اسيرة قدرك

بارت 61

-ريا اسكتي راح اخلص عليج كتلج صوتج
ما اسمعه اسكتي لج بابا اسكتي..

-رفعت الكلاص و ركعته بغضب تناثر
الكزاز عفتهم ودخلت للغرفة واحس جسمي
يرجف من الاعصاب يعني مثل كل مرة
اهله السبب وهو ما يمد ايده الا على ريا
ما يفرغ غضبه الا  بريا تعبت اني والله تعبت..

-اسمع صوت البنات يبجن اجت نورهان  جابتلي ريا واكعة وحلكها بي دم.. غسليلها ولج اسر لايشوفها و يخلص عليج هو يريد حجه حتى
يفرغ غضبه..

-اخذتها منها شلون وكعت؟!.. هي كالت زلكت بالمطبخ ووكعت بقيت لازمه جرحها واسكت
بيها خليت ريا بحضني وباوعت على نورهان..

-تعبت منهم تعبت لازم شنو يسوون يرجع
عليه اني شذنبي بس كولي شذنبي حتى السفر ما جنت رايدته وما سمع مني ليمتى يعني يضل
هذا حالي مو حتى نفسي كرهتها.. حجيت
وشكيت وحتى على أهله حجيت هي تنهدت..

-خلي يولون كافي مو زين انتي مريضه
بعدين هو عصبي يا عيني اتجنبي لا يتخبل عليج..

-سكتت شسوي بعد لليل بقوا يمنا مهاب ونورهان
وهذا خطية شكد حاول يطلعه يغيرله جو بس هو جان قافل تالي صاح على نورهان يروحون هي اجتي بوستني.. عوفي بغلات ماما لا تجادلينا
ترى متخبل ونوب يضربج خلي يهدا لا تحجين شيء ويا..

-ان شاء الله لا يضل بالج.. حجيتها وهم طلعوا
وأسر طلع وراهم رجعت للغرفة البنات نايمات  شوي ودخل للغرفة اني بس شفته كمت اريد
اطلع منها..

-وين؟!..

-سكتت ما حجيت ويا فتحت الباب اريد اطلع هو سحبني و خله ضهري على الباب وايديه مقيدتني شبيج تخبلتي؟!..

-عوفني اسر اطلع منا ما اريد تكبر المشكله..

-قرب وجهه على وجهي وحجه بهدوء.. ما تكبر بس انتي لا تعاندين..

-حجيت بنتره.. عجيب أمرك تضرب كدام مهاب وكدام اختي وعلى شيء تافهه وتهيني وتريد بسرعة احجي وياك وانسه اسر لهالدرجة
انت مستصغرني و ولا كانو بشر كبالك
والها احساس ومشاعر كول تنقهر
تنجرح..

-هو سكتني خله شفته على شفتي  باسني من شفايفي بقيت اتحرك اريده يوخر وهو
حاضني بقوة.. حجه بقهر كل السويته لخاطرج انتي والبنات ردت ابتعد منا ردت نعيش كم
مرتاحين كافي مشاكل تالي امي  خربت كل شيء  شحجي و شكول اذا هي امي دمرتني اذا
هي امي ما تريدني ارتاح ريا جنت تعبان
وطلعتها بيج.. 

-اخذني  للجرباية و هو مستمر يحجي و يشكي
اني ما ابديت اي ردة فعل هو باوع بعيوني..شبيج ساكته احجيلج كلمة..

-كمت ركض فتحت الباب وطلعت واسمعه
يحجي وياي.. ريا حبيبتي اذا انتي ما تتحمليني منو يتحملني كافي عاد ابويه انتي..

-ما اهتميت هزيت ايدي.. مامجبوره اتحمل 
خبالاتك و عصبيتك رحت بالاستقبال طلعت الحاسبة بقيت التهي بيها  دكت عليه نورهان سألت شصار وره ما طلعوا..