اسيرة قدرك

البارت 57

-اي نونه بشرينا اشو ما شفنا شيء و تبتسم..

-هي ردت عليها بدلع.. والله يا خالة مثل مكال هوبي شيء خاص وعيب هم وما اكدر اكسر
كلمته وتالي يصير عصبي عليه..

-ذيج حجت بغضب.. خالة شنو شو انتي
ما ادري شلونج؟!..

-يا غير جبيرة بكد امي ومن باب الاحترام
نوب صرنا مو خوش..

-خزرتها لان ما عجبني تصرفها غبية ما تعرفهن
شنو وشلون يشدن ويه الواحد.. 

-خلص اليوم كله بيت ام مهاب لليل اسر
كال يلا نروح للبيت سلمت عليهم ووصيت
نورهان ما تندك بيهن لان هاي بس السان
وهن اعرفهن شلون اذا خططن بس الله يستر منهن اخذت بناتي وطلعت...

-بالسيارة اخذت موبايل اسر دكيت على فارس جاوبني بس صوته جان مو طبيعي..

-شوكت تجي منتظرينك؟!..

-لا تنتظرون اليوم ابات  يم صديقي اريد اغير جو..

-اشتعلت شعل وما اكدر احجي اخاف لا اضغط
عليه بملحتي وتالي يهج منا مثل ما كال اسر
والله تعبت واني اركض وراهم ذيج زعطوطة
ومخلية حمواتي براسها وهذا جاي يضيع
بروحه.. حلفته ما ياخذ حبوب ولا يتقربلهن
هو كال لا تخافين ماكو شيء بس اغير جو..

-وصلنا بوجهي نومت البنات ونمت حتى اسر عفته يباوع مباراة مالي خلك شيء..

-مر كم يوم واليوم سبعة نونه سووها بينهم
حفلة من رحنا عليهم جانوا مكملين كل شيء 
وهي لكيتها رايحه تسوي بس شعرها يم الصالون ومن رجعت مكيجتها اني ولبست فستان فضي
طلعت حلوة..

-بدت الحفلة اجوا اهلي واشوف هداياهم تجنن
رفعوا راسها فرحت همزين ما اريدها تتعير
مثلي بابا جان دازلها تراجي واخوتي هم
انطوها هدايا اما هديتي جانت كلادة باسم
فضل مثل ما سماها مهاب اول ما تعرف عليها
ام فضل..

-خلصت الحنة وكل واحد رجع على بيته
بس ايهم ومرته واهله بقوا يمهم..

-رجعنا لبيتنا جنا تعبانين لهذا كبل للفراش..

-نايمين وفزينا على صوت جهاز اسر..

-فتح خط ما اعرف شنو الي حجوا ويا بس
هو صار اعصاب.. يارب شلون بهالولد
دمر نفسه الغبي و بعدها سب ابو سجى..

-باوعتله بخوف شكو شصاير؟!..

-غلط على رجل اختي وبعدها صاح
اذا صار على ايهم شيء بيدي اخلص على
هذا ****..

-بس فهمني فدوه ليش شصار؟!.. حجيتها
وشهكت بخوف وقهر من كال..

-شفهمج ريا هذا ارفد يكلي لحك على
ايهم ضاربينه سجينه بظهرة..

-منو الي ضاربه وليش؟!.. بال**** دفعني
وطلع..

-بقيت بقلق وخوف خطية ما يستاهل يارب
ما يصير عليه شيء بعده شاب وحتى طفله
ما لحك عليه..