آسميتها جارية

بارت 22

بارت 22

&
•
•
•

صارت صدك

جنت انه خايف كلبه يسكت مايدك

بوجوهنه انسد الدرب
والساعي ردالي خبر
شاف الرسايل تنمزك
صارت صدك

ياساعي متوهم ترا بكلوبهم شي مختلف
يجوز ما رادو دلائل تنكشف
بس ينقرا المكتوب بيها
وتالي لابد تنمزك

كلالي :
مامش رسالة تفتحت
هيه بضرفها وتحترك
صارت صدك

منتظر الفهداوي💜

•
•
•
&

...........
(( نور ))

سألته واحنه بالطريق عن موقع المتحف جاوبني بهدوء وهو يحك لحيته ويباوعلي بطرف عينه :- تقنعيني ماتعرفين !!

حركت چتفي بعدم مبالاة :-صح قاريه عنه بس ماتعمقت ولهذا عندي فضول ناحيته وصدگ مااعرف موقعه وين .

هز راسه بتفهم :- صاير بوسط أثينا ((عاصمة اليونان )) بحي اسمه إكزاكيا .

هزيت راسي بدون ماارد عليه بقيت صافنه على البنايات اليونان بكلشي مميزه حتى بناياتها وواضحه بناء خاص باليونان الساحات ولبس الناس وحتى ملامحهم واضحه يونانيه ..

اللي يسأل شلون ماانتبهت احنه باليونان لأن چنت مرعوبه ومتأذيه ومااعرف شنو مصيري مالفتني اي شي بالشوارع چنت اشوف كلشي ضباب ..

هسه مانسيت ولا ارتاحيت بالعكس الحزن زاد والقهر والخوف والقلق بس تأقلمت صارت عندي قوه غريبة لمواجهة المصائب ..

وصلنه لمتحف الاثار الوطني اليوناني چان مقابيل المتحف ساحه چبيره وبنصها دوار صغير بنصه زرع ..

المتحف بناء الواجهه مالته مستطيل بس بالوسط مربع واعلى من الجوانب ..

واجهه عباره عن حياطين باللون الاحمر تحيطهن اعمده باللون البيجي مايل على صفار ..

نزلنه من السياره واحنه نتمشى بهدوء متوجهين لداخل المتحف وطبعاً هو لازم ايدي حتى لا اشرد سألته بهدوء :- شوكت تأسس هذا المتحف !؟

جاوبني وهو يشدد بمسكة ايدي :- بدأ بناء هذا المتحف عام 1866 وكملو من بنائه 1889 .

جاوبته بسرعه :- يعني 23 سنه وهم يبنون !!.

ابتسم وهو يباوع بوجهي :- شبسرعه حسبتيها !؟

رديت بهدوء واني ادير عيني على حياطين المتحف ومنبهره بيهن :- اني من عشاق الرياضيات من اني صغيره احب اقرا واحسب اعداد چبيره !؟

ود بهدوء وابتسامته بعدها مرسومه على وجهه :- يعني عبقرية .

جاوبته بغرور :- اي وصلي على النبي لا تحسدني .!!

ضحك :- لا عيني اللهم صلِ على محمد وال محمد كلشي ولا يصير بيچ شي وين نروح احنه .

داخل المتحف چانت الارضيه خشبيه والحياطين لونهن بيجي مريح للعين طبعاً المعروضات مخززيه الى ابعد احد اكثرهن ماشفتهن لأن مغمضه عيوني من الخجل وعلاء ميت ضحك عليه ..