دارت الدنيا لتدق طبول قلبي

بارت الثالث عشر

مدري اني ضيعت الوكت

مدري الوكت ضيعني

مارايد يطيب الوجع

ردت اعرف شيوجعني..

_______________

هجان : ضروري تعرفين العصفورة منو؟

ملاك : اي طبعا مثل ما حجيتلك كل شي انت هم تحجيلي.

هجان : ممممم
ملاك : يله احجي حباب..

هجان : شوفي انه بالبداية جنت مصدك زواجكم اصولي تصوري من رجعت لبيت جدج خليتج بحساباتي وجنت اريد اتفنن شلون انتقم وابرد كلبي بيج..

ملاك : شو بيت جدج ليش مو جدك؟

هجان : ماعندي بيت جد عوفج منهم عليج باالأهم ..

ملاك : كمل ..
حجيتها وابتسمت ردلي الابتسامة وكمل..

هجان : من اريام حجتلي ترجيتها اي معلومة منج جديدة تحجيها اليه بس الحقيرة ما حجت حاجيه لنغم ونغومه ماتصدك تسمع شي خابرتني..

نغم : هلو ابو الصعاب..

هجان : من الأخير مابيه حيلج ولا حيل جهالج وما اجي وياج لأي مكان ولا اشتري شي داخل بمشروع جديد وذاب كل فلوسي بيه..

نغم : مممم واذا كلتلك الشغلة خاصة بالحب..
هنا انه ارتديت بمكاني وظليت ساكت استمع ...

نغم : شنو انقطع الخط الوو..

هجان : احجي بسرعة..

نغم : تاخذني اني وجهالي وتشتريلنا شنو نريد..

هجان : اي بس احجي.

نغم :مو هسه جنت تتكلب عليه ..

عطت بيها بصوت فقدت بوقتها جانت اعصابي ترجف اريد بس اعرف شنو ضامه عليه وماحسبت حساب جنت كاعد بمكان عام والناس كلها تتفرج عليه..

نغم : والله اذا صيحت بعد ما احجي زين..
هجان : اعصابي تلفانه لا تداهريني واحجي التعرفيه..

نغم : راح احجي بس والله مو صوجك.

هجان : شلون راح تخليني ارجع للبيت وابتلي بيها..

نغم : راح احجي بس اسكت ، شوف سمعت بس ما متأكده انت تأكد بطريقتك ، ملاك منفصله عن ضيغم شرعاً بس قانوناً بعدهم وليش وشنو لاتسأل لان ما اعرف تفاصيل ابحث انت بنفسك..

هجان : متأكدة من هذا الحجي نغم..

نغم : اي متأكده يله روح زعلت عليك وبعد لاتخابر..

سديته بوجهه وطلعت لبغداد ماعرف شلون وكفت كبال بيت عمي طالب ، عقلي تبرمج على بيت عمي من اول ما طلعت من البصرة صفيت السيارة ونزلت ، اريد حجه قويه ادك بيها الباب ، فكرت ماكو غير اضرب ايدي وافوتلهم حتى يسعفوني..

ملاك : هههه صدك والله هيج سويت ومن وين اجتك هاي الافكار.

ابتسم وكال.
هجان : اجتي بعد ، سمعي ، شكيت ايدي بالمطوة عندي بالسيارة ومسحتها من الدم ورجعتها ، لوثت قميصي بحيث بينت الهم انه مضروب بكل جهة مو بس ايدي ..