#سلالة العنفوان...ذنب عينيك

الذنب 38

الذنب 38
رواية...ذنب عينيك سلالة العنفوان
بقلمي...نور سمو العراق

💔💔💔💔💔💔💔💔💔💔

لا تعامل كل الناس بأسلوب واحد ، فليس كل المرضى ياخذون نفس الدواء

......................
وئام...

من الأفضل أن يكون أمامك أسد مفترس على أن يكون وراءك كلب خائن.

احب هاي،المقوله چثير لان فعلا تمثل واقعنا تمثل الإنسان الي ينغدر وينطعن بضهرو هي كالت الو ان جدتي طالبتو بغرفتها...

هو صعد من كمل الدرج اني دحجت جدتي طلعت من المطبخ تفاجئت چثير ...

خليت ابني علئ علئ القنفه وركضت جدتي صاحت عليه...وئام بيبي وين صاعده شبيج انخطف لونج

ما جاوبتها وصعدت شفتو واكف يحجي،ويه وفاء ويستفسر منها...ومستغرب من تصرفاتها ...

كلها ..شنو هذا جدتي عليش كاعده بغرفة فريال

بلعت ريكها...هي مو تخربطت لان جانت كاعده بغرفة فريال

قلص عيونو ودحك الها بشك ...مشه خطوتين ديدخل

واني صحت عليه ..بس جدتي هساع جانت بالمطبخ شلون دكولين بغرفة فريال

وفاء فتحت عيونها مصدومه وهو دار ضهرو عليه وبعدها دحك لوفاء ورفع تك حاجب...ول ناصبات الي كمين وانه ما اعرف

بعدها اشرلي وعيونو تضحك الي...تعالي وئامي تعالي بويه مشتاقلج

ركضت عليه وحضنتو بجيت علئ صدرو اريد اشكي همي الو والله اعرف هو ما يقصر مني واذا عرف بعمر ماذيني ما راح يسكت عنو وراح يحاسبو وياخذني منو

مسح علئ شعري كال بتنهيده طويله...عرفت عمر مريض شويه وتفقت اني وفاروق نمر عليه ونزورو عمر اخونا ما يستاهل الي يصير وياه الحمد لله على سلامتو

مسحت دموعي...الله يسلمك خويه اي والله عمر مريض

حضن وجهي ومسح دموعي...صاير بينكم شئ احجيلي انه اخوج واكيد اسعيلج بالخير

سكتت مجاوبت جنت اريد احجيلو بس مو هل حزه لان صايره مطاحن الشيوخ والعشاير همست...لا ما بينه شئ

درت وجهي لوفاء وهو دحك الها كلها...وينها اختج ما تطلع من غرفتها ليكون ناويه تسوي دراما تتهمني باطل واضطر اوافق علئ الزواج منها..

طلعت فريال وهي ترتب بشعرها وكأن ما صاير شئ كالت...شكو شكو شديصير ذياب شعندك هنا