

•

•

•

وحقك ما استاهل روحتك هاي
و مو انه التخلي بكلبه لجمه

ايهاب المالكي

•

•

•

&

.........
( غدير )

اللي يدخل بيتنه يگول عدنه فاتحه الدنيا مگلوب اني وامي وبيبي گاعدات نبچي بعد ما ملخنه نفسنه من الطم ..

شكل بابا چان مرعب عبالك روحه دا تطلع واحنه اول مره نشوف هيچ ..

سكتونه العالم وبنات عمي اجوي البيت انخبص مليان نسوان جوارينه واخواني راحو ويه بابا للمستشفى..

ليش هيچ وشنو صارله معقوله بسبب العلاج رحت بحثت اسم العلاج على النت اول شي كاتبين ياخذو اللي يعانون من الصرع بس بابا بي جلطه مو صرع..

بس بعدين كاتبين يجب توخي الحذر من اولئك الذين يعانون من مشاكل في الكبد او الكلى ..

اتقربت من ماما بقلق ..

غدير :- ماما .

ام علي :- ها يمه !؟

غدير :- بابا هم عنده مشاكل بالكلى لو الكبد ؟!

ام علي :- اي عنده التهابات بالكلى ليش ؟!

غدير :- عزه لعد هذا العلاج ميناسبه ماشفتي اول مااخذه تخربط واصلاً ينطو لمرضى الصرع .

ام علي :- لو باحثين عنه بالنت قبل لا ننطي لأبوچ .

غدير :- ماادري مو چنت دائماً هيچ اسوي بس هسه راح من بالي .

سكتت وااني افكر بـ بابا واللي صار بي گلبي يمه ..

للساعه 1 بالليل ماكو خبر منهم نتصل محد يرد اتخبلنه على بابا ..

يعني چنه متخيلين بـأي لحظه يوصل خبر بابا حاطه ايدي على گلبي وادعي يرجع النه بسلامة ياربي كلشي ولا بابا ..ققققق

ماخليت ايه حافظتها ماقريتها ولا دعاء طلبت من اهل البيت يدعون لبابا همه اقرب من عدنه لرب العالمين وحتى من نور طلبت تدعيله ..

اكيد هي هسه تشوف وضع بابا الحمد لله من ماتت وماشافت وضعه هسه ..

شويه وسمعنه باب الحوش انفتح اخواني صوتهم عالي يسولفون ويضحكون ..

باوعت بعين وئام هم خطيه چانت مخبوصه ويانه وطفرنه سوه ..

وگفنه يم الباب الداخلي فتحناه صار بوجهنه بابا بعربانه ‏مدنگ ويفرك راسه بـ ايده الزينه اللي يگدر يحركها ..

احس دموعي تنزل حاره على خدي واني اشوفه شلون مكسور ومدنگ .

شالو الولد ونومو على چربايته طبيه خليناها اله بالصاله حتى كلنه نبقه يمه ..