لحن الحب (قيد التعديل)

البارت الاول (نبذة عن القصة)

اسرة تتكون من اب وام وابنتهم الوحيدة "مليكة"
كانت تقف بالقرب من نافذتها تغنى بصوتها العذب فكان حقا صوتها رائع حين تسمعة يستطيع انا ينقلك الى عالم اخر جميل...عندما انتهت من الغناء سمعت صوت تسقيف نظرت ورائها الى ابيها الذى قال:
اية يابت يا مليكة الحلاوة دى لا بجد ابهرتينى بصوتك
نظرت له وقالت بابتسامة:بابا انت هنا من امتى
رد هو بابتسامة حنونة:من اول الاغنية
مليكة:بجد يا بابا صوتى حلو ولا بتجاملنى زى مبتجامل ماما ع الاكل
الاب وهو ينظر يمين وشمال وكأن احد يراقبة ثم قال بضحك:لا امك اصلا مبتعرفش تطبخ فبجاملها عشان متيمنيش على الكنبة
مليكة بضحك وهى تتذكر اخر مرة جعلتة ينام ع الكنبة عشان قالها الاكل حادق:ايوة فاكر اخر مرة
الاب بحنق:متفكرنيش يا ختى مش عايز افتكر انا مبصدق انسى
مليكة:طب بم ان بقا صوتى حلو ايدك ع خمسين جنية
الاب:لية خمسين لية كتير امال لو قولتلك صوتك وحش هتعملى اية
مليكة: هعمل حاجات كتير لو قولت صوتى وحش وهعمل اكتر لو مدتنيش الفلوس دلوقتى
الاب:اعلى ما خيلك اركبية بعدين معيش فلوس
مليكة:يا بابا هات الفلوس يا بابا متخلنيش اعملها معاك
الاب: هتعملى اية يعنى
مليكة وهى تصرخ وتنادى على امها:ماما يا حاجة منال مااامااا تعالى شوفى جوزك بيقول ع اكلك اية بيقول.......اممممممممممم
قاطع كلامها يد ابوها وهو يضعها على بقها بحيث يمنع عنها الكلام ابوها:هششششششش الله يخربيتك هتفضحينى هديكى خلاص هديكى بس اكتمى بوقق خالص كتك نيلة دى اخرتها بتفضحينى عشان خمسين جنية بعدين عايزها لية ها قولى قولى
مليكة:امممممممممم اممممممممم
الاب وهو يزيل يدة من عليها:خلاص قولى
مليكة:عشان هنروح انا والبت سارة وحياة بعد منعزف نشترى مسليات
الاب:مسليات اية دى
مليكة:لب وسدانى وشبسى وكدة يعنى
الاب بصدمة:هتجيبى بخمسين جنية لب وشيبسى يا شيخة منك لله...ثم اخرج من جيبة خمسين جنية نظر لها بحصرة وقال خدى يا ختى اخذتها منة ثم حضنتة وقالت تعيش وتدينى كدة يارب.....قاطع لحظتهم دخول والدتها منال التى اردفت:اخس عليكم بتحضنو بعض من غيرى
مليكة بضحك:اية يا منال انتى يتغيرى ولا اية اش حال امبارح كان الخميس وسيابكم تحضنو بعص براحتكم
الام بصدمةوهى تنظر لكامل:احنا حضنا بعض يا كامل
كاد يجيب لولا مليكة التى اردفت بوقاحة:ويارتها كانت احضان بس دا كان فية...امممممممممم
وقاطع كلامها كامل للمرة ثانية بوضع يدة على فمها قائلا بهمس:اسكتى اسكتى الله يخربيتك هتقومى امك علينا ابو اشكالك يا شيخة ثم قال وهو ينظر الى منال :عيلة هبلة نقول اية سيبك منها
الام بضيق وهى تنظر لابنتها:انا مش عارفة انا مش عارفة انتة حاشرة منخيرك ف كل حاجة يا يا ....يا وقحة
مليكة باستغراب من الكلمة:"وقحة" انتى جبتى الكلمة دى منين دى الكلمة دى بطلو يقولوها من عصر الفراعنة
نظر الاب لابنتة بزهق فهى دائما تحب مشاكستة هو و ازوجتة ثم اقترب من منال وقام بحتاضنها قائلا: سيبك منها عيلة هبلة ومتربتش اساسا ثم قان بتقبيل جبينها :خلاص روقى بقا
مليكة:روق انت
نظرت الام لزوجها فهو دائما يقوم بتطيب خاطرها ولا يحب انا يرها حزينة او مدايقة.. اردفت:خلاص مش مدايقة
الاب وهو يقبل خدها:ولا زعلانة
مليكة:يا حاج راعى حال السنجل اللى جامبك بعدين شايفاك داخل ع الشفايف روق شوية
الاب والام بصوت واحد:وقحة
مليكة :الله شوفوا بيقولو وقحة تانى ويلا بقا كدة عايزة اغير هدومى يلا يلا شوفو انتو كنتو هتعملو اية وكملوة برة اوضتى ثم قامت باخراجهم من الغرفة وقفلت الباب
خارج الغرفة كانو ينظرون لبعض بصدمة
الاب:هى طردتنا دلوقتى ولا انا بيتهايألى
الام:اكيد متقصدش
فى الغرفة كانت تعزف على الجيتار الخاص بها بمهارة ثم توقفت قالت لنفسها و هى ترتب اللى هتعملة:انا دلوقتى هتمرن على الاغنية بعدين هلبس وروح عند العيال عشان نعزف واغنى عند البحر ايوة دلوقتى اقوم البس ثم توقفت امام الدولاب.. البس اية حيرة كل بنت ههههههه

**********************************
فى مكان خارج مصر وخصصوصا بامريكا "نيويورك"كان يقف امام خزانتة يفكر ماذا يلبس...قاطع تفكيرة صوت رنين هاتفة قام بالتقاطة ورد قائلا:ابوياا حبيببى ليك وحشة يا رجل
الاب:بس يا زبالةهو انا يلا لو مرنتش مترنش
الابن:والله الشغل يا بابا مش مخلينى الاحق على حاجة
الاب:بس بردو يا ادم حاول تخصص دقايق من وقتك وكلمنى فيهم ساعتها الشغل مش هطير يعنى
ادم:خلاص والله اخر مرة اوعدك هكلمك كل يوم...ها انت عامل اية وماما عاملة اية
الاب:احنا الحمد الله كويسين انت قولى اخبارك اية وهتنزل مصر امتى
ادم: انا تمام الحمد الله وهنزل اول اما اصفى كل شركاتى واي حاجة ليا هنا
الاب:ايوة امتى يعنى
ادم:يعنى شهر بكتير وهتلاقينى عندك
الاب:شهر لسة هستنى كمان شهر
ادم:معلشى بقا يا بابا هحاول اخلص بدرى عن كدة
الاب:انت عيل زباالة اوى وكداب والله
ادم:طب لية الشتايم دى بس يا سليمان
الاب:ملكش فية اب وبيشتم ابنة بعدين اية سليمان دى انت بتقول سليمان عادى كدة حاف
ادم:المرة هحطلك مكسرات
سليمان دا انت رخم يلا بعدين اقفل يلا عشان سهير بتناديلى
ادم بوقاحة:ماشية معاك انت امبارح كان الخميس ودلوقت سهير بتناديلى والعة يعنى
الاب:لم نفسك ياض
ادم :انا غلطان يلا روح كلم ماما عشان متتعصبش وساعتها هتبقا والعة فعلا
الاب:سلام يا زبالة
ادم:شوفو بيشتم تانى ازاى الله..ثم اقترب من نافذتة وقام بوضع يدة للسماء "علامة الدعاء" ياااارب ابعتلى انا كمان سهير تندهلى زية كدة وقاطع دعائة دخول صاحبة محمد وهو ينادى علية:يلا يا ادم اتأخرنا ع الشغل زمان مازن دلوقتى بيدعى علينا
ادم وهو ينظر للسماء وقال:مش سهير دى يارب
محمد:سهير مين
ادم:ملكش دعوة يلا عشان نمشى
ثم اخد جاكتة البدلة من ع الكرسى ونزل هو ومحمد متجهين لشركتهم الخاصة

*********************************
عند مليكة كانت تجلس امام البحر تعزف ع الجيتار وبجانبها سارة تعزف ع الكمان وحياة التى تعزف ع الدرامز
وانتهو من العزف والغناء ع صوت تسقيف الناس التى كانت تقف تسمعهم ...
بعد فترة قصيرة قامو باخذ ادواتهم الموسيقية ووضعوها بسيارة حياة واتجهو الى محل ايس كريم مليكة:انا عايزة ايس كريم شوكلاتة وانتم
سارة:انا عايزة فراولة
حياة:وانا مانجة
بعدما قامو بشراء الايس كريم توجهو الى بيت حياة
سارة:احلى حاجة ان اهلك مسافرين
مليكة:اوفقها الرأى
حياة:على فكرة دى حاجة وحشة انهم يسافرو كل شوية بحجة الشغل حاجة تهزق عارفين من غيركو مش عارفة كنت هقعد ازاى لوحدى
مليكة:يا بت احنا اخوات مستحيل نسيبك لوحدك بعدين بصراحة بيتكم حلو وفية اكل كتير
سارة:عشان كدا بتلقينا كل يوم عندك هههههه
مليكة:سيبك من الطفسة دى واولى عاملين اكل اية النهاردة اصلى مكلتش حاجة من الصبح
سارة: انا بردو اللى طفسة
حياة:دادة روحية عملت جمبرى وسمك
سارة ومليكة بصوت واحد:فين المطبخ

*****************************
دا كان نبذة صغيرة عن الرواية
للكاتبة✏: فريدة يحيى..👋